NUMERA 14:12 - Buka Helaga (Hiri Motu) 1993

¹² Lau be gorere dikana, hanaia gorerena idia dekenai do lau siaia, idia do lau hadikaia ore. To oi dekenai goada do lau henia, vadaeni oi dekena amo bese ta, inai bese do idia hereaia besena do lau havaraia.”

NUMERA 14:12 Iomraidhean Croise

2 SAMUELA 24:1

Lohiabada ena badu ma ia vara lou Israela taudia edia latanai. Vadaeni idia do ia hadikaia totona, Lohiabada ese Davida ia hamaoroa, ia gwau, “Oi lao, Israela taudia bona Iuda taudia do oi duahia.”

ESODO 32:10

Vadaeni oi siri, badina lauegu badu ia siahu momokani idia dainai, bona idia do lao hadikaia ore momokani. Unai murinai oi bona oiemu bese taudia be bese badana ta do lau halaoa.”

ESODO 5:3

Ruaosi idia gwau, “Ai Heberu taudia aiemai Dirava ia mai vadaeni ai dekenai. Mani emu kara, dina toi dohore ai raka lao, taunimanima idia noho lasi gabuna dekenai, aiemai Dirava, Lohiabada ena boubou gauna dohore ai karaia. Badina be bema inai bamona ai karaia lasi, gorere o tuari dekena amo ai do ia alaia mase garina.”

ESEKIELA 20:13

To Israela bese taudia ese tano kaukau dekenai lau idia dagedage henia. Idia ese egu taravatu idia utua, bona egu oda, idia kamonai henidia taudia ese mauri idia davaria gaudia, be idia negea. Egu Sabati Dina be idia ese idia hamiroa momokani. “Vadaeni lau laloa, egu badu mai siahu danu be edia latanai do lau bubua diho, bona do lau hadikadia ore, tano kaukau dekenai.

LEVITIKO 26:25

Lau ese tuari umui dekenai do lau siaia, umui ese iseda gwauhamata taravatuna umui hamakohia dainai. Bona bema emui hanua badadia dekenai umui haboua neganai, lau ese hanamoa diba lasi gorere umui dekenai do lau siaia, vadaeni umui idia tuari henia taudia edia siahu henunai do umui moru.

NUMERA 25:9

To unai hanaia gorere dikana ese Israela taudia ibounai 24,000 ia alaia mase vadaeni.

DEUTERONOMI 28:21

Lohiabada ese umui dekenai gorere dikadia dekena amo umui do ia hisihisi henia, ela bona do umui vareai lao tanona dekenai do umui mase ore.