NUMERA 12:13 - Buka Helaga (Hiri Motu) 1993

¹³ Vadaeni Mose ese Lohiabada dekenai ia noinoi, ia gwau, “Dirava e, mani oi hanamoa.”

NUMERA 12:13 Iomraidhean Croise

GENESE 20:17

Inai kara Sara dekenai ia vara dainai, Lohiabada ese Abimeleka ena hahine ibounai edia natuna havaraia dalana ia koua. Unai dainai Aberahamo ese Dirava dekenai ia guriguri, vadaeni Dirava ese Abimeleka ia hanamoa lou, bona iena adavana bona iena hesiai hahine danu ia hanamoa lou, vadaeni edia natuna idia havaraia.

1 KING TAUDIA 13:6

King Ieroboama ese Dirava ena tau ia hamaoroa, ia gwau, “Lohiabada, oiemu Dirava do oi noia, lau dainai do oi guriguri, egu imana do ia namo lou totona.” Vadaeni Dirava ena tau ese Lohiabada ia noia, bona king ena imana be ia namo lou, ma ia goada, guna hegeregerena.

SALAMO 30:2

Lohiabada, egu Dirava e, durua totona oi dekenai lau tai henia, bona oi ese lau oi hanamoa.

SALAMO 41:4

Lau ese inai bamona lau gwau, “Lohiabada e, lau dekenai do oi bogahisihisi, bona egu gorere mani do oi hanamoa, badina lau ese oi dekenai lau kara dika vadaeni.”

ESODO 15:26

Ia gwau, “Bema umui ese Lohiabada emui Dirava ena gadona umui kamonai henia, bona bema lauegu vairana dekenai emui kara ia maoromaoro, bona bema lauegu hagoadaia hereva umui badinaia, bona bema lauegu taravatu umui naria namonamo, lau ese gorere idauidau do lau henia lasi umui dekenai, Aigupito taudia dekenai gorere lau henia hegeregerena, badina lau be Lohiabada, umui lau hamauria Diravana.”

ESODO 4:7

Dirava ma ia gwau, “Oiemu imana, oiemu kouti dabua ena lalona dekenai oi atoa vareai lou.” Vadaeni iena imana be iena kouti dabua dekenai ia atoa vareai lou. Vadaeni iena imana ia veria murimuri dekenai neganai, ia itaia, ia namo vadaeni, iena kopina gunana bamona.

ISAIA 30:26

Unai neganai danu, hua ena diari be dina ena diari hegeregerena do ia lao, bona dina ena diari be nega 7 dekenai Dirava ese do ia habadaia, dina 7 ena diari hegeregerena. Inai bamona do ia vara, be Lohiabada ese iena bese taudia dekenai ia henia berodia do ia kumia, bona idia do ia hanamoa neganai.

IEREMIA 17:14

Lohiabada e, lau do oi hanamoa, vadaeni do lau namo. Lau do oi hamauria, vadaeni do lau mauri. Badina lau hanamoa noho Diravana, be oi tamona sibona.

NUMERA 11:2

Unai neganai Israela taudia ese Mose dekenai idia taitai bada. Vadaeni Mose ese Lohiabada ia noia, bona lahi be ia bodo.

NUMERA 12:12

Inai hahine mani oi durua, ia be mase gauna, sinana bogana dekena amo ia vara dika kekeni, iena kopina kahana ia darea oho bamona garina.”

NUMERA 14:2

Israela taudia ibounai ese Mose bona Arona dekenai idia maumau. Idia gwau, “Aigupito dekenai o inai taunimanima noho lasi tanona dekenai ai mase be namo.

NUMERA 16:41

Kerukeru dina, Israela taudia ibounai ese Mose bona Arona idia maumau henia, idia gwau, “Umui ese Lohiabada ena bese taudia umui alaia mase vadaeni.”

LUKA 23:34

Vadaeni Iesu ia guriguri, ia gwau, “Egu Tamana e, inai taudia edia dika mani oi gwauatao, badina idia diba lasi dekenai inai bamona idia karaia noho.” Vadaeni iena dabua idia haria karaia, laki gadara dekena amo edia ahuna ta ta idia abia.

LUKA 6:28

Edia hereva dekenai umui idia hadikaia taudia be do umui hanamoa, bona umui dekenai idia dagedage taudia be idia totona do umui guriguri.

APOSETOLO EDIA KARA 7:60

Bona ia tui diho, ia boiboi, ia gwau, “Lohiabada e, inai kara dika ena davana oi henidia lasi!” Unai bamona ia hereva, vadaeni ia mase.

ROMA 12:21

Namo lasi dika ese umui do ia halusia, to umui ese kara namo dekena amo dika do umui halusia.

IAMESI 5:15

Inai guriguri mai abidadama danu ese gorere tauna do ia hanamoa. Lohiabada ese iena mauri do ia hanamoa, bona iena kara dika do ia gwauatao.

1 SAMUELA 12:23

Bona lau danu, lau ese guriguri umui dainai do lau hadokoa lasi. Badina bema umui totona lau guriguri noho lasi neganai, lau be Lohiabada dekenai lau kara dika. Lasi, to lau ese dala namona bona dala maorona be umui dekenai do lau hadibaia.

1 SAMUELA 15:11

“Lau laloa bema Saulo dekenai king dagi lau henia lasi be namo, badina be ia ese lau dekena amo ia raka siri, bona lauegu oda hereva ia kamonai henia lasi.” Vadaeni Samuela be ia badu, bona ia ese Lohiabada dekenai ia taitai henia ela bona daba rere.