NUMERA 11:11 - Buka Helaga (Hiri Motu) 1993

¹¹ Mose ese Lohiabada dekenai ia hereva, ia gwau, “Badina dahaka inai bamona lau oi hadikaia? Badina dahaka oiemu lalona ia namo lasi lau dekenai? Edena bamona inai bese ibounai naria gaukara be lau dekenai oi henia?

NUMERA 11:11 Iomraidhean Croise

IOBU 10:2

Dirava dekenai do lau hereva, do lau gwau: Lau do oi gwauraia kerere lasi, to oi ese oiemu samani hereva ena badina korikori, be lau dekenai mani do oi hadibaia.

SALAMO 130:3

Bema oi ese aiemai kara dika ibounai oi duahia neganai, daika ese oiemu kota lalonai ia kwalimu diba?

SALAMO 143:2

Lau, oiemu hesiai tauna do oi kota henia lasi, badina be idia mauri noho taudia ibounai edia huanai, ta be ia maoromaoro lasi oiemu vairana dekenai.

ESODO 17:4

Mose ese Lohiabada dekenai ia noinoi goada, ia gwau, “Inai taunimanima dekenai dahaka do lau karaia? Idia be lau do idia hodoa mase gwauraia.”

ESODO 5:22

Vadaeni Mose ia noinoi lou Lohiabada dekenai, ia gwau, “Lohiabada e, dahaka dainai oiemu bese taudia oi hadikaia noho inai bamona? Dahaka totona oi siaia lau?

IEREMIA 15:10

Lau madi o! Badina dahaka egu sinana ese lau ia havaraia? Lau mauri noho dainai, lau ese inai tano lalonai taunimanima ibounai danu lau heai, bona lau hepapahuahu noho. Lau be tau ta dekenai moni lau heniatorehai lasi, bona tau ta dekena amo moni lau abiatorehai lasi, to idia ibounai ese lau idia hereva dika henia noho, idia gwau, “Lohiabada ese Ieremia bema ia hadikaia be namo.”

IEREMIA 15:18

Badina dahaka lauegu hisihisi ia doko lasi, bona lauegu berona be idia namo lou lasi? Momokani oi ese lau oi durua lasi. Lau be ranu dekenai inua totona lau lao bamona, ranu lau itaia ia kaukau, vadaeni lau inua diba lasi.”

MALAKI 3:14

“Ma inai danu umui gwau, ‘Dirava ena hesiai gaukara ita karaia be anina lasi. Iena hereva do ita badinaia ena anina be dahaka? Ita be Siahu Ibounai Lohiabada ena vairanai iseda kara dika dainai ita lalohisihisi ena toana ita hedinaraia, to ita be ita lalohisihisi kava, gau namona ta ita davaria lasi.

NUMERA 11:10

Israela taudia ibounai idia taitai, idia ta ta edia palai rumadia iduara dekenai. Vadaeni Mose ese edia taitai ia kamonai, bona iena lalona ia hisihisi bada, badina Lohiabada be ia badu dikadika.

NUMERA 11:15

Bema oi ese inai bamona lau dekenai do oi karaia noho, mani do oi bogahisihisi lau dekenai, lau do oi alaia mase, vadaeni oiemu badu be do lau mamia lou lasi.”

2 KORINTO 11:28

Inai tauanina gaudia sibona lasi, to lauegu lalona danu dina ibounai ia hekwarahi, ekalesia orea ibounai lau naria dainai.

DEUTERONOMI 1:12

“To lau sibona ese edena bamona umui do lau naria noho? Emui hekwarahi bona emui hepapahuahu be edena bamona do lau hamaoromaoroa?