NUMERA 15:3 - Buka Helaga (Hiri Motu) 1993

³ boromakau tau ta, mamoe tau ta, mamoe ta, o nanigosi ta be Lohiabada dekenai gabua ore boubouna totona, o gwauhamata boubouna totona, o laloa namo boubouna, o emui aria ta boubouna totona do umui henia. Inai aniani bouboudia edia bonana be namo herea Lohiabada dekenai.

NUMERA 15:3 Iomraidhean Croise

GENESE 8:21

Lohiabada ese bonana namona ia kamonai neganai, ia gwau, “Tanobada do lau hadikaia lou lasi taunimanima dainai, badina be lau diba, idia be maragi negana dekena amo, edia laloa be dika. Lau be mauri gaudia do lau alaia ore lou lasi, vanegai lau alaia ore bamona.

ESERA 7:17

“Inai moni do umui gaukaralaia namonamo. Ia dekena amo boromakau tau, bona mamoe tau, bona mamoe natuna, bona paraoa boubouna, bona uaina boubouna, do umui hoia. Bona Ierusalema dekenai Dubu Helaga ena boubou patana dekenai, Dirava dekenai inai gaudia ibounai do umui henia.

SALAMO 54:6

Lau ese laloa namo boubou gauna, oi dekenai do lau henia. Lohiabada e, oiemu ladana do lau hanamoa, badina oiemu ladana be namo.

ESODO 29:18

Idia ibounai be boubou patana ena latanai do oi gabua. Inai be Lohiabada dekenai boubou ia gabua gauna. Lau Lohiabada ese inai boubou ia gabua ena bonana namona lau kamonai neganai, be lau moale.

ESODO 29:25

“Unai murinai, idia dekena amo inai aniani gaudia do oi abia, bona boubou patana dekenai do oi gabua, unai idia gabua vadaeni vamu boubou gauna danu. Inai ibounai be do umui gabua hebou, bona bonana namo herea lau Lohiabada egu vairana dekenai do ia lao.

ESODO 29:41

“Adorahi neganai mamoe iharuana be do umui gabua, bona dabai umui gabua mamoe danu umui henia paraoa, dehoro bona uaina edia bada hegeregerena ma do umui henia unai adorahi boubou totona. Inai aniani boubouna, lau Lohiabada dekenai umui henia gauna ena bonana namona lau kamonai neganai, be do lau moale.

LEVITIKO 10:13

Gabu helagana ta dekenai do umui ania, Palai Dubu ese ia koua hagegea koua dabua ena lalonai, badina inai be umui bona emui natuna emui gaukara davana, Lohiabada ena gabua ore boubouna dekena amo.

LEVITIKO 27:2

“Israela taudia do oi hamaoroa, bema tau ta ese ia gwauhamata, sibona o taunimanima ta Lohiabada dekenai do ia henia neganai, hoia lou davadia be inai:

LEVITIKO 7:16

To bema tau ta ena boubou be iena gwauhamata ia hamomokania dainai, o sibona ena harihari gauna neganai, hahelagaia tauna ese, Lohiabada dekenai ia henia dinana dekenai, be unai boubou vamuna haida ia ania diba, bona dina iharuana danu haida ia ania diba.

NUMERA 28:27

“Gabua ore boubouna Lohiabada dekenai do umui henia, Lohiabada dekenai bonana namo gauna, inai bamona: Boromakau natuna tau rua, mamoe tau ta, bona mamoe natuna tau ibounai 7, lagani tamona gaudia, namodia momokani, bero o toto lasi gaudia.

NUMERA 29:8

Lohiabada dekenai gabua ore boubouna do umui henia, ia dekenai bonana namo gauna: Boromakau natuna tau ta, mamoe tau, bona mamoe natuna tau 7, lagani tamona gaudia, namodia momokani, bero o toto lasi.

NUMERA 6:15

Inai danu do ia henia: Paraoa beredi, idia hatubua lasi gauna ena bosea ta, lalonai danu be paraoa bona olive dehoro ia mikisi dekenai ia karaia ataga, bona bisikesi, idia dekenai olive dehoro ia bubua gaudia. Ma danu ia ese paraoa boubouna bona uaina boubouna do ia mailaia.

MATAIO 3:17

Bona gado ta guba dekena amo ia boiboi, ia gwau, “Inai be lauegu Natuna, egu lalokau, lau moale bada ia dekenai.”

2 KORINTO 2:15

Momokani, ai be Keriso ena bonana namona, Dirava ena vairana dekenai. Inai bonana namona be mauri dala idia raka taudia, bona mase dala idia raka taudia danu idia kamonai noho.

2 KORINTO 2:16

Mase dala idia raka noho taudia dekenai inai bonana be mase ia havaraia gauna. To mauri dala idia raka noho taudia dekenai inai bonana be mauri ia havaraia gauna. Inai gaukara karaia totona daika ia hegeregere?

EFESO 5:2

Lalokau ena dala dekenai do umui mauri noho, Keriso ese ita ia lalokau henia bamona, bona ia sibona ena mauri ia atoa diho ita dainai. Iena mauri ia henia, be boubou gauna mai bonana namona Dirava ena vairanai.

DEUTERONOMI 12:11

Unai neganai Lohiabada ese gabu ta do ia abia hidi, iena Ladana do ia noho totona. Unai gabu dekenai Lohiabada do umui tomadiho henia, bona unuseni be umui dekenai lau oda gaudia ibounai do umui mailaia, emui gabua bouboudia, emui boubou idauidau, bona emui kohu haria kahana 10 dekena amo kahana ta Lohiabada henia gaudia, harihari gaudia idaudia, bona emui gwauhamata gaudia, Lohiabada ena.

DEUTERONOMI 12:17

Inai gaudia be emui noho gabudia lalonai umui ania diba lasi momokani: Lohiabada dekenai umui henia gaudia ibounai, hegeregere emui uiti, o emui uaina, o emui olive dehoro, umui haria kahana 10 ena kahana ta gaudia, o emui boromakau o emui mamoe natuna vara guna, o emui gwauhamata gaudia, o emui harihari gaudia, o lalo namo dainai, Lohiabada dekenai umui henia gaudia.

DEUTERONOMI 12:6

Unai gabu dekenai do umui lao, emui boubou, gabua gaudia, bona emui boubou gaudia idauidau, bona emui kohu haria kahana 10 dekena amo kahana ta Lohiabada henia gaudia, harihari gaudia idaudia, emui gwauhamata gaudia, bona emui henia kava monina, ma boromakau bona mamoe edia vara guna natudia, inai ibounai do umui abia lao.

FILIPI 4:18

Gau momo, hegeregere momokani, ma haida danu, lau davaria vadaeni. Umui emui harihari gaudia ibounai, Epafrodito ese ia mailaia gaudia be lau davaria vadaeni. Idia be bonana namo gaudia, boubou gaudia, Dirava ese idia ia abia dae vadaeni, mai ena moale danu.