NUMERA 14:16 - Buka Helaga (Hiri Motu) 1993

¹⁶ ‘Lohiabada be mai siahu lasi inai bese ia gwauhamata henidia tano dekenai do ia hakaudia vareai. Unai dainai ia ese taunimanima noho lasi tano dekenai iena bese ia aladia ore.’

NUMERA 14:16 Iomraidhean Croise

ESODO 32:12

Dahaka namo do oi abia bema Aigupito taudia ese inai bamona do idia hereva, ‘Lohiabada ese dala dikana dekena amo iena bese taudia Aigupito dekena amo ia hakaudia. Ororo dekenai ia ese ia aladia, bona ia ura be idia do ia hadikaia ore momokani?’ Oiemu badu mani oi rakatania, bona oiemu orea taudia hadikaia ore laloa dekena amo mani do oi giroa.

NUMERA 14:17

“Unai dainai Lohiabada e, oi dekenai lau noinoi, oiemu siahu mani do oi hedinaraia, bona oiemu hereva gauna do oi badinaia, hereva be inai:

DEUTERONOMI 9:28

Aigupito taudia ese oi do idia kirikirilaia garina, do idia gwau, ‘Lohiabada ena goada be hegeregere lasi, ia ese ia gwauhamata henidia tano do ia hakaudia vareai lasi.’ Bona do idia gwau, ‘Lohiabada ese iena bese ia badu henidia dainai, taunimanima noho lasi tano dekenai ia hakaudia, do ia aladia mase totona.’

IOSUA 7:7

Bona Iosua ese Lohiabada dekenai ia boiboi, ia gwau, “Lohiabada Dirava e! Badina dahaka Ioridane Sinavai dekena amo oi ese ai oi hakaua hanaia? Amoro taudia edia siahu henunai ai do oi atoa, a? Vadaeni idia ese ai do idia hadikaia ore, a? Ioridane Sinavai unai kahana dekenai bema ai noho be namo, ani?

IOSUA 7:9

Badina be Kanana taudia bona inai tano dekenai noho bese taudia ibounai ese inai sivarai do idia kamonai, vadaeni ai do idia koua hagegea, bona ai ibounai do idia alaia ore! Unai bamona do ia vara neganai, oiemu ladana namo herea be unai bese edia vairana dekenai edena bamona do ia namo noho?”