NUMERA 12:6 - Buka Helaga (Hiri Motu) 1993

⁶ Lohiabada ia gwau, “Lauegu hereva umui kamonai: Umui Israela bese emui huanai, bema peroveta taudia idia noho neganai, mata hanai bona nihi dekena amo idia dekenai lau hedinarai.

NUMERA 12:6 Iomraidhean Croise

GENESE 15:1

Inai murinai, Lohiabada ena hereva Aberamo ia kamonai, mata hanai lalonai. Lohiabada ia gwau, “Aberamo e, oi gari lasi. Lau be oiemu kesi. Oi dekenai hanamoa do lau habadaia.”

GENESE 20:7

Unai dainai unai tau dekenai iena adavana do oi henia lou, badina ia be peroveta tauna, vadaeni ia ese oi totona do ia guriguri, vadaeni do oi mauri. To bema oi henia lou lasi, oi diba momokani, dohore oi mase, oi bona oiemu ruma taudia ibounai.”

GENESE 28:12

Vadaeni ia nihi, iena nihi dekenai vadavada ta ia itaia, tano dekena amo ia daekau ia lao bona guba, bona Dirava ena aneru unai dekena amo idia daekau, idia diho noho.

GENESE 28:16

Iakobo be mahuta dekena amo ia noga, ia gwau, “Momokani, Lohiabada be inai gabu dekenai, to lau diba lasi.”

GENESE 37:5

Inai Iosepa be ia nihi, iena nihi be iena kakana taudia dekenai ia hamaoroa. Unai dainai idia badu dikadika ia dekenai.

GENESE 37:9

Ma ia nihi lou, iena nihi be iena kakana taudia dekenai ia hamaoroa, ia gwau, “Lau nihi lou vadaeni. Lauegu nihi dekenai be dina bona hua, bona hisiu 11 idia toma diho henia lau dekenai.”

GENESE 46:2

Hanuaboi lalonai Dirava ese mata hanai dekena amo Israela dekenai ia hereva, ia gwau, “Iakobo e, Iakobo e.” Vadaeni Iakobo ia haere, ia gwau, “Lau inai.”

2 SAMUELA 7:4

To unai hanuaboi Lohiabada ena hereva be Natana dekenai ia mai, ia gwau:

1 KING TAUDIA 3:15

Gabeai Solomona be ia noga, vadaeni ia diba unai be nihi sibona. Unai murinai ia be Ierusalema dekenai ia lao, Lohiabada ena Taravatu Maua ena vairana dekenai ia gini, bona idia gabua bouboudia bona maino bouboudia ia henia. Bona aria ta ia karaia, iena hesiai taudia ibounai edia.

1 KING TAUDIA 3:5

Vadaeni Gibeona dekenai, Lohiabada ese hanuaboi lalonai nihi dekenai Solomona dekenai ia hedinarai. Dirava ese Solomona ia hamaoroa, ia gwau, “Do oi hereva, dahaka oi dekenai do lau henia.”

IOBU 33:15

Hanuaboi neganai, taunimanima idia mahuta noho neganai, Dirava be nihi, bona mata hanai dekena amo ia hereva noho.

IOBU 4:13

Inai hereva be nihi dikana bamona, egu mahuta ia hadikaia,

SALAMO 105:15

Lohiabada ia gwau, “Lau ese lau abia hidi bese taudia, be do umui hisihisi henidia lasi. Lauegu peroveta taudia do umui hadikaia lasi.”

SALAMO 89:19

Gunaguna momokani neganai, oi ese oiemu hesiai taudia korikori dekenai nihi oi siaia, bona idia dekenai oi hamaoroa, oi gwau, “Lau ese tuari tauna namona ta lau abia hidi vadaeni, bona lau ese king dagi ia dekenai lau henia. Lau ese hanua taudia edia huanai ia lau abia hidi, ia be king.

ESODO 7:1

Lohiabada ese Mose dekenai ia haere, ia gwau, “Oi kamonai, lau ese Dirava hegeregerena oi do lau halaoa Farao ena vairana dekenai, bona oiemu kakana Arona ese do ia hereva henia, oiemu peroveta tauna hegeregerena.

IEREMIA 23:25

Unai peroveta taudia, hari lauegu ladana dekenai idia hereva koikoi noho, edia hereva lau kamonai vadaeni. Idia gwau, ‘Lau nihi vadaeni, bona nihi lalonai Lohiabada ese iena hereva lau dekenai ia henia.’

IEREMIA 23:28

Lau Lohiabada lau hereva maoromaoro inai: Bema peroveta tauna ta ese ia nihi kava neganai, ia be do ia gwau inai be nihi sibona. To bema peroveta tauna ta ese lauegu hereva ia kamonai neganai, ia ese do ia gwauraia namonamo, mai maoromaoro danu. Lauegu hereva be uiti ena anina momokani bamona, to inai peroveta koikoi taudia edia hereva be uiti ena momoru bamona sibona.

ESEKIELA 1:1

Lagani namba 30 lalonai, hua namba 4, bona dina namba 5 dekenai lau Esekiela be Iuda hesiai mai guia danu taudia edia huanai lau noho, sinavai ena ladana Kebara ena badinai. Unai neganai guba be sibona ia kehoa, bona mata hanai dekena amo Dirava lau itaia.

DANIELA 10:8

Vadaeni lau sibona lau gini noho, ma inai mata hanai hoa gauna lau itaia neganai egu goada ia ore. Lauegu vairana ena toana be ia idau momokani, tau ta ia diba lasi inai be lau, bona egu goada ia ore momokani.

DANIELA 2:19

Unai hanuaboi lalonai, mata hanai ta dekenai Dirava ese unai hunia gauna be Daniela dekenai ia hedinaraia. Unai dainai Daniela ese guba ena Dirava ia hanamoa henia, ia gwau,

DANIELA 7:1

Belesasa ia king Babulonia dekenai lagani ginigunana lalonai Daniela ese nihi ta ia davaria, bona iena mahuta patana dekenai ia hekure noho neganai, mata hanai ia itaia. Vadaeni ia ese nihi ena sivarai ia torea, bona ena anina ia hedinaraia.

DANIELA 8:2

Inai mata hanai dekenai lau itaia be Susa hanua badana dekenai lau noho bamona, unai be Elama kahana dekenai. Ulai Sinavai ena badinai lau gini.

HOSEA 12:11

To hari Gileada dekenai, kaivakuku idia tomadiho henia noho, bona unai tomadiho taudia be do idia mase momokani. Gilegala dekenai kaivakuku dekenai henia totona boromakau tau, be boubou gaudia totona idia alaia noho. To edia boubou patadia be, uma dekenai ia haboua nadi momoru gaudia bamona, uma ena dadaira dekenai idia haboua nadi bamona.”

IOELA 3:1

Lohiabada ia gwau, “Unai neganai lau ese Iuda taudia, bona Ierusalema taudia, edia noho bona edia tano do lau hanamoa lou.

SEKARAIA 1:8

Hanuaboi lalonai, lau ese mata hanai dekenai Lohiabada ena aneru ta lau itaia, hosi kakakakana dekenai ia guia. Ia be koura lalonai ia gini, palauapalaua kurokuro audia edia huanai. Iena murinai be hosi haida, kakakakadia bona korema sisina, bona kurokurodia. Aneru be inai hosi dekenai idia guia.

NUMERA 24:4

Lau be Dirava ena hereva lau kamonai noho tauna. Siahu Ibounai Diravana ena hairaina lau itaia noho. Lau tomadiho noho, to lauegu matana idia kehoa noho. Lauegu hereva be inai:

MATAIO 1:20

Unai bamona ia laloa noho neganai, Lohiabada ena aneru ta ese nihi dekenai ia hedinarai henia, ia gwau, “Iosepa Davida e, oiemu adavana Maria abia totona oi gari lasi, badina be inai mero, Maria ena bogana dekenai ia noho be, Lauma Helaga ese ia henia vadaeni.

MATAIO 2:19

Heroda ia mase murinai, Lohiabada ena aneru ese nihi dekenai Iosepa ma ia hedinarai henia lou, Aigupito dekenai.

MATAIO 23:31

Unai hereva dekena amo, umui sibona umui gwau, umui be peroveta taudia idia alaia taudia edia natuna.

MATAIO 23:34

“Inai dainai lau ese peroveta taudia bona aonega taudia bona Buka Helaga hadibaia taudia do lau siaia umui dekenai. Vadaeni haida be do umui alaia mase, oibe, haida do umui hasatauroa. Ma haida be dubu lalonai do umui botaia, bona do umui lulua, hanua ta dekena amo ia lao ma hanua ta.

MATAIO 23:37

“Ierusalema e! Ierusalema e! Peroveta taudia oi alaia mase, bona oi dekenai Dirava ese ia siaia taudia be nadi dekenai oi hodoa. Nega momo lau ura oiemu natuna lau haboua, kokoroku hahine ese iena natuna iena hanina dekenai ia koua bamona, to oi ura lasi!

MATAIO 27:19

Pilato be kota henia gabuna dekenai, iena helai gauna latanai ia helai noho neganai, iena adavana ese hereva ta ia siaia lao ia dekenai, ia gwau, “Unai kara maoromaoro tauna dekenai gau ta do oi karaia lasi, badina be hari dina lau nihi vadaeni, egu nihi dekenai hisihisi badana ia hadikaia lau, unai tau totona.”

LUKA 1:11

Unai neganai Sekaraia ese Lohiabada ena aneru ta ia itaia, muramura mai bonana ena pata ena idiba kahana dekenai ia gini.

LUKA 1:22

Ia raka murimuri dekenai neganai, be idia ta dekenai ia hereva diba lasi. Vadaeni idia diba ia ese Dubu Helaga dekenai gau idauna ta ia itaia vadaeni. Ia ese toa dekena amo idia dekenai ia hadibaia, badina iena uduna be ia koua momokani.

LUKA 20:6

To bema ita gwau, ‘Taunimanima dekena amo,’ taunimanima ibounai ese nadi dekena amo ita do idia hodoa, badina be idia gwau Ioane be peroveta tauna.”

APOSETOLO EDIA KARA 10:11

Bona ia itaia, guba ia kehoa, bona gau ta, dabua bada herea bamona, iena daiguni 4 dekena amo ia diho mai tanobada dekenai.

APOSETOLO EDIA KARA 10:17

Bona Petero ia laloa momo inai mata hanai ena anina be dahaka. Inai bamona ia laloa noho neganai, Korenelio ena hesiai taudia idia mai, Simona ena ruma idia tahua, bona idia gini noho iduara dekenai.

EFESO 4:11

Oibe, Keriso ese harihari gaudia taunimanima dekenai ia henia. Haida dekenai be aposetolo dagi ia henia, haida dekenai be peroveta dagi ia henia, haida be evanelia gaukara taudia, haida be haroro taudia, haida be hadibaia taudia.

DEUTERONOMI 18:15

To Lohiabada, emui Dirava ese peroveta tauna, lau hegeregere, umui dekenai do ia siaia. Ia be umui emui bese tauna ta, bona umui ese do umui kamonai henia.

DEUTERONOMI 18:18

lau ese edia bese huanai dekena amo peroveta tauna ta do lau abia hidi, oi hegeregere, bona lauegu hereva be iena uduna dekenai do lau gwauraia. Bona lauegu oda hereva ibounai be ia ese taunimanima dekenai do ia hamaoroa.

HEBERU 1:1

Idaunegai Dirava ese dala idauidau momo dekena amo iseda sene taudia dekenai ia hereva henidia, peroveta taudia dekena amo.

APOKALUPO 11:10

Bona tanobada taudia be idia ruaosi edia mase dainai do idia moale bada. Edia turana ta ta dekenai harihari gaudia do idia henia, edia moale hedinaraia ena toana. Badina korikori be unai peroveta taudia ruaosi ese tanobada taudia idia hisihisi henia bada herea dainai.

APOKALUPO 11:3

Lau ese egu uitnesi taudia rua dekenai siahu do lau henia. Vadaeni idia ese puse dabua do idia karaia, bona dina 1260 lalonai Dirava ena peroveta hereva do idia gwauraia hedinarai.”

1 SAMUELA 28:6

Unai dainai Saulo ese Lohiabada ia nanadaia, to Lohiabada be ia haere lasi, nihi dekena amo, o Urima bona Tumima dekena amo, o peroveta taudia dekena amo, lasi momokani.

1 SAMUELA 3:15

Samuela be geda dekenai ia hekure ela bona daba rere, vadaeni ia ese Lohiabada ena dubu ena iduara ia kehoa. Samuela ia kamonai vadaeni, Lohiabada ena hereva, be Eli dekenai do ia hamaoroa totona, be ia gari.

1 SAMUELA 3:21

Lohiabada be Silo dekenai ma ia hedinarai lou noho, badina be unai gabu dekenai Lohiabada ese Samuela dekenai ia hedinarai, bona ia hereva henia. Samuela ese ia hereva negadia ibounai, Israela taudia idia kamonai.