NUMERA 13:26 - Buka Helaga (Hiri Motu) 1993

²⁶ Vadaeni unai Kanana tano ena sivarai idia hamaoroa, bona unai au huahua gaudia idia dekenai idia hedinaraia.

NUMERA 13:26 Iomraidhean Croise

GENESE 14:7

Vadaeni Kedoralaomere ia giroa mai Kadesi dekenai, (ena ladana ta be “Kota Hereva ena Ranu Gabuna”), bona ia ese Amaleka taudia ibounai idia halusidia. Ma ia ese Amoro taudia, Hasasono Tamara dekenai idia noho, danu ia halusidia.

SALAMO 29:8

Lohiabada ena gadona ese, tano kaukau gabudia ia hamarerea noho. Kadesi ena tano kaukau ia hamarerea noho.

NUMERA 13:25

Dina 40 murinai hasinadoa taudia be idia giroa lou. Mose, Arona bona Israela taudia ibounai Kadesi dekenai, Parana tano, taunimanima noho lasi gabuna dekenai idia ginidae lou.

NUMERA 13:3

Vadaeni Mose ese Parana tano, taunimanima noho lasi gabuna dekena amo ia siaidia. Idia ibounai be Israela lohia taudia.

NUMERA 20:1

Hua ginigunana dekenai Israela taudia ibounai be taunimanima noho lasi tano ladana Sini dekenai idia ginidae. Gabu ta ladana Kadesi dekenai edia kamepa idia karaia. Unuseni Miriama ia mase, bona unai gabu dekenai idia guria.

NUMERA 20:14

Mose ese Kadesi dekena amo iena hesiai taudia be Edoma ena king dekenai ia siaia. Idia gwau, “Inai hereva be oiemu tadina Israela dekena amo. Oi diba vadaeni ai dekenai idia vara hisihisi gaudia ibounai.

NUMERA 20:16

Lohiabada dekenai ai taitai, vadaeni ia ese aiemai taitai ia kamonai, aneru ta ia siaia, bona Aigupito dekena amo ai ia hakaua mai. “Hari ai be Kadesi hanua, oiemu tano ena hetoa gabuna dekenai ai noho.

NUMERA 32:8

Umui emui tamana ese unai bamona idia karaia, lau ese Kadesi Baranea dekena amo idia lau siaia neganai, tano do idia itaia totona.

NUMERA 32:9

Idia be idia lao, Esakolo ena koura dekenai idia ginidae bona tano idia itaia. To idia giroa lou, bona Israela taudia edia lalona idia hamanokaia, Lohiabada ese idia ia henia tano do idia raka vareai lasi, idia gwau.

NUMERA 33:36

Esiono Gebere dekena amo idia toreisi, idia lao, Sini ena tano kaukau dekenai idia kamepa, ena ladana ta be Kadesi.

DEUTERONOMI 1:19

Ma Mose ia gwau, “Vadaeni, Lohiabada, iseda Dirava ita ia oda hegeregerena, Sinai Ororo dekena amo ita raka mai, bona taunimanima idia noho lasi tano dikana bona mai garina danu ita hanaia, ela bona Amoro taudia edia tano, ororo kahana dekenai ita ginidae, gabu ena ladana Kadesi Baranea.

DEUTERONOMI 1:2

Sinai Ororo dekena amo bema tau ta ia raka lao ela bona Kadesi Baranea, raka loaloa dinadia be 11 bamona, bema Edoma ena ororo dalana dekena amo ia lao.

IOSUA 14:6

Iuda iduhu taudia be Iosua dekenai idia lao, Gilegala dekenai. Vadaeni Kaleba Iepune, Kenisi tauna, ese Iosua dekenai ia hereva, ia gwau, “Oi diba, Kadesi Baranea dekenai ita noho neganai, Lohiabada ese Mose, Dirava ena tau dekenai, oi bona lau ia herevalaia, ani?

IOSUA 14:7

Lauegu mauri lagani be 40 neganai, Lohiabada ena hesiai tauna Mose ese lau ia siaia, Kadesi Baranea dekena amo lau lao, inai tano hunia dekenai do lau itaia totona. Lau ese inai tano ena sivarai lau abia lou neganai, sivarai momokani lau henia.