NUMERA 10:9 - Buka Helaga (Hiri Motu) 1993

⁹ Bema umui dekenai idia tuari henia taudia ese emui tano dekenai umui idia hadikaia, bona umui idia tuari henia neganai, kibi do umui hiriria kwadogi, to mai regena bada. Unai neganai lau, Lohiabada, emui Dirava, ese umui do lau laloa, bona umui do lau hamauria, umui idia hadikaia taudia dekena amo.

NUMERA 10:9 Iomraidhean Croise

GENESE 8:1

To Dirava ese Noa ia laloa noho, ia bona mauri gaudia ibounai, bona boromakau, ia danu lagatoi dekenai idia guia. Vadaeni Dirava ese lai ta ia siaia mai tanobada dekenai, bona ranu ia diho hamatamaia.

2 SIVARAI 13:12

Kamonai, Dirava be ai dekenai ia noho, ia ese ai ia gunalaia noho. Iena hahelagaia taudia ese edia kibi do idia hiriria, umui dekenai do ai tuari henia totona. Israela besena e, Lohiabada, emui sene taudia edia Dirava do umui tuari henia lasi, badina do umui kwalimu diba lasi.”

2 SIVARAI 13:14

Iuda taudia ese edia matana idia negea, idia itaia tuari be edia vairanai bona edia murinai danu, vadaeni idia ese Lohiabada dekenai durua totona idia boiboi henia, bona hahelagaia taudia ese kibi idia hiriria.

SALAMO 106:4

Lohiabada e, oiemu orea taudia do oi hanamoa neganai, lau danu do oi laloa. Oiemu bese taudia oi hamauria neganai, lau danu do oi durua.

SALAMO 106:42

Unai idau bese taudia ese Israela taudia idia dagedage henia, bona edia siahu henunai Israela taudia idia noho momokani, mai guia danu.

SALAMO 136:23

Tuari ita lusi neganai Lohiabada ese ita ia laloaboio lasi. Iena lalokau bona bogahisihisi do idia noho hanaihanai.

ISAIA 18:3

Tanobada dekenai noho taudia ibounai e, tanobada ena latanai umui noho taudia e, toa ta ororo edia latanai idia abia isi neganai, do umui itaia! Kibi do idia hiriria neganai, do umui kamonai!

ISAIA 58:1

Lohiabada ia gwau, “Oiemu gadona do oi abia isi, mai goada danu do oi boiboi. Lauegu bese Israela taudia do oi hamaoroa, idia be mai edia kara dika!

IEREMIA 4:19

Hisihisi bada! Inai hisihisi ena metau, be lau huaia diba lasi! Egu kudouna e! Egu kudouna ia gari! Unai dainai ia marere haraga noho, mai hisihisi danu! Lau ese egu uduna hereva lau koua diba lasi, badina be kibi edia regena lau kamonai noho, bona tuari taudia edia boiboi danu.

IEREMIA 4:21

Pepe do idia abia isi noho, do lau itaia ela bona edena negai? Tuari kibi edia regena do lau kamonai ela bona edena negai?

IEREMIA 4:5

“Iuda dekenai do umui gwauraia, bona Ierusalema dekenai do umui gwauraia hedinarai. Tano ena kahana ibounai dekenai, kibi do umui hiriria. Do umui boiboi mai goada danu, do umui gwau, ‘Hanua mai edia magudia lalonai do ita heau vareai.

IEREMIA 49:2

Kamonai! Dina do idia mai noho, lau Lohiabada ese haida do lau hagoadaia, vadaeni tuari kibi do idia hiriria, Raba, Amono taudia edia hanua, do idia hadikaia ore. Raba be momoru haboua gabuna do idia halaoa, bona iena hanua maragidia, be lahi dekena amo do idia gabua. Vadaeni Israela taudia idia luludia taudia, be Israela taudia ese do idia luludia. Lau inai Lohiabada lau hereva noho.

IEREMIA 6:1

Beniamina taudia e, Ierusalema dekena amo do umui heau mauri! Tekoa dekenai kibi do umui hiriria! Bete Hakereme dekenai pepe do umui abia isi! Badina be dika bada, be mirigini kahana dekena amo ia mai noho. Hanua ena gau ibounai hadikaia ore kara, be kahirakahira do ia vara.

IEREMIA 6:17

Vadaeni Lohiabada be ma ia hereva, ia gwau, “Lau ese gima taudia lau abia hidi, vadaeni dika ia mai noho neganai, idia ese kibi do idia hiriria. Umui ese kibi ena regena do umui kamonai namonamo.” To Israela taudia idia gwau, “Ai ese gima taudia edia hereva do ai kamonai henia lasi.”

ESEKIELA 7:14

Tuari ena kibi be Israela taudia ese do idia hiriria, bona tuari totona gau ibounai do idia abia hegaegae. To gari bada dainai tau ta ese tuari totona do ia toreisi lasi, badina be Dirava ena badu be taunimanima ibounai edia latanai do ia diho.

HOSEA 5:8

Gibea dekenai tuari ena kibi do umui hiriria! Rama dekenai danu do umui hiriria! Tuari totona do umui boiboi Betele dekenai! Beniamina tatau e, tuari totona do umui raka lao!

LEVITIKO 23:24

“Israela taudia do oi hamaoroa, oi gwau: Hua namba 7 ena dina ginigunana be laga-ani dinana helagana ta umui dekenai. Inai dina be laloatao dinana, bona umui ese kibi do umui hiriria, unai dina ena hebou helagana dekenai do umui haboua mai totona.

AMOSA 3:6

Tuari kibi be hanua ta lalonai idia hiriria neganai, hanua taudia idia gari lasi, a? Bema hanua ta dekenai dika ta ia vara neganai, umui laloa Lohiabada ese inai dika ia siaia lasi, a?

SEPANAIA 1:16

Kibi ena regena, bona tuari taudia edia boiboi ena dina. Hanua mai edia magudia bona kohoro badadia hadikaia ena dina.

NUMERA 31:6

Mose ese tuari totona idia ia siaia, bona edia gunalaia tauna be Pineha, hahelagaia tauna Eleasara ena natuna. Pineha ese Palai Dubu ena helaga gaudia haida iena imana dekenai ia abia lao, bona kibi danu, Israela edia tuari durua totona.

1 KORINTO 14:8

Inai danu, tuari kibi bema idia hiriria namonamo lasi neganai, daika ese tuari totona do ia hegaegae?

DEUTERONOMI 20:1

Ma Mose ia hereva, ia gwau, “Umui dekenai idia tuari henia taudia do umui tuari henidia neganai, sedira hosi bona kariota momo bona tuari taudia momo herea, emui goada idia hereaia, do umui itaia. To idia dekenai do umui gari henia lasi. Lohiabada emui Dirava, Aigupito dekena amo umui ia hamauria Diravana be umui dekenai do ia noho.

IOSUA 6:5

Vadaeni kibi ena regena do umui kamonai, idia hiriria noho daudau. Unai neganai taunimanima ibounai do idia boiboi bada herea, vadaeni hanua maguna be do ia moru, bona maoromaoro emui tuari taudia do idia raka vareai.”

GUNALAIA TAUDIA 10:12

Sidono taudia bona Amaleka taudia bona Maono taudia ese danu umui idia hisihisi henia, bona lau dekenai umui tai neganai, lau ese edia imana dekena amo umui lau hamauria.

GUNALAIA TAUDIA 10:8

Unai lagani lalonai, unai bese ese Israela taudia idia moia diho, bona idia hisihisi henidia. Lagani 18 lalonai Pilistia taudia bona Amono taudia ese Israela taudia ibounai, Ioridane Sinavai ena dina daekau kahanai, idia hisihisi henidia. Unai be Gileada tano, guna Amoro taudia idia noho gabuna.

GUNALAIA TAUDIA 2:18

Lohiabada ese gunalaia tauna ta Israela taudia dekenai ia henia neganai ibounai, ia ese unai gunalaia tauna ia durua. Vadaeni unai gunalaia tauna ena mauri dinadia ibounai lalonai Lohiabada ese Israela taudia ia hamauria, idia tuari henidia taudia dekena amo. Badina be idia dagedage henidia, bona idia hisihisi henidia taudia dainai idia taitai neganai ibounai, Lohiabada ese idia ia bogahisihisi henia.

GUNALAIA TAUDIA 3:27

Unuseni Ehuda ese kibi ia hiriria Eparaima Ororo dekenai. Vadaeni Israela taudia be ia danu ororo dekena amo idia diho lao, bona Ehuda ese idia ia gunalaia.

GUNALAIA TAUDIA 6:34

To Lohiabada ena Lauma ese Gideona dekenai ia vareai, ia hasiahua, vadaeni ia ese kibi ia hiriria, bona Abiesere taudia ia boiria, idia be ia murina dekenai do idia mai.

GUNALAIA TAUDIA 6:9

bona Aigupito taudia edia siahu dekena amo umui lau hamauria. Bona inai tano dekenai umui idia dagedage henia taudia dekena amo umui lau veria mauri, bona umui emui vairana dekena amo idia lau lulua ore. Edia tano umui dekenai lau henia.

1 SAMUELA 10:18

Samuela ese Israela taudia ia hamaoroa, ia gwau, “Lohiabada, Israela ena Dirava be inai bamona ia hereva, ia gwau: Lau ese Israela besena Aigupito dekena amo lau hakaua mai. Aigupito taudia edia siahu dekena amo, bona umui idia hahisia besedia ibounai dekena amo, umui lau hamauria vadaeni.