NUMERA 12:7 - Buka Helaga (Hiri Motu) 1993

⁷ To lauegu hesiai tauna Mose dekenai be inai bamona lau hedinarai lasi. Ia be lauegu bese Israela taudia edia naria tauna.

NUMERA 12:7 Iomraidhean Croise

IOBU 1:8

Lohiabada ese Satani ma ia nanadaia, ia gwau, “Lauegu hesiai tauna Iobu oi itaia vadaeni, a? Tanobada dekenai ia be tau ta ese ia hereaia lasi, ani? Ia be kerere ta lasi, bona kara maoromaoro tauna. Ia ese lau Dirava dekenai ia gari, bona kara dika dekena amo ia siri momokani, ani?”

SALAMO 105:26

Lohiabada ese Mose ia siaia, Arona danu, ia abia hidi tauna, be Lohiabada ese ia siaia.

ESODO 33:11

Lohiabada ese Mose ia hereva henia, tau ta ese iena turana ia hereva henia bamona. Ruaosi edia hereva ia ore neganai, Mose be kamepa dekenai ia giroa lou. To Mose ena durua tauna, ena ladana Iosua Nunu, eregabe tauna ta, be unai Palai Ruma ia rakatania lasi.

MATAIO 11:11

“Umui lau hamaoroa momokani, hahine edia bogana dekena amo idia vara taudia ibounai be ta ese Ioane ia hereaia lasi, to Guba Basileia lalonai, tau maragina sibona ese Ioane ia hereaia.

MATAIO 11:9

To dahaka itaia totona umui lao? Peroveta tauna, a? Oibe, umui lau hamaoroa, peroveta taudia ibounai be Ioane ese ia hereaia.

APOSETOLO EDIA KARA 7:31

Mose ia itaia neganai ia hoa. Ia lao kahirakahira, itaia namonamo totona. Lohiabada ena gadona ia kamonai, Lohiabada ia gwau,

1 KORINTO 4:2

Hesiai tauna ena gaukara lalonai gau badana momokani be inai: Iena biaguna ena ura do ia karaia momokani.

DEUTERONOMI 18:18

lau ese edia bese huanai dekena amo peroveta tauna ta do lau abia hidi, oi hegeregere, bona lauegu hereva be iena uduna dekenai do lau gwauraia. Bona lauegu oda hereva ibounai be ia ese taunimanima dekenai do ia hamaoroa.

DEUTERONOMI 34:5

Unai dainai Mose, Lohiabada ena hesiai tauna be Moaba tano dekenai ia mase, Lohiabada ena hereva hegeregerena.

1 TIMOTEO 3:15

To bema lau mai haraga lasi neganai, inai revareva ese oi do ia hadibaia, edena kara do ita karaia Dirava ena ekalesia lalonai. Ita be Dirava ena orea taudia, bona inai orea be mauri Diravana ena ekalesia. Ekalesia be hereva momokani ena du, bona hereva momokani ia gimaia maguna.

IOSUA 1:1

Lohiabada ena hesiai tauna Mose ia mase murinai, Lohiabada ese Iosua Nunu, Mose ia durua tauna, ia hereva henia, ia gwau,

IOSUA 1:2

“Lauegu hesiai tauna Mose be ia mase vadaeni. Unai dainai oi toreisi, inai Ioridane Sinavai do oi hanaia, oi bona Israela taudia, idia dekenai lau ura do lau henia tanona do umui raka vareai.