NUMERA 14:11 - Buka Helaga (Hiri Motu) 1993

¹¹ Lohiabada ese Mose dekenai ia hereva henia, ia gwau, “Inai taunimanima be lau dekenai do idia kamonai henia lasi ela bona edena negai? Toa kara momo herea idia dekenai lau karaia vadaeni. Edena negai lau dekenai do idia abidadama henia?

NUMERA 14:11 Iomraidhean Croise

SALAMO 106:24

Unai murinai idia ese, Dirava ia herevalaia tano namona idia ura lasi. Idia ese Dirava ena gwauhamata idia abidadama henia lasi.

SALAMO 78:22

badina idia ese ia dekenai idia abidadama henia lasi, bona idia ese Dirava ena hamauria siahuna idia hamomokania lasi.

SALAMO 78:32

Inai matakani be Dirava ese ia henidia, to idia be idia kara dika noho. Hoa karadia momo Dirava ese ia karaia, to idia ese ia dekenai idia abidadama henia lasi.

SALAMO 95:8

Lohiabada ia gwau, “Oiemu lalona do oi ha-aukaia lasi, oiemu sene taudia idia karaia bamona Meriba dekenai, bona Masa ena taunimanima noho lasi gabuna dekenai danu.

ESODO 10:3

Vadaeni Mose bona Arona be Farao dekenai idia raka vareai, idia hereva ia dekenai, idia gwau, “Lohiabada, ai Heberu taudia aiemai Dirava, be inai bamona ia hereva, ‘Lauegu vairana dekenai do oi hekokoroku noho ia lao bona edena negai? Lauegu orea taudia oiemu imana dekena amo oi negea, dohore idia tomadiho lau dekenai.

ESODO 16:28

Vadaeni Lohiabada ese Mose dekenai ia hamaoroa, ia gwau, “Lauegu oda bona lauegu taravatu be umui negea, ia lao bona edena negai?

ESODO 23:21

Ia dekenai do umui kamonai namonamo, iena gadona do umui kamonai henia, bona iena hereva do umui utua lasi. Badina be ia ese emui kara dika do ia gwauatao lasi, ia ese lauegu siahu ia abia dainai.

ESODO 32:9

Ma Lohiabada ese Mose ia hereva henia, ia gwau, “Lau diba inai orea be kudouna auka bona kamonai lasi taudia.

AONEGA HEREVADIA 1:22

“Kavakava taudia e, do umui kavakava noho ela bona edena negai? Umui ese diba bona laloa kehoa, be do umui ura henia lasi ela bona edena negai?

IEREMIA 13:10

Inai kara dika taudia ese lau idia kamonai henia lasi momokani, idia ese sibodia edia laloa auka bona dika dekena amo, dirava idaudia idia tomadiho henia, bona edia hesiai gaukara idia karaia. Inai taudia be inai rami, negea gauna, hegeregerena do idia lao.

IEREMIA 4:14

Ierusalema e, oiemu kudouna dekena amo, dika do oi huria ore. Unai neganai mauri do oi davaria diba. Oiemu lalona dekenai laloa dikadia do idia noho, ela bona edena negai?

ESEKIELA 20:13

To Israela bese taudia ese tano kaukau dekenai lau idia dagedage henia. Idia ese egu taravatu idia utua, bona egu oda, idia kamonai henidia taudia ese mauri idia davaria gaudia, be idia negea. Egu Sabati Dina be idia ese idia hamiroa momokani. “Vadaeni lau laloa, egu badu mai siahu danu be edia latanai do lau bubua diho, bona do lau hadikadia ore, tano kaukau dekenai.

HOSEA 8:5

“Samaria taudia e, emui boromakau natuna, unai kaivakuku do umui negea ore. Egu badu ena siahu bada be umui emui latanai. Edena negai Israela taudia be kerere lasi do idia noho?

SEKARAIA 8:14

Siahu Ibounai Lohiabada ia gwau, “Nega gunadia lalonai emui sene taudia ese lau idia habadua neganai, lau ese idia do lau hadikaia dalana lau palania, bona egu laloa lau giroa lasi, lau karaia momokani.

NUMERA 14:23

Idia ta lasi ese edia sene taudia dekenai lau gwauhamata tanona do idia itaia. Momokani lau idia negea taudia ta ese unai tano do ia itaia lasi.

NUMERA 14:27

“Inai orea dikana lau dekenai do idia maumau ela bona edena negai? Israela taudia edia maumau hereva lau kamonai, be lau hesiku.

NUMERA 32:10

“Unai dina dekenai Lohiabada ia badu, bona ia gwauhamata, ia gwau,

MATAIO 17:17

Iesu ia haere, ia gwau, “Abidadama lasi bona lalona auka taudia e! Lau be umui dekenai do lau noho ela bona edena negai? Do lau haheauka henia umui dekenai ia lao bona edena negai? Lau dekenai umui mailaia.”

MAREKO 9:19

Iesu ia haere henia, ia gwau, “O, abidadama lasi taudia, dina hida umui dekenai dohore lau noho? Dina hida lau gaukara umui danu? Mailaia lau dekenai.”

IOANE 10:38

To iena kara be lau karaia noho. Bema lau umui abidadama henia lasi, namona be lau karaia gaudia do umui abidadama henia, vadaeni emui lalona be do idia kehoa, bona do umui diba lauegu Tamana be lauegu lalona dekenai ia noho, lau danu be egu Tamana ena lalona dekenai lau noho.”

IOANE 12:37

Iesu ese hoa kara momo edia vairana dekenai ia karaia, to idia be idia abidadama henia lasi ia dekenai.

IOANE 15:24

Tau ta ese do ia karaia guna lasi hoa karadia be idia edia huanai lau karaia vadaeni. Inai kara bema lau karaia lasi, idia be do idia kerere lasi. To momokani inai kara idia itaia, bona idia ese lau bona egu Tamana danu dekenai idia badu henia vadaeni.

DEUTERONOMI 1:32

“To umui ese Lohiabada, emui Dirava, umui abidadama henia lasi.

HEBERU 3:16

Inai taudia be daika, Dirava ena gadona idia kamonai, to iena hereva idia negea? Taudia be unai, Mose ese Aigupito dekena amo ia hakaudia, ani?

HEBERU 3:18

Ma daika taudia be Dirava ese gwauhamata metauna ia henidia, ia gwau, “Lauegu laga-ani gabuna dekenai do umui vareai lasi?” Taudia be unai, iena hereva idia negea taudia, ani?

HEBERU 3:8

umui emui lalona do umui koua lasi, gunaguna emui sene taudia idia karaia bamona, Dirava ena hereva idia negea neganai, taunimanima noho lasi gabuna dekenai, lau ese idia lau tohoa neganai.