NUMERA 1:53 - Buka Helaga (Hiri Motu) 1993

⁵³ “To Levi taudia ese edia palai rumadia be Palai Dubu kahirakahira do idia haginia hagegea, Palai Dubu do idia gimaia totona. Badina be bema tau ta be egu Palai Dubu kahirakahira do ia raka, egu badu ese Israela taudia do ia hadikaia diba.”

NUMERA 1:53 Iomraidhean Croise

1 SIVARAI 23:32

Unai dainai Levi taudia ese Palai Dubu bona Helaga Gabuna naria gaukara do idia karaia noho, bona edia tadikakadia Arona ena bese taudia edia henunai, hesiai gaukara do idia karaia, Lohiabada ena Dubu Helaga lalonai.

2 SIVARAI 13:10

“To aiemai Dirava be Lohiabada, ai ese ai rakatania lasi. Ai be mai aiemai hahelagaia taudia, bona idia ese Lohiabada ena hesiai gaukara idia karaia noho. Idia be Arona ena bese taudia, bona Levi taudia ese idia durudia noho.

2 SIVARAI 13:11

Daba ibounai bona adorahi ibounai idia ese gabua bouboudia, bona mai bonana namo muramura, Lohiabada dekenai idia henia noho. Paraoa helagana be pata helagana ena latanai idia atoa, bona adorahi ibounai idia ese lamepa idia gabua noho, lamepa namona, golo gauna, ena latanai. Ai ese Lohiabada, aiemai Dirava ena hereva ai badinaia noho, to umui ese Lohiabada umui rakatania vadaeni.

IEREMIA 23:15

Unai dainai, lau, Siahu Ibounai Lohiabada ese, Ierusalema ena peroveta taudia lau herevalaia inai: ‘Lau ese mamina dika avadia do lau henidia, do idia ania, bona poisini do lau henidia, do idia inua, badina be Dirava negea kara, be idia ese idia habadaia inai tano ibounai dekenai.’ ”

IEREMIA 5:31

Peroveta taudia be idia peroveta koikoi noho, bona hahelagaia taudia ese, sibodia edia laloa hegeregerena taunimanima idia naria noho, bona egu bese taudia be inai bamona dala idia ura henia noho. To nega ena dokona do ia ginidae neganai, dahaka do umui karaia?”

LEVITIKO 10:6

Mose ese Arona, mai ena natuna tau Eleasara bona Itamara danu ia hamaoroa, ia gwau, “Emui huina do umui naria, do umui duaria bona kwatua namonamo. Bema inai mase taudia dainai emui lalona idia hisihisi neganai, emui dabua do umui darea lasi. Bema unai bamona umui karaia neganai do umui mase, bona Lohiabada be Israela taudia ibounai dekenai do ia badu. To emui bese, Israela taudia ese inai mase taudia, Lohiabada ena lahi ese ia alaia taudia, totona idia taitai diba.

NUMERA 1:50

“Levi taudia do oi abia hidi, idia ese lau noho ena toana, Palai Dubu, mai ena kohu ibounai do idia naria. Idia ese Palai Dubu mai ena kohu ibounai do idia huaia, bona idia sibona ese Dubu lalonai do idia gaukara, bona idia kamepa neganai, Palai Dubu, be edia palai ruma dekena amo do idia hagegea.

NUMERA 1:54

Israela taudia ese unai bamona idia karaia, Lohiabada ese Mose dekenai ia hadibaia hegeregerena.

NUMERA 16:46

Unai neganai Mose ese Arona ia hamaoroa, ia gwau, “Oiemu auri kapusi do oi abia, boubou patana ena lahi gida do oi udaia, bonana namo muramura be gida edia latanai do oi atoa, bona karaharaga taunimanima dekenai oi lao, edia kara dika ena davana do oi karaia. Badina be Lohiabada ena badu be taunimanima edia huanai ia ginidae vadaeni, bona hanaia gorere dikana ese idia dekenai ia vara vadaeni.”

NUMERA 16:9

Israela ena Dirava ese umui ia abia hidi vadaeni, Israela taudia edia huana dekena amo, Lohiabada kahirakahira do umui raka, bona Lohiabada ena Palai Dubu gaukara do umui karaia. Bona Israela taudia edia vairanai do umui gini, idia edia hesiai gaukara do umui karaia totona.

NUMERA 17:7

Vadaeni Mose ese itotohi ibounai Lohiabada ena vairanai ia atodia, Palai Dubu lalonai.

NUMERA 2:17

Idia edia murinai Levi taudia ese Palai Dubu do idia huaia lao, edia palai rumadia danu. Levi taudia be tuari taudia edia huanai momokani do idia raka lao. Orea ta ta idia raka lao gabudia be edia kamepa gabudia hegeregerena. Orea ta ta be edia pepe ta ta henunai.

NUMERA 3:23

Inai Geresone iduhu edia kamepa gabuna be dina ia diho kahanai, Palai Dubu ena murinai.

NUMERA 3:29

Inai Kohata iduhu edia kamepa gabuna be Palai Dubu ena diho kahanai.

NUMERA 3:35

Inai Merari iduhu ena kamepa gabuna be Palai Dubu ena mirigini kahanai, bona inai iduhu ena lohia tauna be Suriele Abihaili.

NUMERA 3:38

Mose bona Arona mai iena natuna tau be Palai Dubu ena dina daekau kahana dekenai, Palai Dubu ena vairanai idia kamepa. Idia ese Helaga Gabuna ena gaukara helagana do idia karaia Israela taudia ibounai dainai. Mose bona Arona edia bese lasi tauna ese inai gaukara helagana do ia karaia toho neganai, unai tau be Israela taudia ese do idia alaia mase.

NUMERA 31:30

“To hanua dekenai noho taudia edia kahana dekena amo, kahana 50, bona 50 dekena amo kahana ta ta do umui abia siri, Lohiabada ena, taunimanima, bona boromakau, doniki, bona mamoe. Vadaeni Levi taudia, Lohiabada ena Palai Dubu idia naria taudia dekenai do umui henia.”

NUMERA 31:47

Bona inai edia kahana ta ta dekena amo Mose ese 50, bona 50 dekena amo kahana ta ta ia abia siri, taunimanima bona ubua gaudia, bona Levi taudia, Lohiabada ena Palai Dubu idia naria taudia dekenai ia henidia, Lohiabada ese Mose ia hadibaia hegeregerena.

NUMERA 8:19

Bona Arona mai iena natuna tau dekenai Levi taudia lau henia vadaeni, idia be Israela taudia edia harihari gaudia, Palai Dubu lalonai do idia gaukara totona. Bona Palai Dubu lalonai do idia gaukara noho dainai, Israela taudia ese dika do idia davaria lasi Palai Dubu kahirakahira do idia lao neganai.”

2 TIMOTEO 4:2

Sivarai Namona do oi harorolaia goadagoada, nega namodia neganai, bona nega dikadia neganai danu. Taunimanima do oi sisiba henia, bona oiemu hereva dekena amo edia kudouna do oi pidia, ela bona edia lalona idia giroa. Taunimanima edia lalona do oi hagoadaia, bona idia do oi hadibaia, mai oiemu haheauka danu.

1 SAMUELA 6:19

Lohiabada ese Bete Semese taudia ibounai 70 ia alaia mase, badina be Taravatu Maua ena lalona be matana dekenai idia itaia dainai. Bona hanua taudia idia taitai, badina be Lohiabada ese unai ala-ala badana be idia edia huanai ia karaia dainai.