NEHEMIA 9:6 - Buka Helaga (Hiri Motu) 1993

⁶ Vadaeni Esera ese inai guriguri ia gwauraia: “Oi be Lohiabada, oi sibona be Lohiabada. Oi ese guba oi karaia. Oi ese guba ena hisiu ibounai oi karaia. Oi ese tanobada, bona tanobada lalonai gaudia ibounai oi karaia. Oi ese gau ibounai dekenai mauri oi henia noho. Guba dekenai idia noho aneru ese oi dekenai idia tomadiho noho.

NEHEMIA 9:6 Iomraidhean Croise

GENESE 1:1

Matamaia neganai Dirava ese guba bona tanobada ia karaia.

GENESE 1:9

Ma Dirava ia gwau, “Guba henunai ia noho ranu be gabu tamona dekenai ia haboua be namo, bona tano kaukau do ia hedinarai.” Vadaeni unai bamona ia vara.

GENESE 2:1

Vadaeni, guba bona tanobada mai edia anina ibounai be Dirava ese ia karaia haorea.

GENESE 32:2

Iakobo ese ia itadia, vadaeni ia gwau, “Inai be Dirava ena tuari orea.” Unai dainai unai gabu ena ladana ia atoa, “Tuari orea rua.”

1 KING TAUDIA 22:19

Mikaia ma ia gwau, “Harihari Lohiabada ena hereva umui kamonai: Lohiabada be iena terona dekenai ia helai lau itaia, bona guba ena aneru ibounai iena badinai idia gini noho, idiba kahanai bona lauri kahanai danu.

1 KING TAUDIA 8:27

“To Dirava be momokani tanobada dekenai ia noho diba, a? Guba, bona guba ena ataiai momokani be hegeregere lasi oiemu noho gabuna. Unai dainai inai dubu, lau ese lau haginia gauna be maragi, edena bamona do oi noholaia diba?

2 KING TAUDIA 19:15

Vadaeni Hesekaia be Lohiabada dekenai ia guriguri, ia gwau, “Lohia-bada e, Israela ena Dirava, oi be kerubi edia ataiai terona dekenai oi helai noho, oi sibona be tanobada ena basileia ibounai edia Dirava, oi ese guba bona tanobada oi karaia vadaeni.

2 KING TAUDIA 19:19

Unai dainai, Lohiabada, aiemai Dirava e, oi dekenai lau noinoi, Senakeriba ena siahu dekena amo ai do oi hamauria. Vadaeni tanobada basileia ibounai be do idia diba, oi Lohiabada e, oi sibona be Dirava momokani.”

NEHEMIA 9:5

Vadaeni Levi taudia, Iesua bona Kademiele bona Bani bona Hasabaneia bona Serebaia bona Hodaia bona Sebanaia bona Petahaia ese Israela idia boiria hebou, idia gwau, “Umui gini, Lohiabada emui Dirava do umui hanamoa. Ia do umui hanamoa ela bona hanaihanai! Dirava ena ladana namo herea do umui hanamoa. Taunimanima edia hanamoa be hegeregere lasi Dirava do idia hanamoa!”

SALAMO 102:25

Oi ese gunaguna tanobada oi karaia, bona oiemu imana dekena amo guba danu oi karaia.

SALAMO 103:21

Lohiabada ena hesiai taudia, guba dekenai umui noho, bona Lohiabada ena ura umui karaia noho. Umui ese Lohiabada ena ladana do umui abia isi.

SALAMO 115:15

Lohiabada ese guba bona tanobada ia karaia vadaeni. Lau ura ia ese umui do ia hanamoa.

SALAMO 124:8

Lohiabada ese ita ia durua noho. Ia ese guba bona tanobada ia karaia.

SALAMO 146:6

Lohiabada ese guba bona tanobada bona davara, bona idia lalonai gaudia ibounai ia karaia. Lohiabada ena abidadama kara bona ena momokani kara, be do ia karaia noho hanaihanai.

SALAMO 24:10

Inai King Badana be daika? Siahu Ibounai Lohiabada, ia be King Badana momokani.

SALAMO 33:6

Lohiabada ese iena hereva dekena amo guba ia karaia. Dina, hua bona hisiu, be iena uduna ena hereva dekena amo ia karaia.

SALAMO 36:6

Oiemu kara maoromaoro be ataiai momokani, Dirava ena ororo edia ataiai bamona, bona oiemu kota ena maoromaoro, be davara bada ena dobu bamona. Lohiabada e, taunimanima bona mauri gaudia danu, be oi ese oi naria noho.

SALAMO 86:10

badina oi be bada, bona oi ese hoa karadia oi karaia noho. Oi sibona be Dirava.

ISAIA 37:16

“Siahu Ibounai Lohiabada e, Israela ena Dirava, oi be kerubi ataiai terona dekenai oi helai noho, oi sibona be tanobada ena basileia ibounai edia Dirava, oi ese guba bona tanobada oi karaia vadaeni.

ISAIA 37:20

Unai dainai, Lohiabada, aiemai Dirava e, oi dekenai lau noinoi, Senakeriba ena siahu dekena amo ai do oi hamauria. Vadaeni tanobada basileia ibounai be do idia diba, oi Lohiabada e, oi sibona be Dirava momokani.”

ISAIA 43:10

Israela taudia e, umui be lauegu hereva hamomokania taudia. Lau ese umui lau abia hidi, egu hesiai gaukara do umui karaia totona, bona lau do umui diba, bona lau do umui abidadama henia totona. Bona do umui diba, lau sibona be Dirava, badina be dirava ta lasi ese lau ia gunalaia, bona lauegu murinai danu, dirava ta do ia hedinaraia lasi.

ISAIA 44:6

Lohiabada, Israela ia biagua bona hamauria Diravana, Siahu Ibounai Lohiabada, be inai bamona ia hereva, ia gwau, “Lau be ginigunana bona lau be dokona danu, lau be Dirava tamona, dirava ta be lasi, lau sibona.

ISAIA 44:8

Lauegu bese taudia e, do umui gari lasi! Umui diba nega gunaguna ia mai bona hari, lau ese dahaka do idia vara karadia, be lau gwauraia guna vadaeni, bona umui be lauegu hereva hamomokania taudia. Dirava idauna ta ia noho, a? Lasi momokani, Nadi Badana ma ta ia noho lasi, ta lau diba lasi momokani.”

ISAIA 45:12

Lau ese tanobada lau karaia, bona taunimanima be lau ese lau havaraia tanobada latanai. Lauegu siahu dekena amo guba lau karaia. Lau ese dina, hua, bona hisiu lau naria noho.

IEREMIA 32:17

“Lohiabada Dirava e, oi ese guba bona tanobada be oiemu siahu badana bona oiemu goada herea dekena amo oi karaia. Gau ta ia auka lasi oi dekenai.

ESEKIELA 20:11

Egu taravatu idia dekenai lau henia, bona egu oda idia dekenai lau hadibaia, badina unai oda ia kamonai henia tauna be do ia mauri.

IONA 1:9

Iona ia haere, ia gwau, “Lau be Heberu tauna. Lau ese Lohiabada, guba ena Dirava lau tomadiho henia noho. Ia ese tano bona davara ia karaia.”

IOANE 10:30

Lau bona egu Tamana, ai be tamona.”

APOSETOLO EDIA KARA 4:24

Idia kamonai vadaeni, bona mai laloa tamona danu idia ibounai idia guriguri goada Dirava dekenai, idia gwau, “Lohiabada e, oi ese guba bona tanobada bona davara bona idia lalonai noho gaudia ibounai oi karaia.

DEUTERONOMI 10:14

“Lohiabada emui Dirava be guba ena biaguna, bona ia be guba ena ataiai gubudia ena lohiana danu. Tanobada be iena, bona tanobada ena anina ibounai danu be iena.

DEUTERONOMI 32:39

“Harihari umui itaia, lau Dirava inai. Dirava ta be lasi, lau sibona. Lau ese taunimanima lau alaia noho, bona taunimanima lau hamauria noho. Lau ese lau haberoa noho, bona lau ese bero lau hanamoa noho. Bona lauegu kara be tau ta ese ia koua diba lasi.

DEUTERONOMI 6:4

“Israela taudia e, umui kamonai! Lohiabada be iseda Dirava, Lohiabada sibona mo.

HEBERU 1:3

Inai Natuna be Dirava ena hairaina ena diari, bona iena toana be Dirava ena toana hegeregerena momokani. Iena hereva be mai siahu bada danu. Inai siahu dekena amo, ia ese tanobada bona guba ibounai ia naria, bona ia haheaua noho. Ia ese taunimanima edia kara dika ia huria ore, vadaeni Dirava, Siahu Momokani Diravana ena idiba kahanai ia helai diho, guba dekenai.

HEBERU 1:6

To Dirava ese iena Natuna vara guna be tanobada dekenai ia mailaia neganai, ia gwau: “Dirava ena aneru ibounai, be lauegu Natuna dekenai do idia tomadiho.”

APOKALUPO 14:7

Ia boiboi goadagoada, ia gwau, “Dirava do umui gari henia, ia do umui hanamoa bada, badina be Dirava ese taunimanima ibounai do ia kota henia ena nega ia ginidae vadaeni. Guba bona tanobada, bona davara, bona ranu guridia ibounai ia karaia Diravana do umui tomadiho henia.”

APOKALUPO 4:11

“Aiemai Lohiabada, aiemai Dirava e, oi be hegeregere momokani vadaeni, taunimanima ibounai ese hairai bona mataurai, be oi dekenai do idia henia, bona oiemu siahu henunai do idia noho. Badina gau ibounai be oi ese oi havaraia. Oiemu ura dainai oi karadia, bona oiemu ura dainai idia noho.”