NUMERA 11:8 - Buka Helaga (Hiri Motu) 1993

⁸ Taunimanima ese dabai inai mana idia gogoa. Idia be gwada-gwada auna lalonai idia gwadaia ela bona paraoa bamona idia halaoa, o nadi uili, metau gauna, dekena amo idia moia maragimaragi, vadaeni uro dekenai idia nadua, bona keke idia karaia. Iena mamina be paraoa bona olive huahua ena digara danu idia mikisi hebou bamona.

NUMERA 11:8 Iomraidhean Croise

GENESE 25:29

Dina ta Iakobo ese aniani ia nadua noho, vadaeni Esau be gunika dekena amo ia mai.

ESODO 16:23

Vadaeni ia ese idia dekenai ia hamaoroa, ia gwau, “Lohiabada ese inai oda ia gwauraia, ia gwau: Kerukeru be laga-ani dinana, Lohiabada ena Sabati Dina. Umui ura gabua gaudia umui gabua, nadua gaudia umui nadua, bona aniani momoru do idia noho ia lao dabai.”

ESODO 16:31

Israela taudia ese unai aniani ena ladana idia atoa be mana, ena anina be “Dahaka gau?” Ia be uhe nadinadi kurokurona bamona, bona ena mamina be hani bona paraoa dekena amo keke palaka idia karaia bamona.

NUMERA 11:7

Mana be nadinadi kurokurona bamona, boroko auna ena todena bamona.

NUMERA 11:9

Hanuaboi neganai paripari ena ranu be kamepa dekenai ia diho neganai, inai mana danu nega tamona ia diho.

IOANE 6:27

Umui gaukara lasi aniani ia ore gauna abia totona, to do ia noho, ia lao bona mauri hanaihanai, ena aniani abia totona do umui gaukara. Unai be Taunimanima ena Natuna ese do ia henia umui dekenai, badina be iena Tamana Dirava ese, ia hamomokania ena toa be ia dekenai ia henia vadaeni.”

IOANE 6:31

Aiemai sene taudia ese mana idia ania noho taunimanima idia noho lasi tano dekenai, Buka Helaga dekenai ia torea hegeregerena, ia gwau, ‘Edia aniani be ia ese guba dekena amo ia henia diho.’ ”