NUMERA 11:23 - Buka Helaga (Hiri Motu) 1993

²³ Lohiabada ese Mose dekenai ia haere, ia gwau, “Lohiabada ena siahu be mai ena dokona, a? Iena imana ia kwadogi, a? Nega sisina do oi itaia, lauegu hereva do ia momokani o lasi.”

NUMERA 11:23 Iomraidhean Croise

GENESE 18:14

Be, hoa kara ia noho, Lohiabada ia karaia diba lasi, a? Hua 9 lalonai, nega korikori dekenai, do lau giroa mai, bona Sara be natuna mero do ia abia.”

2 KING TAUDIA 4:43

To hesiai tauna ia gwau, “Inai peroveta orea be tatau 100, inai beredi ena bada be hegeregere lasi.” Elisaia ia haere, ia gwau, “Idia dekenai do umui henia, do idia ania, badina be Lohiabada ia hereva vadaeni, idia be do idia aniani ore murinai, beredi haida, idia ania lasi gaudia do idia noho.”

2 KING TAUDIA 7:2

King ena hesiai tauna, king ia durua momo tauna, ese Elisaia ia hamaoroa, ia gwau, “Unai bamona ia vara diba lasi, badina be bema Lohiabada ese maoromaoro medu ia siaia diho neganai, kerukeru aniani be ia noho diba a?” To Elisaia ia gwau, “Oi ese oiemu matana dekena amo do oi itaia, to do oi ania lasi.”

SALAMO 78:41

Dirava ena bogahisihisi idia tohoa lou, tohoa lou, bona idia ese Israela edia Helaga Dirava idia habadua.

ESODO 6:1

Lohiabada ese Mose dekenai ia hereva, ia gwau, “Harihari Farao dekenai edena bamona dohore lau karaia be do oi itaia. Lau ese do lau hisihisi henia dikadika dainai, ia ese Israela taudia iena imana dekena amo do ia negea. Oibe, gari bada dainai, ia ese iena tano dekena amo Israela taudia do ia luludia murimuri dekenai.”

ISAIA 50:2

“Lauegu bese dekenai lau lao, idia do lau hamauria totona, to lau dekenai idia laloa lasi. Badina dahaka lauegu boiboi dekenai idia haere lasi? Lau be lau manoka noho, vadaeni idia lau hamauria diba lasi, a? Lau ese egu hereva dekena amo, davara be gabu kaukau lau halaoa diba. Bona sinavai be tano kaukau lau halaoa diba, vadaeni unai sinavai gwarume, be ranu lasi dainai idia mase.

ISAIA 59:1

Kamonai, Lohiabada ena imana ia kwadogi, a? Ia kwadogi dainai umui ia hamauria diba lasi, a? Lasi momokani, bona iena taiana be ia kudima lasi danu.

IEREMIA 14:9

Badina dahaka oi be daradara tauna hegeregerena oi lao, o, oi be goada tauna, to oi be durua o hamauria kara oi karaia diba lasi hegeregerena. Lasi momokani! Lohiabada e, oi be aiemai huanai oi noho, bona ai be oiemu bese taudia. Mani emu kara, ai dekena amo do oi raka siri lasi.”

IEREMIA 32:17

“Lohiabada Dirava e, oi ese guba bona tanobada be oiemu siahu badana bona oiemu goada herea dekena amo oi karaia. Gau ta ia auka lasi oi dekenai.

IEREMIA 32:27

“Kamonai, lau be Lohiabada, taunimanima ibounai edia Dirava. Kara ta be auka herea, to lau karaia diba lasi, a?

ESEKIELA 12:25

Lau Lohiabada Dirava ese peroveta taudia dekenai do lau hereva henia, bona lau gwauraia gauna be do lau karaia momokani. Do lau karaia haraga, do lau naria kava lasi. Umui dagedage bese taudia e, emui nega lalonai lau ese lau sisiba henia do lau karaia gaudia be do lau karaia. Lau inai Lohiabada lau hereva vadaeni.”

ESEKIELA 24:14

Lau, Lohiabada Dirava ese lau hereva vadaeni. Inai kara be do ia vara, bona lau ese do lau karaia. Lau ese do lau laloa lou lasi, do lau bogahisihisi henia lasi, bona egu lalona do lau giroa lasi. Ierusalema ena dala bona ena kara hegeregerena do lau kota henia. Lau Dirava, Lohiabada ese lau hereva noho.”

DANIELA 6:20

Guri kahirakahira ia lao neganai, mai lalohisihisi bada danu ia boiboi, ia gwau, “Daniela e, mauri Diravana ena hesiai tauna e! Oiemu Dirava, iena hesiai oi karaia namonamo Diravana ese laiona dekena amo oi ia hamauria, a?”

MIKA 2:7

Dirava ese Israela taudia do ia hadikaia lasi. Lohiabada be ai dekenai ia badu lasi. Ai dekenai dika ta do ia karaia diba, a? Lohiabada ese kara maoromaoro taudia dekenai ia hereva namo henia, ia ese ai do ia hadikaia diba lasi.”

NUMERA 11:22

Mamoe momo herea bona nani momo herea do idia alaia ore, edia aniani totona, a? O davara gwarume ibounai do idia abia ore, edia bogana do idia hakunua totona, a?”

NUMERA 23:19

Dirava be taunimanima bamona lasi, mai ena koikoi lasi, Dirava be taunimanima ena natuna bamona lasi, mai ena laloa rua lasi. Dirava ia hereva vadaeni gauna, be do ia karaia lasi, a? Dirava ia gwauhamata neganai, iena gwauhamata do ia hamomokania lasi, a?

MATAIO 19:26

Iesu ese idia dekenai ia itaia, ia gwau, “Taunimanima ese do idia karaia diba lasi, to Dirava ese gau ibounai be ia karaia diba.”

MATAIO 24:35

Guba bona tanobada do idia boio, to lauegu hereva be do ia boio lasi.”

LUKA 1:37

Badina be Dirava ese gau ibounai ia karaia diba.”