NEHEMIA 9:5 - Buka Helaga (Hiri Motu) 1993

⁵ Vadaeni Levi taudia, Iesua bona Kademiele bona Bani bona Hasabaneia bona Serebaia bona Hodaia bona Sebanaia bona Petahaia ese Israela idia boiria hebou, idia gwau, “Umui gini, Lohiabada emui Dirava do umui hanamoa. Ia do umui hanamoa ela bona hanaihanai! Dirava ena ladana namo herea do umui hanamoa. Taunimanima edia hanamoa be hegeregere lasi Dirava do idia hanamoa!”

NEHEMIA 9:5 Iomraidhean Croise

1 KING TAUDIA 8:14

Vadaeni Israela taudia idia do gini noho neganai, king Solomona be ia giroa, bona hebou taudia ibounai ia hanamoa.

1 KING TAUDIA 8:15

Unai neganai ia gwau, “Lohiabada, Israela ena Dirava do ita hanamoa. Ia ese lauegu tamana Davida ena gwauhamata ia badinaia vadaeni, Lohiabada ia gwau,

1 KING TAUDIA 8:22

Vadaeni Solomona be Lohiabada ena boubou patana ena vairanai ia gini, Israela taudia ibounai edia vairanai. Iena imana ruaosi ia abia isi,

1 KING TAUDIA 8:27

“To Dirava be momokani tanobada dekenai ia noho diba, a? Guba, bona guba ena ataiai momokani be hegeregere lasi oiemu noho gabuna. Unai dainai inai dubu, lau ese lau haginia gauna be maragi, edena bamona do oi noholaia diba?

1 SIVARAI 16:36

Lohiabada, Israela ena Dirava, do ita hanamoa bada noho, hari ia lao bona nega hanaihanai. Vadaeni taunimanima ibounai idia gwau, “Amen,” bona, “Lohiabada ita hanamoa inai!”

1 SIVARAI 29:11

Lohiabada e, goada bona siahu bona hairai bona kwalimu, bona King ena toana be oiemu. Guba bona tanobada dekenai idia noho gaudia ibounai be oiemu. Oi be King momokani, basileia ibounai be oi ese oi biagua noho.

1 SIVARAI 29:13

Aiemai Dirava, harihari ai ese oi dekenai ai tanikiu henia, bona oiemu ladana namo herea momokani ai hanamoa noho.”

1 SIVARAI 29:20

Vadaeni Davida ese hebou taudia ibounai ia oda henia, ia gwau, “Lohiabada, emui Dirava, do umui hanamoa.” Vadaeni hebou taudia ibounai ese Lohiabada, edia sene taudia edia Dirava idia hanamoa, edia kwaradia tano dekenai idia atoa diho, Lohiabada idia tomadiho henia. King ena vairanai danu idia tomadiho.

2 SIVARAI 20:13

Iuda taudia ibounai be unuseni, Lohiabada ena vairanai idia gini, mai edia natudia maragidia, bona edia adavadia bona natudia danu.

2 SIVARAI 20:19

Vadaeni Levi taudia haida, Kohata taudia bona Kora taudia, be idia toreisi, Lohiabada, Israela ena Dirava, idia hanamoa bada, mai boiboi bada danu.

ESERA 3:11

Bona ane idia abia hebou, idia gwau, “Lohiabada be ia namo bada, bona iena lalokau Israela dekenai be ia noho hanaihanai.” Idia ibounai ese Lohiabada idia hanamoa henia, mai gado bada, bona mai boiboi bada danu, badina be Dubu Helaga ena badina nadidia idia haginia hamatamaia vadaeni dainai.

NEHEMIA 9:4

Levi taudia be mai edia pata ta, edia gini gabuna. Pata ena latanai Iesua, Bani, Kademiele, Sebanaia, Buni, Serebaia, Bani bona Kenani idia gini. Idia ese Lohiabada, edia Dirava dekenai idia guriguri, mai boiboi bada danu.

NEHEMIA 9:6

Vadaeni Esera ese inai guriguri ia gwauraia: “Oi be Lohiabada, oi sibona be Lohiabada. Oi ese guba oi karaia. Oi ese guba ena hisiu ibounai oi karaia. Oi ese tanobada, bona tanobada lalonai gaudia ibounai oi karaia. Oi ese gau ibounai dekenai mauri oi henia noho. Guba dekenai idia noho aneru ese oi dekenai idia tomadiho noho.

IOBU 1:21

Bona ia gwau, “Lau be imana kavakava egu sinana ena bogana dekena amo lau vara, bona imana kavakava danu do lau mase. Lohiabada ese lau dekenai gau momo ia henia, bona hari Lohiabada ese unai gaudia ia abia lao. Lohiabada ena ladana lau hanamoa inai!”

SALAMO 106:2

Daika ese Lohiabada ena siahu karadia ia herevalaia diba? Daika ese Lohiabada do ia hanamoa haorea momokani diba?

SALAMO 134:1

Umui Lohiabada ena hesiai gaukara karaia noho taudia ibounai e, umui mai, Lohiabada do umui hanamoa. Umui be hanuaboi neganai iena Dubu Helaga lalonai umui gini noho.

SALAMO 145:2

Dina ibounai lau ese oi do lau tanikiu henia, ma oi do lau hanamoa ela bona hanaihanai.

SALAMO 145:5

Idia ese oiemu hairaina bona oiemu King siahuna, do idia herevalaia, bona lau ese oiemu hoa karadia do lau laloa noho.

SALAMO 146:2

Egu mauri dinadia ibounai lalonai, lau ese Lohiabada do lau hanamoa. Ane dekenai, Lohiabada do lau hanamoa egu mauri dinadia ibounai lalonai.

SALAMO 16:2

Oi Lohiabada dekenai lau hereva, lau gwau, “Oi be lauegu Lohiabada. Lau dekenai idia noho gau namodia ibounai, be oi dekena amo idia mai.”

SALAMO 66:2

Iena ladana hanamoa totona ane do umui abia, ia dekenai hairai bona hanamoa do umui henia.

SALAMO 99:3

Taunimanima ibounai ese, Lohiabada ena ladana badana bona mai garina, be do idia hanamoa. Lohiabada be helaga!

ESODO 15:11

Lohiabada e, dirava ibounai edia huanai, oi bamona ta be daika? Oi hegeregere be daika? Helaga dekenai oi be herea momokani. Daika be oi bamona? Hoa karadia oi karaia, bona kara badadia mai gari danu oi karaia noho.

ESODO 15:6

Lohiabada e, oiemu imana idiba kahana, ena siahu be namo herea momokani. Lohiabada e, oiemu imana idiba kahana ese, ai dekenai idia tuari henia taudia ia alaia mase vadaeni.

DANIELA 2:20

“Dirava ena ladana do idia hanamoa ela bona hanaihanai. Ia be mai ena aonega bona mai ena goada.

MATAIO 11:25

Unai neganai Iesu ia gwau, “Egu Tamana e, guba bona tanobada ena Lohia, lau hanamoa oi, badina be inai gaudia aonega taudia bona diba momo taudia dekena amo oi hunia vadaeni, to natudia matamata dekenai oi hedinaraia vadaeni.

2 KORINTO 4:6

Guna neganai Dirava ia hereva, ia gwau, “Dibura dekena amo diari do ia hedinarai.” Unai Dirava danu ese aiemai lalona dekenai iena diari ia atoa, ai do ia hadiaria totona. Inai diari be inai bamona: Ai diba momokani Dirava ena hairai diarina be Keriso ena vairana dekenai ia hedinarai noho.

DEUTERONOMI 28:58

“Bema inai buka lalonai idia torea taravatu ibounai do umui kamonai henia lasi, bona edia kara umui karaia lasi, bona bema Lohiabada, emui Dirava ena ladana mai hairaina, bona mai garina umui matauraia lasi neganai,

1 PETERO 1:3

Dirava, iseda Lohiabada Iesu Keriso ena Tamana do ita hanamoa bada. Iena bogahisihisi ia bada herea. Ia ese Iesu Keriso mase dekena amo ia hatorea isi lou. Bona unai dainai ita be matamata vadaeni, ita vara lou. Vadaeni mauri korikori ena ura namona laloa ese iseda lalona ia hahonua.

GUNALAIA TAUDIA 13:18

Lohiabada ena aneru ia gwau, “Badina dahaka lauegu ladana umui ura diba? Ia be hoa gauna ta.”