NUMERA 14:9 - Buka Helaga (Hiri Motu) 1993

⁹ To Lohiabada do umui tuari henia lasi, bona unai tano taudia do umui gari henia lasi, do ita halusidia haraga. Lohiabada be ita dekenai ia noho, to idia be durua diravana ta lasi. Unai dainai do umui gari lasi.”

NUMERA 14:9 Iomraidhean Croise

GENESE 48:21

Vadaeni Israela ese Iosepa dekenai ia hamaoroa, ia gwau, “Lauegu mase be ia kahirakahira vadaeni, to Dirava ese do ia hanamoa umui, bona do ia hakaua umui, vadaeni emui tubuna tamana edia tano dekenai do umui ginidae.

2 SIVARAI 13:12

Kamonai, Dirava be ai dekenai ia noho, ia ese ai ia gunalaia noho. Iena hahelagaia taudia ese edia kibi do idia hiriria, umui dekenai do ai tuari henia totona. Israela besena e, Lohiabada, emui sene taudia edia Dirava do umui tuari henia lasi, badina do umui kwalimu diba lasi.”

2 SIVARAI 15:2

vadaeni Asa hedavari totona ia raka lao. Ia hereva henia, ia gwau, “Asa e, bona Iuda bona Beniamina taudia ibounai e, lau dekenai do umui kamonai! Umui be Lohiabada dekenai umui noho neganai, ia ese umui dekenai danu ia noho. Bema Lohiabada umui tahua, umui ese do umui davaria. To bema umui rakatania, ia ese umui do ia rakatania.

2 SIVARAI 20:17

Iuda bona Ierusalema taudia e, inai tuari dekenai be do umui tuari lasi. To emui gabu dekenai do umui gini, bona naria noho sibona, vadaeni Lohiabada ena kwalimu umui dainai do umui itaia. Do umui gari lasi, bona do umui laloa manoka lasi, kerukeru be idia tuari henia totona do umui lao, bona Lohiabada be umui danu do ia noho.”

2 SIVARAI 32:8

Asuria taudia edia siahu be taunimanima edia siahu sibona, to iseda siahu be Lohiabada iseda Dirava. Ia ese iseda tuari lalonai ita ia durua noho.” Vadaeni taunimanima edia lalodia idia goada, Hesekaia ena hereva dainai.

NEHEMIA 4:14

Lau itaia, Iuda taudia be idia laloa hekwarahi, unai dainai edia gunalaia taudia bona tau badadia lau hamaoroa, lau gwau, “Ita idia tuari henia gwauraia taudia dekenai umui gari lasi. Lohiabada umui laloa noho. Ia be mai siahu bada bona mai garina, vadaeni emui tadikakana taudia dainai, emui natuna dainai, emui adavana dainai, bona emui ruma dainai do umui tuari.”

SALAMO 106:24

Unai murinai idia ese, Dirava ia herevalaia tano namona idia ura lasi. Idia ese Dirava ena gwauhamata idia abidadama henia lasi.

SALAMO 121:5

Lohiabada ese oi do ia gimaia. Ia be oiemu badibadinai ia noho, oi ia naria noho.

SALAMO 14:4

Lohiabada ese ia henanadai, ia gwau: “Inai kara dika taudia idia diba lasi, a? Aonega do idia abia diba lasi, a? Idia ese lauegu bese taudia idia ania noho, beredi idia ania bamona. Bona lau dekenai idia guriguri lasi, lasi momokani.”

SALAMO 46:11

Siahu Ibounai Dirava be ita dekenai ia noho. Iakobo ena Dirava be iseda heau mauri gabuna.

SALAMO 46:7

Siahu Ibounai Lohiabada be ita dekenai ia noho. Iakobo ena Dirava be iseda heau mauri gabuna.

SALAMO 46:8

Umui mai! Lohiabada ena gaukara do umui itaia. Tanobada dekenai hadikaia karadia momo ia karaia vadaeni.

SALAMO 74:14

Oi ese unai huala badana, ladana Leviatano ena kwarana momo oi hamakohia, bona iena tauanina, be tano kaukau idia noho taudia dekenai oi henia, edia aniani.

SALAMO 91:1

Bema tau ta ese Ataiai Momokani Lohiabada dekenai ia lao, Lohiabada ese mase dekena amo do ia naria totona, bona bema unai tau be, Siahu Ibounai Dirava kahirakahira ia noho neganai. Dirava ese do ia naria bona durua.

ESODO 14:13

To Mose ia gwau, “Umui gari lasi, umui gini auka masemase, Lohiabada ena hamauria kara do umui itaia, hari dina umui dekenai do ia hamauria, badina be Aigupito taudia harihari umui itaia, be do umui itaia lou lasi, lasi bona lasi momokani.

ESODO 33:16

Bema oi ese ai do oi bamoa lasi neganai, edena bamona idau bese taudia do idia diba oi ese lau bona oiemu orea taudia oi ura henia? To bema oi be ai danu ita lao neganai, idau bese taudia do idia diba namonamo, ai be bese idauna momokani, tanobada besedia ibounai edia huanai.”

ISAIA 1:2

Lohiabada ia gwau, “Guba bona tanobada e, lauegu hereva do umui kamonai! Lauegu natuna taudia lau ubua, bona lau hadibaia namonamo, to idia ese lau idia dagedage henia vadaeni.

ISAIA 32:2

Idia ta ta ibounai be lai koua gabuna hegeregere do idia lao. Idia be guba bada ia toa neganai hunia gabudia namodia hegeregere. Idia be tano kaukau gabudia lalonai sinavai maragidia hegeregere. Idia be nadi badana ena ikerukeru bamona, tano kaukau dekenai.

ISAIA 41:10

Do umui gari lasi, lau be umui dekenai lau noho! Lau be umui emui Dirava, gau ta ese umui do ia hagaria lasi. Lau ese umui do lau hagoadaia, bona umui do lau durua. Lau ese umui do lau naria, bona umui do lau hamauria.

ISAIA 41:14

Ma Lohiabada ia hereva, ia gwau, “Israela e, umui be maragi momokani, biluga bamona, to do umui gari lasi, lau ese umui do lau durua. Lau inai, Israela ena Dirava Helagana ese, umui do lau hamauria.

ISAIA 63:10

To idia ese ia dekenai idia dagedage dainai iena lalona ia hisihisi. Unai dainai Lohiabada ese idia ia dagedage henia, bona ia ese idia ia tuari henia.

IEREMIA 1:19

Inai taudia ibounai ese oi do idia heai henia, to idia ta ese oi do ia halusia lasi. Badina be, lau be oi dekenai lau noho, bona oi do lau durua. Lau Lohiabada lau hereva inai.”

IEREMIA 42:11

Babulonia ena king, umui gari henia noho tauna, be ia dekenai do umui gari lou lasi. Lau Lohiabada lau gwau: Unai king do umui gari henia lasi, badina lau be umui dekenai lau noho, bona Nebukanesa ena siahu dekena amo lau ese umui do lau hamauria.

IEREMIA 48:45

Tuari dekena amo idia heau mauri taudia, be Hesebona lalonai idia heau vareai, mauri gabuna idia tahua, edia goada ia ore dainai. To lahi be Hesebona dekena amo ia toreisi. Lahi be king Sihona ena ruma dekena amo ia toreisi. Inai lahi ese Moaba taudia, hekokoroku taudia, edia tano hetoa gabudia dekenai ia lao, bona ena ororo gabudia do ia gabua ore.

DANIELA 9:5

“Ai be ai kara dika, bona ai kerere karaia, bona ai be dika momokani. Oiemu taravatu herevadia be ai kamonai henia lasi, bona ai dekenai oi hadibaia dala maorona dekena amo ai raka siri vadaeni.

DANIELA 9:9

Lohiabada Dirava e, oi be mai emu bogahisihisi, bona kara dika oi gwauatao diba, to ai ese oi dekenai ai dagedage henia vadaeni.

NUMERA 13:30

Vadaeni Kaleba ese Mose idia hagegea taudia edia maumau hereva ia hadokoa, ia gwau, “Harihari unai tano ita tuari henia be namo, badina ita be mai goada, unai tano ita abia diba.”

NUMERA 17:6

Unai dainai Mose ese Israela taudia unai bamona ia hamaorodia. Vadaeni edia iduhu gunalaia taudia ese itotohi idia henia, iduhu ta, itotohi ta, iduhu ta, itotohi ta, unai bamona idia henia, itotohi ibounai be 12. Arona ena itotohi danu be edia itotohi danu idia atoa hebou.

NUMERA 20:2

Edia kamepa dekenai ranu ia noho lasi. Unai dainai Israela taudia idia haboua, Mose bona Arona dekenai idia badu.

NUMERA 24:8

Dirava ese Israela taudia Aigupito dekena amo ia hakaudia. Idia edia goada be uda boromakau ena goada bamona. Israela taudia ese, idia dekenai idia dagedage taudia do idia halusia. Edia turiana do idia hamakohia momokani, bona idia edia diba bona peva dekena amo, Israela taudia ese, idia hadikaia gwauraia taudia do idia pidia mase.

MATAIO 1:23

“Umui kamonai, tau ia diba lasi kekeni ese ena natuna do ia abia, mero ta. Iena ladana do idia atoa, Emanuela.” Emanuela ena anina be, “Dirava ita dekenai ia noho.”

ROMA 8:31

Inai gaudia be edena bamona ma do ita herevalaia? Bema Dirava ese ita ia durua neganai, daika ese ita do ia hadikaia diba?

DEUTERONOMI 1:21

Umui itaia, Lohiabada, emui Dirava, ese umui ia henia tano be unai. Do umui toreisi, unai tano do umui abia, badina Lohiabada, emui sene taudia edia Dirava ese inai bamona umui ia oda henia vadaeni. Do umui gari lasi, do umui daradara lasi.’

DEUTERONOMI 1:26

“To umui ura lasi umui toreisi, bona umui ese Lohiabada emui Dirava ena hereva umui utua.

DEUTERONOMI 1:29

“To lau ese lau hereva, lau gwau, ‘Unai taudia dekenai do umui gari lasi.

DEUTERONOMI 31:6

Do umui goada, emui lalona do umui ha-aukaia, bona idia dekenai do umui gari henia lasi. Badina be Lohiabada, emui Dirava ese umui dekenai do ia noho. Ia ese umui do ia negea lasi, ia ese umui do ia rakatania lasi.”

DEUTERONOMI 31:8

Lohiabada be oiemu vairana dekenai do ia lao, bona ia ese oi do ia bamoa. Ia ese oi do ia negea lasi, bona oi do ia rakatania lasi. Oiemu kudouna do ia manoka lasi, do oi gari lasi.”

DEUTERONOMI 32:42

Lauegu diba bona peva dekena amo, rara momo do ia diho. Lauegu tuari kaia ese, lau idia koua gwauraia taudia do ia alaia mase ore. Lau dekenai idia tuari henia taudia ibounai, be do lau alaia mase. Bero taudia bona abia mauri dibura taudia danu, be do idia mase ore.”

DEUTERONOMI 7:18

To idia dekenai do umui gari lasi. Lohiabada, emui Dirava, ese Farao bona Aigupito taudia ibounai dekenai ia karaia gaudia do umui laloatao.

DEUTERONOMI 7:21

Do umui gari henidia lasi, badina be Lohiabada, emui Dirava, be umui dekenai ia noho. Ia be Dirava badana, taunimanima ibounai ese ia dekenai idia gari bada.

DEUTERONOMI 9:7

“Do umui laloaboio lasi, umui ese taunimanima noho lasi tano dekenai Lohiabada emui Dirava umui habadua. Bona Aigupito dekena amo umui raka hamatamaia dinana ia mai bona inai gabu dekenai umui ginidae, umui ese Lohiabada umui kamonai henia namonamo lasi.

FILIPI 1:27

Gau badana be inai: Keriso ena Sivarai Namona ena dala hegeregerena do umui mauri noho. Vadaeni umui dekenai lau noho, o umui dekenai lau noho lasi neganai, do lau diba umui gini goada noho. Bona do lau diba, mai emui laloa tamona bona ura tamona, Sivarai Namona abidadama henia totona do umui tuari hebou noho.

IOSUA 1:5

“Iosua e, oiemu mauri dinadia ibounai lalonai tau ta ese oi do ia halusia diba lasi. Lau be oi dekenai do lau noho, Mose dekenai lau noho hegeregerena. Nega ibounai oi do lau bamoa, bona oi do lau rakatania lasi.

IOSUA 14:12

Unai dainai unai ororo tano, unai dina dekenai Lohiabada ese lau dekenai ia gwauhamata tano, be harihari lau dekenai do oi henia. Unai dina dekenai, oi ese sivarai oi kamonai Anakima taudia be unuseni, oi kamonai danu, edia hanua be bada bona mai edia magu. To lau laloa Lohiabada ese lau do ia durua, bona lau ese idia do lau lulua ore, Lohiabada ese ia hereva vadaeni hegeregerena.”

GUNALAIA TAUDIA 1:22

Iosepa ena bese taudia ese Betele hanua idia tuari henia, bona Lohiabada be idia danu ia noho.