NUMERA 11:25 - Buka Helaga (Hiri Motu) 1993

²⁵ Vadaeni unai neganai Lohiabada be ori lalonai ia diho, Mose dekenai ia hereva. Bona Mose dekenai ia henia vadaeni siahuna ena kahana be Lohiabada ese ia abia lou, unai gunalaia taudia 70 dekenai ia henia. Vadaeni inai siahu be idia edia latanai ia diho neganai, idia ese peroveta taudia bamona idia boiboi, to unai nega sisina sibona.

NUMERA 11:25 Iomraidhean Croise

2 KING TAUDIA 2:15

Ieriko peroveta taudia edia orea ese Elisaia ena kara idia itaia, badina ia be idia edia vairana dekenai. Vadaeni unai kara idia herevalaia, idia gwau, “Elia ena lalona dekenai guna ia noho siahuna, be Elisaia ese ia abia vadaeni.” Vadaeni idia be Elisaia dekenai idia lao, tano dekenai idia tui diho iena vairanai.

NEHEMIA 9:20

Oiemu Lauma namona idia dekenai oi henia, ia ese dahaka do idia karaia, ia hadibadia. Bona oiemu mana aniani oi hadokoa lasi, to oi henidia noho, idia ania, bona edia ranu mase totona ranu oi henidia.

SALAMO 99:7

Ori badana dekena amo ia ese idia dekenai ia hereva. Idia ese iena oda idia badinaia, bona ia henidia taravatu danu idia badinaia.

ESODO 32:32

Mani emu kara edia kara dika do oi gwauatao. To bema lasi, lauegu ladana, oi ese oi torea bukana dekena amo do oi kokia.”

ESODO 34:5

Lohiabada be ori lalonai ia diho, bona Mose ena badibadinai ia gini, ororo ena ataiai dekenai. Lohiabada ese sibona ena ladana helagana ia gwauraia, Lohiabada.

ESODO 40:38

Badina be Israela taudia edia laolao ibounai lalonai, Lohiabada ena ori be dina lalonai Dubu ena ataiai dekenai ia noho. Bona hanuaboi ibounai lalonai, unai ori be mai ena lahi, Dubu ena ataiai dekenai ia noho. Dina lalonai, ori idia itaia, bona hanuaboi lalonai, lahi be ori dekenai idia itaia, Dubu ena ataiai dekenai.

ISAIA 63:11

To idia ese nega gunadia idia laloa, Mose ena dina idia laloa, vadaeni idia henanadai, idia gwau, “Lohiabada be edeseni? Ia ese iena Lauma be Mose dekenai ia henia, ani?

ESEKIELA 8:11

Unai laulau edia vairana dekenai Israela tau badadia ibounai 70 idia gini noho, bona Iasanaia Sapana be idia edia huanai ia gini. Idia ta ta be mai edia gida huaia auri kapusi, edia imadia dekenai, bona mai bonana muramura ena kwalahu be kapusi dekena amo idia daekau lao noho.

NUMERA 11:17

Vadaeni lau be do lau diho, umui dekenai do lau hereva unuseni. Bona oi dekenai lau henia siahuna ena kahana do lau abia lou, idia dekenai do lau henia. Vadaeni Israela besena naria gaukara be oi danu do idia karaia, maduna do umui huaia hebou, oi sibona do oi huaia lasi.

NUMERA 12:5

Vadaeni Lohiabada be ori lalonai ia diho, Palai Dubu ena vairanai ia gini, Arona bona Miriama ia boiridia, bona ia dekenai idia raka lao.

NUMERA 16:25

Vadaeni Mose ia toreisi, Datana bona Abirama dekenai ia lao, Israela gunalaia taudia be Mose ena murinai idia raka.

NUMERA 24:2

Unai tano Balama ese ia itaia noho neganai, ia be Israela iduhuna ta ta, edia kamepa, edia kamepa, ia itaia. Unai neganai Dirava ena Lauma, be Balama dekenai ia siahu bada,

NUMERA 27:18

Lohiabada ese Mose ia hamaoroa, ia gwau, “Iosua Nunu do oi abia, ia be Lauma ese ia abia tauna ta, oiemu imana be iena kwarana latanai do oi atoa.

APOSETOLO EDIA KARA 11:28

Idia ta ena ladana be Agabo. Lauma ese ia hadibaia dainai, ia toreisi bona ia gwau hitolo bada negana do ia vara tanobada kahana ibounai dekenai. Hitolo bada be king ta ena ladana Klaudio ena nega lalonai ia vara.

1 KORINTO 14:32

Dirava ena hereva ia gwauraia tauna ese iena hereva gauna do ia naria namonamo be gau badana.

IAMESI 1:17

Gau namodia ibounai, bona harihari gaudia namodia momokani ibounai, be Dirava dekena amo idia diho mai. Dirava ese diari ibounai ia karaia, bona nega haida idia ese edia toana idia senisia, nega haida mai edia dibura nega. To Dirava ese iena kara ia senisia lasi, ia diari hanaihanai, bona ia be mai ena dibura sisina lasi.

2 PETERO 1:21

Badina be peroveta hereva gunadia be tau ta ese sibona ena ura dekenai ia gwauraia lasi. Lasi momokani. To Lauma Helaga ese helaga taudia ia hasiahua momokani dainai, idia ese Dirava ena hereva idia gwauraia.

GUNALAIA TAUDIA 3:10

Lohiabada ena Lauma ese Otoniele ia hasiahua, bona ia ese Israela taudia ia gunalaia. Otoniele ese ia toreisi, Kusana Risataimi, Mesopotamia ena king ia tuari henia, bona Lohiabada ese Otoniele ia durua dainai, ia ese unai king ia halusia.

1 SAMUELA 10:10

Gibea Ororo dekenai Saulo ia ginidae neganai, peroveta orea ta ia danu idia hedavari, vadaeni Dirava ena Lauma be Saulo ese ia abia momokani, bona idia huana dekenai ia peroveta.