NUMERA 12:8 - Buka Helaga (Hiri Motu) 1993

⁸ Unai dainai ia danu ai herevahereva neganai, lauegu uduna dekenai lau hereva, iena uduna dekenai ia hereva, ai hereva hunia lasi. Lau Lohiabada egu laulau toana korikori be Mose ese iena matana dekena amo ia itaia vadaeni. Umui ruaosi be edena bamona lauegu hesiai tauna Mose dekenai umui maumau? Umui gari lasi, a?”

NUMERA 12:8 Iomraidhean Croise

GENESE 32:30

Vadaeni Iakobo ese unai gabu ena ladana ia atoa Peniela, ena anina be “Dirava ena vairana”. Ia gwau, “Badina be Dirava danu ai ruaosi ai ta ta emai vairana ta ta dekenai ai henia, to lau do mauri noho vadaeni.”

SALAMO 17:15

To lau be kara maoromaoro lau karaia dainai, lau ese oiemu vairana do lau itaia, bona do lau noga neganai, oiemu toana do lau itaia dainai, do lau moale momokani.

SALAMO 49:4

Aonega hereva be do lau laloa, bona edia anina be do lau gwauraia hedinarai, mai gita ena regena danu.

ESODO 19:19

Kibi ena regena ia bada daekau. Vadaeni Mose be ia hereva, bona Dirava ese guba ena boiboi dekena amo ia haere henia.

ESODO 20:4

“Laulau ta do umui karaia lasi, guriguri henia totona kaivakuku gauna ta, o gau ta ena laulau, guba gauna ta, o tanobada gauna ta, o ranu lalonai gauna ta.

ESODO 33:11

Lohiabada ese Mose ia hereva henia, tau ta ese iena turana ia hereva henia bamona. Ruaosi edia hereva ia ore neganai, Mose be kamepa dekenai ia giroa lou. To Mose ena durua tauna, ena ladana Iosua Nunu, eregabe tauna ta, be unai Palai Ruma ia rakatania lasi.

ESODO 33:19

Lohiabada ia haere, ia gwau, “Lauegu kara namona ibounai be oi dekenai do lau hedinaraia, bona lauegu ladana helagana, Lohiabada, be oiemu vairana dekenai do lau gwauraia. Kamonai, bema lau ura tau ta do lau bogahisihisi henia neganai, unai tau do lau bogahisihisi henia.

ESODO 33:23

Unai murinai lauegu imana do lau kokia, bona lauegu doruna sibona do oi itaia, to egu vairana do oi itaia lasi.”

ESODO 34:30

Arona bona Israela taudia ibounai ese Mose idia itaia, iena vairana ia diaridiari, vadaeni ia kahirakahira idia raka lasi, idia gari dainai.

AONEGA HEREVADIA 1:6

Inai hereva ese ita do idia durua, aonega herevadia edia anina, hunia gaudia do ita diba. Ma inai diba ese parabole, bona aonega taudia edia laloa auka gaudia edia anina, ita dekenai do ia hedinaraia.

ISAIA 40:18

Daika be Dirava danu do ia hegeregere diba? Edena bamona Dirava ena toana ita hedinaraia diba?

ISAIA 46:5

“Umui emui vairana dekenai, daika be lau danu ia hegeregere? Daika ena mauri be lauegu mauri danu ia hegeregere?

ESEKIELA 17:2

“Tanobada tauna e, Israela taudia dekenai parabole ta do oi gwauraia,

ESEKIELA 20:49

Vadaeni lau Esekiela lau gwau, “Lohiabada Dirava e, inai hereva gwauraia totona lau do oi hagoadaia lasi, badina idia ese lau dekenai idia hereva badubadu noho, idia gwau, lau be nega ibounai parabole sibona lau gwauraia noho.”

HOSEA 12:13

Lohiabada ese peroveta tauna ta ia siaia lao, Israela taudia Aigupito dekena amo do ia hakaua mai totona, bona peroveta tauna dekena amo, Lohiabada ese Israela taudia ia naridia bona hamauridia.

NUMERA 14:14

Bema ai oi hadikaia neganai, Aigupito taudia ese Kanana taudia do idia hamaorolaia. Kanana taudia be idia kamonai vadaeni oi Lohiabada ese, be ai dekenai oi noho. Bona idia diba vadaeni, ori be aiemai ataiai neganai, oi sibona oiemu toana oi hedinaraia momokani. Bona idia diba oi be aiemai vairana dekenai oi lao noho, dina dekenai oi be ori lalonai, bona hanuaboi dekenai oi be lahi dekenai.

NUMERA 7:89

Mose ese Palai Dubu dekenai ia raka vareai, Lohiabada dekenai do idia herevahereva totona. Ia ese Lohiabada ena gadona ia kamonai. Taravatu Maua ena koua gauna, kara dika gwauatao gabuna, ena ataiai dekena amo, Lohiabada ese Mose dekenai ia hereva henia. Unai be kerubi aneru ruaosi edia huana dekenai gabuna.

MATAIO 13:35

Inai bamona ia karaia, peroveta tauna ena hereva hamomokania totona, ia gwau: “Lau hadibaia neganai parabole do lau gwauraia. Tanobada matamaia nega dekena amo ia mai bona hari, hunia gaudia do lau gwauraia hedinarai.”

LUKA 10:16

Ma Iesu ese iena diba tahua taudia ia hamaoroa, ia gwau, “Umui dekenai ia kamonai henia tauna be lau dekenai ia kamonai henia, bona umui dekenai ia ura henia lasi tauna be lau dekenai ia ura henia lasi. Bona lau dekenai ia ura henia lasi tauna be lau ia siaia Diravana dekenai ia ura henia lasi.”

IOANE 1:18

Matamaia neganai ia mai bona harihari tau ta ese Dirava ia itaia lasi. To iena Natuna tamona sibona, Tamana dekenai momokani ia noho Tauna, ia ese Dirava ena toana ita dekenai ia hedinaraia vadaeni.

IOANE 15:15

Harihari ia lao, umui be hesiai taudia do lau gwauraia lasi, badina hesiai tauna be iena biaguna ena kara ia diba lasi. To umui be lauegu turana do lau gwauraia, badina be lauegu Tamana dekena amo lau kamonai herevadia ibounai umui dekenai lau hamaoroa vadaeni.

IOANE 15:24

Tau ta ese do ia karaia guna lasi hoa karadia be idia edia huanai lau karaia vadaeni. Inai kara bema lau karaia lasi, idia be do idia kerere lasi. To momokani inai kara idia itaia, bona idia ese lau bona egu Tamana danu dekenai idia badu henia vadaeni.

1 KORINTO 13:12

Harihari ita be Dirava ena gaudia kahana sibona ita diba, bona ita itaia goeva lasi, hevarivari gunana lalonai gau ita itaia goeva lasi bamona. To nega gabeai ita ese Dirava ena vairana do ita itaia momokani. Unai neganai gau ibounai do ita diba momokani, Dirava ese hari ita ia diba momokani bamona.

2 KORINTO 3:18

Ita Keristani taudia ibounai, iseda vairana be muko ese idia koua lasi. Unai dainai Lohiabada ena diaridiari be ita ese ita hedinaraia, hevarivari bamona, taunimanima ibounai dekenai. Nega ibounai inai diaridiari ita dekenai ia bada lao noho, bona ia ese ita ia senisia noho, vadaeni iseda toana be, Lohiabada ena toana bamona do ita lao. Lohiabada be Lauma, bona ia ese inai kara do ia karaia.

DEUTERONOMI 18:15

To Lohiabada, emui Dirava ese peroveta tauna, lau hegeregere, umui dekenai do ia siaia. Ia be umui emui bese tauna ta, bona umui ese do umui kamonai henia.

DEUTERONOMI 34:10

Unai neganai ia mai bona harihari, peroveta tauna ta ia hedinarai lasi Israela dekenai, Mose hegeregerena. Mose be Lohiabada danu idia herevahereva ta ta edia uduna, edia uduna dekenai.

DEUTERONOMI 4:15

“Lohiabada ese Sinai Ororo ena lahi dekena amo umui dekenai ia hereva dinana dekenai iena toana umui itaia lasi. Unai dainai do umui naria namonamo,

DEUTERONOMI 5:8

“ ‘Laulau ta do umui karaia lasi, guriguri henia totona kaivakuku gauna ta, o gau ta ena laulau, guba gauna ta, o tanobada gauna ta, o ranu lalonai gauna ta.

KOLOSE 1:15

Dirava be ita ese ita itaia diba lasi. To Dirava ena Natuna be Dirava ena toana hegeregerena. Ia be vara guna Natuna, ia be Dirava ese ia karaia gaudia ibounai edia biaguna momokani.

1 TESALONIKA 4:8

Unai dainai, inai hadibaia hereva ia negea tauna, ese taunimanima ia negea lasi, to ia ese Lauma Helaga umui dekenai ia henia Tauna, Dirava, ia negea inai.

1 TIMOTEO 6:16

Ia sibona ia mase diba lasi, ia sibona diaridiari bada dekenai ia noho, bona ia kahirakahira ita lao diba lasi. Tau ta lasi ese Dirava ia itaia vadaeni, bona ta ese vaira neganai do ia itaia diba lasi. Iena ladana badana do ita matauraia, badina iena siahu do ia noho, ela bona hanaihanai. Amen.

HEBERU 1:1

Idaunegai Dirava ese dala idauidau momo dekena amo iseda sene taudia dekenai ia hereva henidia, peroveta taudia dekena amo.

HEBERU 1:3

Inai Natuna be Dirava ena hairaina ena diari, bona iena toana be Dirava ena toana hegeregerena momokani. Iena hereva be mai siahu bada danu. Inai siahu dekena amo, ia ese tanobada bona guba ibounai ia naria, bona ia haheaua noho. Ia ese taunimanima edia kara dika ia huria ore, vadaeni Dirava, Siahu Momokani Diravana ena idiba kahanai ia helai diho, guba dekenai.

2 PETERO 2:10

To taunimanima haida ese edia kerere davana dika herea do idia davaria. Idia ese edia tauanina ena ura dikadia, matabodaga karadia idia karaia noho, bona Dirava ena siahu idia laloa be anina lasi. Inai hadibaia koikoi taudia be mai edia hekokoroku, bona idia sibona edia ura idia karaia noho. Unai dainai idia ese guba noho taudia idia hereva dika henia, idia gari henidia lasi momokani.

IUDA 1:8

Unai bamona danu, inai hari idia noho tau dikadia ese nihi idia abia, vadaeni sibodia edia tauanina idia hadikaia noho. Dirava ena siahu idia gwauraia be anina lasi. Idia ese danu guba noho taudia idia hereva dika henia.