NEHEMIA 9:25 - Buka Helaga (Hiri Motu) 1993

²⁵ Oiemu bese ese hanua mai magudia, be tuari dekenai idia abia, bona tano namona danu, ruma mai kohu namo herea danu, bona ranu haboua gabudia, nadi lalonai idia geia gaudia, bona olive audia, huahua audia momo herea, vain audia danu, ibounai idia abia, edia. Idia ese edia ura gaudia ibounai idia ania, edia tauanina idia bada. Idia ese oi henidia gaudia ibounai idia moalelaia.

NEHEMIA 9:25 Iomraidhean Croise

1 KING TAUDIA 14:9

To oiemu kara dika ese king gunadia edia kara dika idia hanaia momokani. Oi ese lau dekenai tomadiho kara oi negea vadaeni, dirava idaudia, bona havevea auri dekena amo karaia kaivakuku oi karaia vadaeni, do oi tomadiho henidia totona.

1 KING TAUDIA 8:66

Dina namba 8 dekenai Solomona ese taunimanima ia siaia lao. Idia ibounai ese Solomona idia hanamoa, bona edia ruma dekenai idia lao, mai edia moale bona mai edia lalona namo danu, Lohiabada ese iena hanamoa ibounai, be iena hesiai tauna Davida, bona iena bese Israela dekenai ia hedinaraia dainai.

NEHEMIA 9:35

Oi ese oi durudia dainai, king taudia ese oiemu bese idia gunalaia. Idia be oi ese oi henidia tano badana, bona tano namona lalonai idia noho, to idia ese edia kara dika idia rakatania lasi, bona oiemu hesiai gaukara idia karaia lasi.

SALAMO 105:44

Bese idauidau edia tano be Dirava ese ia henidia, vadaeni idia ese unai bese taudia edia tano ena anina, be idia abia.

SALAMO 65:11

Oi ese aniani utua negana oi hanamoa noho, anina momo idia haboua. Oi lao gabudia ibounai dekenai aniani namona momo ia noho.

AONEGA HEREVADIA 30:9

Badina bema egu aniani bona kohu momo idia noho neganai, sedira lau be inai bamona do lau gwau garina, ‘Lohiabada be daika?’ O sedira bema lau ogogami neganai do lau henaoa, bona egu Dirava ena ladana do lau hahemaraia garina.

ISAIA 6:10

Inai taunimanima edia lalona do oi koua, bona edia taiana danu do oi koua, bona edia matana do oi hakapua. Unai bamona do oi karaia, gau ta do idia itaia lasi, kamonai lasi, bona diba lasi totona. Badina be bema idia itaia diba, bona kamonai diba, bona hereva anina idia davaria diba neganai, lau dekenai do idia giroa, bona mauri do idia davaria.”

ISAIA 63:7

Lau ese Lohiabada ena lalokau, bona iena bogahisihisi do lau gwauraia hedinarai. Ia ese ita dekenai ia durua karadia ibounai dainai, do lau hanamoa henia. Ia ese Israela taudia ia hanamoa bada vadaeni, iena bogahisihisi, bona iena noho hanaihanai lalokauna dainai.

IEREMIA 2:7

Unai gabu dikana dekena amo lau hakaudia mai, ela bona tano namona gabuna dekenai. Lau ura unai tano ena anina, bona ena gau namodia haida do idia moalelaia, to idia ese lauegu tano idia hadikaia. Lau ese unai tano idia dekenai lau henia, to idia ese idia hamiroa.

IEREMIA 31:14

Hahelagaia taudia dekenai, aniani bada do lau henia, idia boga kunu, bona egu bese dekenai gau namodia, edia ura gaudia, do lau henia. Lau inai Lohiabada lau hereva vadaeni.”

IEREMIA 32:23

Vadaeni edia tano dekenai idia raka vareai, idia abia. To idia ese oiemu hereva idia kamonai lasi, bona oiemu taravatu dekenai idia raka lasi. Oi ese oi oda henidia do idia karaia karadia ta idia karaia lasi. Unai dainai, inai dika bada ibounai be idia edia latanai oi atoa vadaeni.

ESEKIELA 20:6

Unai neganai danu idia dekenai lau gwauhamata, Aigupito dekena amo idia do lau hakaua lao, bona idia totona lau abia hidi tano, rata bona hani dekenai ia honu tano dekenai idia do lau hakaua vareai. Inai tano be namo herea momokani, tano ibounai ia hereaia tanona.

DANIELA 11:24

“Tano kahana ta, kohu momo gabuna, bona maino ia noho gabuna dekenai do ia vareai kava, bona ia ese iena sene taudia idia karaia diba lasi karadia do ia karaia. Inai king ese, tuari dekenai ia abia kohu be iena orea taudia dekenai do ia haria. Palani do ia karaia, gabu goadadia haida do ia tuari henidia totona. To iena kwalimu be nega daudau lasi.

HOSEA 13:6

“To tano namona gabuna umui raka vareai neganai, umui aniani boga kunu, bona gau momo umui abia, hegeregere momokani. Vadaeni umui be umui hekokoroku bada, bona umui ese lau umui laloaboio.

HOSEA 3:5

Inai nega be ia ore neganai, Israela taudia ese Lohiabada Dirava dekenai do idia giroa lou, bona ia sibona dekenai do idia tomadiho. Bona idia ese edia King, Davida ena tubuna do idia kamonai henia. Unai neganai idia ese Lohiabada do idia gari henia, bona ia ese iena harihari gaudia do ia henidia.

ROMA 2:4

Bona inai danu, Dirava ena kara be namo herea oi dekenai, ia badu haraga lasi, bona oiemu kara dika davana be oi dekenai ia henia haraga lasi. Inai Dirava ena kara namodia, oi laloa idia be anina lasi, a? Sedira oi diba lasi, Dirava ena bogahisihisi kara ena badina korikori be inai: Oiemu lalona do oi giroa totona?

DEUTERONOMI 3:5

Inai hanua ibounai be mai edia magu latadia, bona mai edia magu iduara, bona mai auri latadia, iduara loka totona gaudia. Hanua maragidia momo, mai edia magu lasi gaudia danu ita abia.

DEUTERONOMI 32:13

Lohiabada ese iena bese, be ororo gabudia dekenai ia siaia lao. Idia ese uda dekenai idia vara aniani idia ania. Dirava ese nadi dekena amo, hani idia dekenai ia henia. Nadi aukana dekena amo, olive dehoro idia dekenai ia henia.

DEUTERONOMI 32:14

Edia boromakau edia bata, edia mamoe edia rata, bona edia mamoe natudia tau edia digara idia ania, Basana dekenai noho boromakau, bona nani danu. Uiti namo herea umui ania, bona uaina namona umui inua.

DEUTERONOMI 32:15

To Lohiabada ena bese edia tauanina idia bada lao, vadaeni idia dagedage. Aniani dekenai idia honu, vadaeni idia metau. Vadaeni idia ese ia karadia Diravana idia rakatania. Idia ia hamauria Nadi Badana, be idia ese idia negea momokani.