NUMERA 10:12 - Buka Helaga (Hiri Motu) 1993

¹² Israela taudia ese Sinai ena taunimanima noho lasi tano idia rakatania hamatamaia. Ori be ia lao, ela bona Parana ena taunimanima noho lasi tano dekenai ia ginidae.

NUMERA 10:12 Iomraidhean Croise

GENESE 14:6

Hori taudia danu, edia ororo, ladana Seiri dekenai ia halusidia, bona ia luludia ia lao bona El Parana, taunimanima noho lasi tano ena hetoa badinai.

GENESE 21:21

Iena sinana ese hahine ta Aigupito dekena amo ia abia, Isamaela ese ia adavaia.

1 KING TAUDIA 11:18

Idia be Midiana dekena amo idia toreisi, Parana dekenai idia ginidae. Vadaeni idia ese Parana taudia haida danu idia haboua, bona Aigupito dekenai idia lao. Aigupito ena king dekenai idia ginidae neganai, ia ese Hadada dekenai ruma ta, bona tano, bona aniani ia henia.

ESODO 13:20

Vadaeni idia laolao, Sukoto dekena amo idia raka lao, bona Etama, taunimanima idia noho lasi tano ena badibadinai idia kamepa.

HABAKUKU 3:3

Dirava ese Edoma dekena amo do ia giroa mai. Dirava Helagana be Parana Ororona, dekena amo ia mai noho. Iena goada ena hairaina ese guba ibounai ia koua noho. Ia ese ia karaia gaudia, bona taunimanima ibounai ese, Lohiabada ena ladana idia hanamoa noho.

NUMERA 1:1

Israela taudia ese Aigupito idia rakatania murinai lagani iharuana, ena hua iharuana, bona hua ena dina ginigunana dekenai Lohiabada ese Mose dekenai ia hereva, Sinai ena taunimanima noho lasi gabuna dekenai, Palai Dubu lalonai. Lohiabada ia gwau,

NUMERA 10:33

Unai neganai Sinai, Lohiabada ena ororo idia rakatania, bona dina toi idia raka lao. Lohiabada ena Taravatu Maua danu be dina toi lalonai idia edia vairana dekenai idia huaia lao, edia laga-ani gabuna ia tahua.

NUMERA 12:16

Unai murinai Israela taudia ese Haseroto idia rakatania, Parana tano, taunimanima idia noho lasi tanona dekenai idia kamepa lou.

NUMERA 13:26

Vadaeni unai Kanana tano ena sivarai idia hamaoroa, bona unai au huahua gaudia idia dekenai idia hedinaraia.

NUMERA 13:3

Vadaeni Mose ese Parana tano, taunimanima noho lasi gabuna dekena amo ia siaidia. Idia ibounai be Israela lohia taudia.

NUMERA 2:34

Israela taudia be unai bamona idia karaia. Lohiabada ese Mose ia oda henia hegeregerena, idia ese edia pepe ta ta edia henunai idia kamepa. Bona edia orea ta ta bona edia iduhu ta ta dekenai edia kamepa dekena amo idia raka lao.

NUMERA 9:1

Israela taudia ese Aigupito idia rakatania murinai, lagani iharuana ena hua ginigunana dekenai, Sinai tano, taunimanima noho lasi gabuna dekenai Lohiabada ese Mose dekenai ia hereva,

NUMERA 9:17

Bema ori ese Dubu dekena amo ia daekau neganai, Israela taudia be idia toreisi, edia kamepa idia rakatania, edia laolao ma idia raka lao lou. To ori ia diho mai lou gabuna dekenai, Israela taudia be unuseni idia kamepa lou.

NUMERA 9:5

Vadaeni hua ginigunana ena dina namba 14 adorahi neganai, Pasova aria idia karaia, Sinai tano kaukau dekenai. Israela taudia ese gau ibounai idia karaia, Lohiabada ese Mose ia oda henia hegeregerena.

DEUTERONOMI 1:1

Inai buka lalonai Mose ese Israela taudia ibounai ia haroro henidia. Ia haroro gabuna be taunimanima noho lasi tano, Ioridane Sinavai ena dina daekau kahana dekenai. Unai gabu be Araba, Supu kahirakahira. Kahana ta dekenai be Parana, ma kahana ta dekenai be Topele, Labana, Haseroto bona Disahaba.

DEUTERONOMI 1:19

Ma Mose ia gwau, “Vadaeni, Lohiabada, iseda Dirava ita ia oda hegeregerena, Sinai Ororo dekena amo ita raka mai, bona taunimanima idia noho lasi tano dikana bona mai garina danu ita hanaia, ela bona Amoro taudia edia tano, ororo kahana dekenai ita ginidae, gabu ena ladana Kadesi Baranea.

DEUTERONOMI 1:7

Harihari umui toreisi, umui laolao, Amoro taudia edia ororo kahadia dekenai umui lao, bona Amoro ia hagegea tanona ibounai. Ioridane Sinavai tanona ena tano palaka, ororo gabudia bona henuna gabudia, diho kahana ela bona kone kahana dekenai do umui lao. Kanana tanona dekenai do umui lao, bona Lebanona tanona do umui hanaia lao ela bona Euperate Sinavai.

DEUTERONOMI 33:2

Lohiabada be Sinai dekena amo ia mai. Edoma ena ataiai dekena amo, dina bamona ia toreisi. Parana Ororo dekena amo ia diaridiari. Mai ena aneru momo momo herea danu ia mai. Taravatu be lahi bamona, iena imana idibana dekenai.

1 SAMUELA 25:1

Unai neganai Samuela ia mase, bona Israela taudia ibounai idia haboua, bona ia totona idia taitai. Vadaeni iena noho gabuna dekenai idia guria, Rama hanua dekenai. Samuela ia mase murinai, Davida, mai ena orea taudia danu idia toreisi, Parana taunimanima noho lasi gabuna dekenai idia lao.