NUMERA 11:2 - Buka Helaga (Hiri Motu) 1993

² Unai neganai Israela taudia ese Mose dekenai idia taitai bada. Vadaeni Mose ese Lohiabada ia noia, bona lahi be ia bodo.

NUMERA 11:2 Iomraidhean Croise

SALAMO 106:23

Vadaeni Dirava ia gwau iena bese taudia do ia hadikaia ore, to ia ese ia abia hidi tauna Mose, be unai bese taudia bona Dirava edia huanai ia gini. Mose ese Dirava ena badu ia hakerua, ia ese iena bese taudia do ia alaia ore garina.

ESODO 10:18

Vadaeni Mose be Farao ena vairana dekena amo ia raka siri, Lohiabada dekenai ia noinoi.

ESODO 34:9

Ia gwau, “Lohiabada e, bema lau dekenai oi ura henia, mani emu kara ai danu do ita lao. Momokani inai taunimanima be laloa hekokoroku taudia, to lau ura aiemai kerere bona kara dika do oi gwauatao, bona oiemu bese taudia korikori mani do oi halaoa ai.”

ISAIA 37:4

Sedira Lohiabada, oiemu Dirava, ese Rabesake, Asuria ena king ese ia siaia tauna ena hereva ia kamonai vadaeni. Mauri Dirava ia hadikaia totona hereva dika ia gwauraia vadaeni. Sedira Lohiabada, oiemu Dirava, ese unai ia kamonai vadaeni hereva ena davana do ia henia. Unai dainai iseda taunimanima, idia do noho taudia, dainai mani Dirava do oi noia.’ ”

IEREMIA 15:1

Vadaeni Lohiabada ese lau ia hamaoroa, ia gwau, “Ieremia e, oi kamonai! Bema Mose bona Samuela be lauegu vairana dekenai idia gini, bona idia ese lau idia noia, to lau ese inai bese taudia do lau bogahisihisi henia diba lasi. Do oi siaidia lao, lau ura lasi lau itadia.

IEREMIA 37:3

King Sedekaia ese Iehukala Selemaia bona hahelagaia tauna Sepanaia Maseaia ia siaia, lau Ieremia idia nanadaia, idia gwau, “King Sedekaia ia ura oi ese Lohiabada, iseda Dirava do oi noia, iseda tano dainai.”

IEREMIA 42:2

idia gwau, “Mani emu kara aiemai noinoi do oi karaia! Lohiabada oiemu Dirava do oi guriguri henia, ai totona. Ai do mauri noho taudia totona Lohiabada do oi noia. Badina guna ai be orea badana, to oi itaia, hari ai be tamona, tamona sibona.

NUMERA 12:11

Vadaeni Arona ese Mose dekenai ia hereva, ia gwau, “Lohia e, ai be kara kava ai karaia vadaeni, ai kara dika vadaeni. Mani emu kara aiemai dika davana do oi henia lasi.

NUMERA 12:13

Vadaeni Mose ese Lohiabada dekenai ia noinoi, ia gwau, “Dirava e, mani oi hanamoa.”

NUMERA 21:7

Israela taudia be Mose dekenai idia lao, idia gwau, “Ai be ai kara dika vadaeni, Lohiabada dekenai ai maumau, oi dekenai danu ai maumau vadaeni. Lohiabada dekenai do oi noinoi, ia ese ai dekena amo gaigai do ia abia siri.” Vadaeni Mose ese Israela taudia dainai ia guriguri.

APOSETOLO EDIA KARA 8:24

Simona ia haere henia, ia gwau, “Umui noinoi Lohiabada dekenai lau dainai, inai hari umui gwauraia gaudia idia vara lasi lau dekenai.”

HEBERU 7:26

Iesu, inai Hahelagaia Tauna Badana ese ita ia durua diba. Ia be helaga. Ia be kara dika lasi, kerere ta lasi. Ia be kara dika taudia bamona lasi. Ia be goeva momokani, bona guba ena ataiai momokani dekenai ia daekau vadaeni.

IAMESI 5:16

Unai dainai umui ta ta dekenai emui kara dikadia do umui gwauraia hedinarai, bona umui ta ta totona do umui guriguri. Vadaeni unai neganai, Dirava ese emui mauri do ia hanamoa. Kara maoromaoro tauna ena guriguri be mai ena siahu. Inai bamona guriguri ese taunimanima ia durua diba.

1 IOANE 5:16

Bema tau ta ese iena Keristani varavara ta ia itaia, kara dika ia karaia noho, to lauma hamasea gauna lasi, bona ia totona Dirava ia noia, vadaeni Dirava ese unai varavara do ia hamauria. Lau herevalaia gauna be inai: Unai tau ese iena lauma do ia hamasea lasi kara dikana ta ia karaia. Badina lauma ia hamasea kara dikana ta be ia noho momokani, bona lau hereva lasi, unai bamona kara dikana totona do umui noinoi.