NUMERA 10:10 - Buka Helaga (Hiri Motu) 1993

¹⁰ “Emui moale dinadia neganai danu, emui hua matamatana guriguri aria, bona emui guriguri aria haida dekenai danu, umui ese kibi do umui hiriria. Emui gabua ore bouboudia bona maino karaia bouboudia umui henia neganai danu kibi do umui hiriria. Unai neganai lau ese umui do lau laloa bona durua. Lau be Lohiabada, emui Dirava.”

NUMERA 10:10 Iomraidhean Croise

2 KING TAUDIA 4:23

Iena tau ia gwau, “Badina dahaka hari dina oi lao, inai be hua matamata dinana o dina helagana ta lasi?” Hahine ese ia haere, ia gwau, “Vadaeni, ia namo, oi laloa lasi.”

1 SIVARAI 15:24

Hahelagaia taudia Sebanaia, Iosepata, Netanele, Amasai, Sekaraia, Benaia, bona Eliesere ese kibi do idia hiriria, Dirava ena Taravatu Maua ena vairana dekenai. Obeda Edoma bona Iehaia danu be Taravatu Maua gimaia gaukara do idia karaia.

1 SIVARAI 15:28

Unai bamona, Israela taudia ibounai ese Lohiabada ena Taravatu Maua idia abia mailaia, mai moale ena boiboi, bona mai kibi idauidau, bona botaia gaudia edia regena danu, bona gita badadia bona maragidia edia regena namona danu.

1 SIVARAI 16:42

Hemana bona Iedutunu be mai edia kibi bona mai edia botaia auri gaudia danu. Inai gaudia idia gadaralaia, edia Dirava hanamoa ane abia taudia durua totona. Iedutunu ena natuna tau be idia abia hidi, magu ena iduara do idia gimaia totona.

2 SIVARAI 29:26

Levi taudia be idia gini, edia imadia dekenai be Davida ena botaia auridia, bona gita danu. Hahelagaia taudia ese danu idia gini, mai edia kibi danu.

2 SIVARAI 29:28

Hebou taudia ibounai idia tomadiho, ane abia taudia ese ane idia abia, bona kibi hiriria taudia ese edia kibi idia hiriria. Unai bamona sibona idia karaia noho, ela bona gabua boubou gaudia idia gabua ore momokani vadaeni.

2 SIVARAI 7:6

Hahelagaia taudia be edia gaukara gabudia dekenai idia gini, bona Levi taudia danu, mai edia miusiki gadaralaia gaudia, Lohiabada ena, Davida sibona ese ia karaia gaudia. Vadaeni mai inai miusiki gaudia edia regena danu, bona mai ane danu idia ese Lohiabada idia hanamoa, idia gwau, “Iena lalokau do ia noho hanaihanai.” Inai ane be Davida ese ia hadibadia hegeregerena idia abia. Hahelagaia taudia ese edia kibi idia hiriria, bona Israela taudia ibounai idia gini noho.

ESERA 3:10

Ruma haginia taudia ese Dubu Helaga ena badina nadidia idia haginia hamatamaia neganai, hahelagaia taudia ese edia dabua helagadia idia karaia, idia gini, mai edia kibi edia imana dekenai. Levi taudia danu idia gini, Asapa ena iduhu taudia danu unuseni idia gini, mai edia botaia auridia danu. Idia ese Lohiabada idia hanamoa henia, king Davida, Israela ena king ena hadibaia hereva hegeregerena.

NEHEMIA 12:35

bona hahelagaia taudia ma haida, mai edia kibi danu. Idia be: Sekaraia, ia be Ionatana ena natuna, Ionatana be Semaia ena natuna, Semaia be Matanaia ena natuna, Matanaia be Mikaia ena natuna, Mikaia be Sakuru ena natuna, Sakuru be Asapa ena natuna.

SALAMO 150:3

Kibi ena regena dekena amo do umui hanamoa. Gita badadia bona maragidia dekena amo ia do umui hanamoa.

SALAMO 81:3

Hua matamata bona hua ia bada ena aria totona, kibi do umui hiriria.

SALAMO 81:4

Inai be Israela taudia edia taravatu, Iakobo ena Dirava ese ita dekenai ia henia.

SALAMO 89:15

Ane dekena amo oi idia tomadiho henia taudia, be mai edia moale momokani danu. Lohiabada e, idia be oiemu bogahisihisi ena diari lalonai idia mauri noho.

ESODO 28:29

“Arona be Helaga Herea Gabuna ia raka vareai neganai, inai kemena dabua, Israela ena iduhu edia ladana ia torea gauna, do ia kwatua. Vadaeni inai dekena amo lau Lohiabada ese egu bese do lau laloatao hanaihanai.

ESODO 30:16

Inai takisi moni Israela taudia dekena amo do oi gogoa, lauegu Palai Dubu do umui naria namonamo totona. Inai takisi moni be edia mauri naria totona ena davana, bona lau ese idia do lau laloa bona naria.”

ISAIA 27:13

Unai dina ia ginidae neganai, kibi badana ta do idia hiriria. Bona unai neganai, Asuria tano dekenai idia boio Israela taudia, bona Aigupito tano dekenai idia luludia lao Israela taudia, be Ierusalema dekenai do idia mai lou, Lohiabada do idia tomadiho henia, Ierusalema ena ororo helagana dekenai.

LEVITIKO 23:24

“Israela taudia do oi hamaoroa, oi gwau: Hua namba 7 ena dina ginigunana be laga-ani dinana helagana ta umui dekenai. Inai dina be laloatao dinana, bona umui ese kibi do umui hiriria, unai dina ena hebou helagana dekenai do umui haboua mai totona.

NUMERA 10:9

Bema umui dekenai idia tuari henia taudia ese emui tano dekenai umui idia hadikaia, bona umui idia tuari henia neganai, kibi do umui hiriria kwadogi, to mai regena bada. Unai neganai lau, Lohiabada, emui Dirava, ese umui do lau laloa, bona umui do lau hamauria, umui idia hadikaia taudia dekena amo.

NUMERA 28:11

“Hua matamata dinadia dekenai gabua ore boubouna be Lohiabada dekenai do umui henia inai bamona: Boromakau natudia tau rua, mamoe tau ta, bona mamoe natudia tau 7, lagani tamona gaudia, namodia momokani, bero o toto lasi.

NUMERA 29:1

Dirava ena hadibaia hereva be Mose ese Israela taudia dekenai ma ia hamaoroa, ia gwau, “Hua namba 7 ena dina ginigunana dekenai, umui ese Lohiabada tomadiho henia totona do umui haboua, bona gaukara ta do umui karaia lasi. Unai dina dekenai kibi do umui hiriria.

MATAIO 11:28

“Tauanina manokamanoka bona gaukara metau taudia ibounai, lau dekenai umui mai, lau ese laga-ani do lau henia umui dekenai.

APOSETOLO EDIA KARA 10:4

Korenelio ese aneru ia itaia mai gari bada danu, ia gwau, “Lohiabada e, dahaka?” Aneru ia itaia noho, ia gwau, “Oiemu guriguri bona oiemu harihari gaudia be Dirava dekenai idia daekau vadaeni, bona Dirava ese danu oi ia laloa noho.

1 KORINTO 15:52

Inai be karaharaga momokani do ia vara, matana hakapua haraga ena nega bamona, dokona kibina do idia hiriria neganai. Oibe, kibi do idia hiriria, vadaeni mase taudia do idia toreisi lou, bona do idia mase lou diba lasi. Bona ita ibounai Dirava ese do ia senisia, do ita idau.

1 TESALONIKA 4:16

Lasi, to mai goada danu Lohiabada do ia boiboi, bona aneru badana ese do ia boiboi, Dirava ena kibi regena danu. Bona unai neganai, Lohiabada be guba dekena amo do ia diho mai. Vadaeni Iesu idia abidadama henia noho neganai idia mase vadaeni taudia be do idia toreisi lou guna.

1 TESALONIKA 4:18

Unai dainai, inai hereva dekena amo, umui ta ta dekenai goada do umui henia.

IOSUA 4:7

Unai neganai idia do umui hadibaia, umui gwau, ‘Ioridane Sinavai ena ranu be Lohiabada ena Taravatu Maua ena vairana dekenai ia siri. Taravatu Maua idia huaia hanaia neganai, ranu be kahana ta ia siri momokani. Inai nadi be Israela taudia edia laloatao toana, idia itadia neganai, iniseni idia vara gaudia do idia laloa lou.’ ”

IOSUA 6:4

Hahelagaia taudia 7 ese, nani tau doadia dekena amo idia karaia kibi 7 do idia abia, Taravatu Maua ena vairanai do idia raka. Dina namba 7 dekenai, hanua do umui raka hagegea nega 7, bona hahelagaia taudia ese kibi do idia hiriria.

APOKALUPO 22:17

Lauma Helaga bona Headava Matamata Hahine idia gwau, “Oi mai.” Bona inai hereva idia kamonai taudia danu, namona be idia gwau, “Oi mai.” Ranu mase taudia, umui mai. Bona ranu umui ura henia taudia, mauri ranuna do umui abia dae, ia be davana lasi.

1 SAMUELA 20:5

Vadaeni Davida ese Ionatana ia hamaoroa, ia gwau, “Kamonai, kerukeru be hua matamatana, bona lau be king danu iena aniani patana dekenai do lau helai. To mani lau ura lau lao, hanua ena murimurinai, hunia dekenai do lau noho ela bona adorahi neganai, dina toi murinai.