NUMERA 11:10 - Buka Helaga (Hiri Motu) 1993

¹⁰ Israela taudia ibounai idia taitai, idia ta ta edia palai rumadia iduara dekenai. Vadaeni Mose ese edia taitai ia kamonai, bona iena lalona ia hisihisi bada, badina Lohiabada be ia badu dikadika.

NUMERA 11:10 Iomraidhean Croise

SALAMO 106:25

Edia palai rumadia dekenai idia hereva badubadu, bona Lohiabada ena hereva idia kamonai henia lasi.

SALAMO 139:21

Lohiabada e, oi dekenai idia badu noho taudia, be lau ese lau badu henidia noho! Oi dekenai idia dagedage henia taudia be lau ura henidia lasi.

SALAMO 78:21

Lohiabada ese edia hereva badubadu ia kamonai neganai ia badu. Ia ese iena bese taudia lahi dekena amo ia hadikadia. Iena badu be Israela taudia dekenai ia bada lao,

SALAMO 78:59

Inai bamona idia karaia, be Dirava ese ia itaia neganai, ia badu mai siahu danu. Unai dainai ia ese Israela taudia ia negea momokani.

ISAIA 5:25

Lohiabada ese iena bese taudia ia badu henia noho. Bona hari iena imana ia abia isi, do ia hadikadia totona. Ororo be do idia heudeheude, bona mase taudia edia tauanidia be ariara dekenai momoru bamona do idia noho. To inai kara ia ore neganai, Lohiabada ena badu be do ia ore lasi. Lasi, badina Lohiabada ese iena imana do ia abia isi noho.

IEREMIA 17:4

Emui kerere dainai, umui ese umui dekenai lau henia tano do umui haboioa. Bona lau ese umui idia tuari henia taudia edia tano, umui diba lasi tano, dekenai umui do lau siaia, edia hesiai gaukara do umui karaia, badina egu badu be lahi ta bamona, bona do ia gabua noho hanaihanai.”

NUMERA 11:1

Israela taudia be idia hekwarahi dainai, Lohiabada dekenai idia maumau. Lohiabada be ia kamonai, vadaeni ia badu, bona lahi be idia edia latanai ia siaia diho. Unai lahi ese kamepa ena kahana ia gabua noho.

NUMERA 11:11

Mose ese Lohiabada dekenai ia hereva, ia gwau, “Badina dahaka inai bamona lau oi hadikaia? Badina dahaka oiemu lalona ia namo lasi lau dekenai? Edena bamona inai bese ibounai naria gaukara be lau dekenai oi henia?

NUMERA 11:9

Hanuaboi neganai paripari ena ranu be kamepa dekenai ia diho neganai, inai mana danu nega tamona ia diho.

NUMERA 12:3

Mose be tanobada taudia ibounai edia huanai ia sibona be manau herea.

NUMERA 12:9

Idia ruaosi dekenai Lohiabada ese ia badu herea, vadaeni ia ese idia ia rakatania.

NUMERA 16:27

Unai dainai idia be Kora bona Datana bona Abirama edia palai ruma dekena amo idia raka siri. Unai neganai Datana bona Abirama idia raka mai, idia bona edia adavana bona natuna badadia bona natuna maragidia, edia palai ruma iduara dekenai idia gini.

NUMERA 21:5

Idia ese Lohiabada bona Mose dekenai idia maumau, idia gwau, “Dahaka dainai Aigupito dekena amo ai oi hakaua? Inai taunimanima noho lasi tano dekenai do ai mase, badina aniani be lasi, ranu danu be lasi. To inai aniani gauna dikana dekenai be ai hesiku momokani.”

MAREKO 10:14

To Iesu ia itaia, ia badu, ia gwau henia, ia gwau, “Lau ura maragi idia mai lau dekenai, umui lulua lasi, badina idia bamona be Dirava ena Basileia taudia.

MAREKO 3:5

Mai badu bona lalohisihisi danu ia itadia, badina edia lalona be auka. Ia ese gorere tauna ia hamaoroa, ia gwau, “Oiemu imana oi abia isi.” Ia abia isi, vadaeni iena imana ia namo lou, imana kahana bamona.

DEUTERONOMI 32:22

Badina be lauegu badu ese, lahi ia havaraia vadaeni. Tanobada ena gau ibounai do ia gabua ore, bona mase taudia edia dobu herea gabudia do ia araia, ororo badinai ia noho tanona danu do ia gabua ore.