NUMERA 10:21 - Buka Helaga (Hiri Motu) 1993

²¹ Vadaeni Kohata taudia ese kohu helagadia idia huaia. Kamepa matamata do idia ginidae lasi neganai, Palai Dubu be Levi taudia haida ese gabu matamata dekenai idia haginia lou guna vadaeni.

NUMERA 10:21 Iomraidhean Croise

1 SIVARAI 15:2

Bona Davida ia gwau, “Tau ta ese Dirava ena Taravatu Maua do ia huaia lasi, to Levi taudia sibona. Badina be Lohiabada ese Levi taudia ia abia hidi vadaeni, Lohiabada ena Taravatu Maua do idia huaia, bona iena hesiai gaukara do idia karaia ela bona nega ibounai.”

1 SIVARAI 23:24

Levi ena bese taudia be unai, edia iduhu ta ta dekenai. Idia be edia iduhu edia lohia taudia, bona idia ta ta, edia mauri lagani 20 idia hanaia vadaeni taudia be buka lalonai edia ladadia idia torea vadaeni, Lohiabada ena Dubu Helaga ena gaukara do idia karaia totona.

NUMERA 1:51

Palai Dubu be gabu ta dekenai do umui abia lao neganai, Levi taudia ese do idia atoa diho, bona gabu matamata dekenai umui ginidae neganai, Levi taudia ese do idia haginia lou. Bema idau iduhu tauna be Palai Dubu kahirakahira ia raka mai neganai, do umui alaia mase.

NUMERA 10:17

Vadaeni Palai Dubu idia kokia, bona Geresone bona Merari iduhu taudia ese idia huaia lao.

NUMERA 10:20

Gado iduhu tuari orea, edia gunalaia tauna be Eliasapa Reuele.

NUMERA 2:17

Idia edia murinai Levi taudia ese Palai Dubu do idia huaia lao, edia palai rumadia danu. Levi taudia be tuari taudia edia huanai momokani do idia raka lao. Orea ta ta idia raka lao gabudia be edia kamepa gabudia hegeregerena. Orea ta ta be edia pepe ta ta henunai.

NUMERA 4:20

To bema idia raka vareai kava, bona helaga gaudia do idia itaia, idia do koua lasi neganai, idia be do idia mase momokani.”

NUMERA 7:9

To Kohata iduhu taudia dekenai Mose ese gau ta ia henia lasi, badina be edia gaukara be idia ese idia naria gau helagadia, be edia pagana dekenai do idia huaia gaudia.