NEHEMIA 9:34 - Buka Helaga (Hiri Motu) 1993

³⁴ Aiemai king, bona aiemai lohia, bona aiemai hahelagaia taudia, bona aiemai tamadia ese oiemu Taravatu idia badinaia lasi. Oiemu oda bona oiemu sisiba hereva, idia dekenai oi henia gaudia idia laloa lasi.

NEHEMIA 9:34 Iomraidhean Croise

2 KING TAUDIA 17:13

Lohiabada ese Israela bona Iuda be iena peroveta taudia bona mata hanai taudia ibounai edia hereva dekena amo ia sisiba henia, ia gwau, “Emui dala dikadia dekena amo do umui raka siri, bona egu Taravatu bona egu oda ibounai do umui kamonai henia. Inai Taravatu be lau ese emui sene taudia dekenai lau henia, bona egu hesiai taudia, peroveta taudia dekena amo inai taravatu ibounai umui dekenai lau hedinaraia.”

2 KING TAUDIA 17:15

Idia ese Lohiabada ena oda bona iena gwauhamata taravatuna, edia sene taudia danu ia karaia gwauhamata taravatuna idia negea, bona Lohiabada ena sisiba hereva idia kamonai henia lasi. Idia ese dirava koikoidia, anina lasi gaudia idia tomadiho henia, bona idia sibona be anina lasi taudia hegeregere idia lao. Idia ese idia kahirakahira idia noho besedia edia kara idia karaia. To Lohiabada ese unai bamona kara ia taravatua guna, ia gwau, “Unai idau bese edia kara do umui karaia lasi.”

2 SIVARAI 29:6

Badina be iseda tamadia ese Lohiabada kamonai henia kara idia negea. Idia ese Lohiabada, iseda Dirava, ena vairanai idia kara dika, idia ese Lohiabada idia rakatania, bona edia vairadia be Lohiabada ena noho gabuna dekena amo idia giroa siri, Dubu Helaga matauraia kara idia rakatania unai.

ESERA 9:10

“To harihari, aiemai Dirava e, inai kara idia vara murinai, edena bamona oi dekenai do ai hereva diba? Badina be oiemu oda be ai negea lou vadaeni.

NEHEMIA 9:30

Lagani momo lalonai oi ese mai haheauka danu sisiba oi henidia. Oiemu Lauma dekena amo idia oi sisiba henia, peroveta taudia edia uduna hereva dekena amo, to idia ura lasi kamonai. Unai dainai oi ese idau bese taudia edia siahu henunai oi atodia.

NEHEMIA 9:33

Oi be kara maoromaoro Diravana. Oi ese ai oi matakani henia neganai, oi be maoromaoro momokani, badina oi be oi kara momokani, to ai be ai kara dika.

NEHEMIA 9:35

Oi ese oi durudia dainai, king taudia ese oiemu bese idia gunalaia. Idia be oi ese oi henidia tano badana, bona tano namona lalonai idia noho, to idia ese edia kara dika idia rakatania lasi, bona oiemu hesiai gaukara idia karaia lasi.

IEREMIA 29:19

Badina be idia ese lau Lohiabada egu hereva idia kamonai henia lasi, bona egu hesiai taudia, peroveta taudia, edia ududia dekena amo lau siaia hereva, be umui Israela taudia umui kamonai henia lasi.

IEREMIA 44:17

Ai ese ai gwauhamata do ai karaia karadia ibounai, be do ai karaia, bonana namo muramura be guba ena kwini dekenai do ai gabua, bona ia hanamoa totona danu uaina bouboudia do ai bubua, ai karaia guna hegeregerena, ai bona aiemai sene taudia, bona aiemai king bona lohia taudia, Iuda hanua ibounai dekenai, bona Ierusalema ena ariara gabudia dekenai. Badina be unai neganai, aiemai aniani be momo, bona aiemai noho be namo, dika ta do ai itaia lasi.

IEREMIA 44:4

Lau ese egu hesiai taudia, peroveta taudia, lau siaidia lou, siaidia lou, umui dekenai, bona idia dekena amo lau gwau, inai lau badu henia momokani kara dikana be do umui karaia lasi.

ESEKIELA 5:6

To Ierusalema ese egu taravatu bona egu oda ia utua bona negea momokani, bona inai kara dika dekena amo ia ese tano idauidau edia kara dika ia hanaia. Badina Ierusalema taudia ese egu taravatu bona oda idia negea bona utua momokani vadaeni.

DANIELA 9:6

“Oiemu hesiai taudia, peroveta taudia, be ai kamonai henidia lasi. Idia ese oiemu ladana dainai, aiemai king bona lohia taudia, aiemai tubuna taudia bona aiemai bese taudia idia hereva henidia, to edia hereva ai abia dae lasi.

DEUTERONOMI 31:21

“Vadaeni dika momo, bona hekwarahi momo idia dekenai do idia ginidae neganai, inai ane ese idia do ia samania. Badina be idia edia natudia taudia ese inai ane do idia laloaboio lasi. Inai bese be unai tano dekenai lau ese do lau hakaua vareai lasi neganai, lau diba dahaka bona dahaka idia laloa noho, bona edena kara do idia karaia.”