NUMERA 12:2 - Buka Helaga (Hiri Motu) 1993

² Idia gwau, “Lohiabada be Mose sibona mo ena uduna dekena amo ia hereva, a? Sedira ai danu aiemai hereva dekena amo Lohiabada ia hereva vadaeni.” Lohiabada ese edia hereva ia kamonai.

NUMERA 12:2 Iomraidhean Croise

GENESE 29:33

Ma ia rogorogo lou, ia mara, mero ta ia abia, vadaeni ia gwau, “Lohiabada ia kamonai vadaeni lauegu adavana ia ura henia lasi lau dekenai, unai dainai inai mero danu ia henia vadaeni lau dekenai.” Vadaeni iena ladana ia atoa Simeona, ena anina be “Kamonai”.

2 SAMUELA 11:27

Taitai dinadia be idia ore neganai, Davida ese hesiai tauna ia siaia, Bataseba ia hakaua mai iena ruma dekenai, vadaeni Davida ese Bataseba ia adavaia. Bataseba ese natuna tau Davida dekena amo ia havaraia. To Lohiabada ese Davida ena kara dainai ia badu.

2 KING TAUDIA 19:4

Sedira Lohiabada, oiemu Dirava, ese Rabesake, Asuria ena king ese ia siaia tauna ena hereva dika ia kamonai vadaeni. Mauri Dirava ia hadikaia totona, hereva dika ia gwauraia vadaeni. Sedira Lohiabada, oiemu Dirava ese ia kamonai hereva ena davana do ia henia. Unai dainai iseda taunimanima, idia do noho taudia, dainai mani Dirava do oi noia.”

ESODO 4:14

Vadaeni Lohiabada ia badu Mose dekenai, ia gwau, “Oiemu kakana Arona, Levi iduhu tauna ia noho lasi, a? Lau diba ia be haroro ia diba. Inai harihari ia raka mai inai oi dekenai, oi danu hedavari totona. Ia ese oi ia itaia neganai, do ia moale.

ESODO 4:30

Lohiabada ese Mose dekenai ia hamaoroa hereva ibounai be Arona ese ia gwauraia idia dekenai. Bona hoa karadia be Mose ese taunimanima edia vairana dekenai ia karaia.

ESODO 5:1

Unai murinai Mose bona Arona idia lao Farao dekenai, idia hereva henia, idia gwau, “Lohiabada, Israela aiemai Dirava, inai bamona ia gwau, ‘Egu bese taudia oiemu imana dekena amo oi negea, idia ese lauegu aria dohore idia karaia, taunimanima idia noho lasi gabuna dekenai.’ ”

ESODO 7:10

Vadaeni, Mose bona Arona be Farao dekenai idia lao, Lohiabada ena hereva hegeregerena idia karaia. Arona ese iena itotohi ia negea diho, Farao bona iena hesiai taudia edia vairana dekenai, vadaeni gaigai dekenai ia halaoa.

AONEGA HEREVADIA 13:10

Hekokoroku ese heai bona heatu ia havaraia noho, to aonega tauna ese sisiba ia tahua noho.

ISAIA 37:4

Sedira Lohiabada, oiemu Dirava, ese Rabesake, Asuria ena king ese ia siaia tauna ena hereva ia kamonai vadaeni. Mauri Dirava ia hadikaia totona hereva dika ia gwauraia vadaeni. Sedira Lohiabada, oiemu Dirava, ese unai ia kamonai vadaeni hereva ena davana do ia henia. Unai dainai iseda taunimanima, idia do noho taudia, dainai mani Dirava do oi noia.’ ”

MIKA 6:4

Lau sibona ese Aigupito dekena amo umui lau hakaua mai. Lau ese emui guia dekena amo umui lau hamauria. Lau ese Mose, bona Arona, bona Miriama lau siaia, idia ese umui do idia gunalaia totona.

NUMERA 11:1

Israela taudia be idia hekwarahi dainai, Lohiabada dekenai idia maumau. Lohiabada be ia kamonai, vadaeni ia badu, bona lahi be idia edia latanai ia siaia diho. Unai lahi ese kamepa ena kahana ia gabua noho.

NUMERA 11:29

Mose ia haere, ia gwau, “Lau dainai oi mama, a? Lohiabada ena orea taudia ibounai do idia peroveta, bona Lohiabada ese iena Lauma be ibounai edia latanai bema ia atoa be namo, ani?”

NUMERA 12:3

Mose be tanobada taudia ibounai edia huanai ia sibona be manau herea.

NUMERA 16:3

Idia be Mose bona Arona edia vairanai idia haboua, bona idia dekenai idia heai henia, idia gwau, “Umui ruaosi ese mai hekokoroku danu ai umui gunalaia noho! Ai Israela taudia ibounai be Lohiabada ena bese, bona Lohiabada be aiemai huanai ia noho! Badina dahaka umui ruaosi ese mai siahu bada danu Lohiabada ena orea taudia umui biagua noho?”

ROMA 12:10

Umui ta ta do umui lalokau henia, tadikaka edia lalokau ta ta dekenai bamona. Umui ta ta dekenai danu do umui matauraia.

ROMA 12:3

Dirava ese iena hariharibada lau dekenai ia henia dainai, umui ta ta ibounai dekenai lau hamaoroa inai: Oi hekokoroku lasi. Oi ese oi sibona oiemu maka do oi diba, bona inai maka do oi hanaia lasi, do oi laloa lasi oi be bada momokani. Umui ibounai emui diba ena maka do umui laloa maoromaoro, Dirava ese umui ta ta dekenai abidadama ia henia hegeregerena.

FILIPI 2:14

Gau ibounai umui karaia neganai, do umui maumau lasi o hepapahuahu lasi.

FILIPI 2:3

Umui sibona emui ladana do umui habadaia gwauraia lasi, bona do umui hekokoroku lasi. To umui ibounai ta ta dekenai do umui manau. Umui ta ta nega ibounai inai bamona do umui laloa, “Haida be idia namo herea, to lau be namo lasi.”

1 PETERO 5:5

Eregabe taudia e, umui ese gunalaia taudia do umui kamonai henia. Umui ibounai do umui laloa manau, vadaeni umui ta ta dekenai durua do umui henia. Badina be Buka Helaga ia gwau: “Dirava ese hekokoroku taudia edia dala ia koua, to manau taudia dekenai iena hariharibada ia henia.”