NUMERA 1:1 - Buka Helaga (Hiri Motu) 1993

¹ Israela taudia ese Aigupito idia rakatania murinai lagani iharuana, ena hua iharuana, bona hua ena dina ginigunana dekenai Lohiabada ese Mose dekenai ia hereva, Sinai ena taunimanima noho lasi gabuna dekenai, Palai Dubu lalonai. Lohiabada ia gwau,

NUMERA 1:1 Iomraidhean Croise

1 KING TAUDIA 6:1

Israela taudia be Aigupito tano dekena amo idia raka siri murinai lagani 480 idia lao vadaeni, be Solomona ese Dubu Helaga ia haginia hamatamaia. Unai be Solomona ese king dagi ia karaia vadaeni lagani 4 neganai, bona hua ena ladana Sivi lalonai.

ESODO 19:1

Aigupito idia rakatania murinai hua rua idia ore, hua toi ena dina ginigunana dekenai, Israela taudia be taunimanima idia noho lasi gabuna, Sinai tano dekenai idia ginidae.

ESODO 19:2

Unai gabu Repidima idia rakatania murinai, Sinai tano, dekenai idia raka vareai, bona unuseni Israela taudia idia kamepa, Sinai Ororo ena vairana dekenai.

ESODO 25:22

Unuseni, Maua ena koua gauna, kara dika gwauatao gabuna ena ataiai, kerubi aneru edia huanai, lau ese unai gabu dekenai oi danu do ita hedavari, bona oi dekenai lauegu Taravatu do lau hadibaia. Bona oi ese inai Taravatu ibounai Israela taudia dekenai do oi henia.

ESODO 40:17

Lagani iharuana, hua ginigunana, dina ginigunana, Aigupito idia raka-tania murinai be Palai Dubu, Lohia-bada ia noho gabuna ena toana, idia haginia.

ESODO 40:2

“Kamonai, hua ginigunana ena dina ginigunana dekenai Palai Dubu, Lohiabada ia noho ena toana, do umui haginia.

LEVITIKO 1:1

Palai Dubu, Lohiabada ia noho ena toana dekena amo Lohiabada ese Mose ia hereva henia, ia gwau,

LEVITIKO 27:34

Inai taravatu be Lohiabada ese Mose dekenai ia henia, Sinai Ororo dekenai, Israela taudia totona.

NUMERA 1:18

bona hua iharuana ena dina ginigunana dekenai idia ese Israela oreana ibounai idia haboua. Unai neganai taunimanima ibounai edia ladana, edia iduhu bona edia bese ladana idia torea. Tatau ibounai, edia mauri lagani be 20 idia hanaia taudia edia ladana idia torea, bona idia duahia,

NUMERA 12:4

To karaharaga Lohiabada ese Mose bona Arona bona Miriama dekenai ia hereva henia, ia gwau, “Umui toiosi umui raka mai, Palai Dubu dekenai umui mai.” Vadaeni toiosi idia lao.

NUMERA 9:1

Israela taudia ese Aigupito idia rakatania murinai, lagani iharuana ena hua ginigunana dekenai, Sinai tano, taunimanima noho lasi gabuna dekenai Lohiabada ese Mose dekenai ia hereva,

DEUTERONOMI 1:3

To Israela taudia Aigupito idia rakatania murinai, lagani 40 idia lao ore vadaeni. Bona unai lagani 40 ena hua 11 ena dina ginigunana neganai, Mose ese Israela taudia dekenai ia haroro, Lohiabada ese ia henia oda ibounai idia dekenai ia hadibaia.

DEUTERONOMI 2:14

Kadesi Baranea ita rakatania ela bona Serede Sinavai ita hanaia, be lagani ibounai 38. Unai lagani 38 edia lalonai unai uru ena Israela tuari taudia ibounai idia mase ore, Lohiabada ese ia hereva hegeregerena.

DEUTERONOMI 2:7

“Badina be Lohiabada emui Dirava ese umui ia hanamoa vadaeni. Unai dainai emui gaukara ibounai ena anina ia vara namonamo. Bona Lohiabada ese inai taunimanima noho lasi tanona umui loaloa lalonai ia ese umui ia naria namonamo vadaeni. Io, inai lagani 40 lalonai Lohiabada emui Dirava ese umui ia naria vadaeni, emui aniani bona gau ibounai ia henia.