NUMERA 11:21 - Buka Helaga (Hiri Motu) 1993

²¹ To Mose be Lohiabada dekenai ia hereva, ia gwau, “Be, lauegu bese taudia be 600,000, edia aena dekenai idia raka taudia. To oi gwau, ‘Vamu do lau henidia, do idia ania, ela bona hua ta do ia ore.’

NUMERA 11:21 Iomraidhean Croise

GENESE 12:2

Lau be oi dekenai tubuna momo do lau henia, dohore idia be bese bada herea. Oi do lau hanamoa, bona oiemu ladana do lau habadaia, vadaeni taunimanima ese namo bada do idia davaria oi dekena amo.

ESODO 12:37

Vadaeni Israela taudia be Ramese dekena amo idia laolao, Sukoto dekenai idia lao gwauraia. Aena dekenai idia raka tatau be 600,000 bamona, bona hahine mai natudia danu.

ESODO 38:26

Israela edia tatau, lagani 20 bona lagani 20 idia hanaia tatau ibounai edia momo be 603,550. Inai tatau ibounai ese siliva, ena davana 5 kina bamona, idia henia.

NUMERA 1:46

Tuari dekenai idia lao diba tatau ibounai be 603,550.

NUMERA 11:13

Vamu be edeseni do lau abia, inai taunimanima momo herea ubua totona? Badina idia be egu vairana dekenai idia taitai noho, idia gwau, ‘Vamu ai dekenai henia, do ai ania.’

NUMERA 11:20

To hua ta ena dina ibounai be vamu do umui ania, ela bona do umui hesiku, do umui negea. Badina be Lohiabada, umui huanai ia noho Diravana, be umui gwau henia vadaeni. Ia dekenai umui maumau vadaeni, umui gwau: ‘Badina dahaka Aigupito ai rakatania?’ ”

NUMERA 11:22

Mamoe momo herea bona nani momo herea do idia alaia ore, edia aniani totona, a? O davara gwarume ibounai do idia abia ore, edia bogana do idia hakunua totona, a?”

NUMERA 2:32

Israela taudia edia iduhu ta ta dekenai idia duahia be inai. Tuari taudia, edia iduhu ta ta dekena amo idia duahia ibounai be 603,550.

NUMERA 26:51

Israela tatau ibounai be 601,730.