NEHEMIA 9:23 - Buka Helaga (Hiri Motu) 1993

²³ Oi ese natuna momo oi henidia. Edia natudia be momo herea, guba ena hisiu bamona. Bona oi ese kwalimu idia dekenai oi henia, vadaeni tano dekenai idia noho diba. Unai tano be oi ese edia sene taudia dekenai, oi gwauhamata vadaeni do oi henidia.

NEHEMIA 9:23 Iomraidhean Croise

GENESE 12:7

Lohiabada ese Aberamo dekenai ia hedinarai, ia hereva, ia gwau, “Inai tano be oiemu tubuna dekenai do lau henia.” Vadaeni unuseni Aberamo ese boubou patana ia karaia Lohiabada dekenai, badina be Lohiabada ese ia dekenai ia hedinarai unai gabu dekenai.

GENESE 15:18

Unai dina dekenai Lohiabada ese Aberamo dekenai ia gwauhamata, bona gwauhamata taravatuna ia karaia, ia gwau, “Lau ese oiemu tubuna taudia dekenai inai tano ibounai do lau henia: Aigupito ena sinavai dekena amo ia lao bona sinavai badana ladana Euperate.

GENESE 15:5

Lohiabada ese ia hakaua murimuri dekenai, ia gwau, “Guba oi itaia, hisiu oi duahia diba o lasi? Oiemu tubuna edia momo be dohore unai bamona.”

GENESE 17:8

Inai hari oi noho idau tauna bamona tano do lau henia oi dekenai, bona oiemu tubuna dekenai. Inai Kanana tano ibounai be oiemu, bona oiemu tubuna edia, ela bona hanaihanai, bona lau be edia Dirava do lau noho.”

GENESE 22:17

Lau gwauhamata inai, tubudia momo oi dekenai do lau henia, edia momo be guba dekenai noho hisiu, bona kone dekenai noho miri bamona. Oiemu tubuna taudia ese idia dekenai idia tuari taudia edia hanua ibounai do idia abia.

GENESE 26:3

Inai tano dekenai oi noho, vadaeni dohore lau durua oi, bona do lau hanamoa oi, badina be inai tano ibounai do lau henia oi, bona oiemu natuna bona oiemu tubuna dekenai do lau henidia, oiemu tamana Aberahamo dekenai gwauhamata lau henia hegeregerena.

1 SIVARAI 27:23

Davida ese edia mauri lagani 20 idia do abia lasi taudia ia duahia lasi, badina Lohiabada ese ia gwauhamata vadaeni, ia ese Israela taudia edia namba do ia habadaia, guba ena hisiu idia momo herea hegeregerena.

ESODO 1:12

Israela taudia dekenai gaukara momo Aigupito taudia ese idia henia nega ibounai, to idia edia besena be ia habadaia noho, ia lao bona Gosena tano ibounai ia honu momokani. Vadaeni Aigupito taudia be idia gari noho Israela taudia dekenai.

ESODO 1:7

To Israela taudia ese idia edia natuna momo herea idia havaraia. Idia edia bese ia bada ia lao, bona mai goada danu, Gosena tano idia hahonua momokani.

DEUTERONOMI 28:62

“Guna umui be momo herea, guba ena hisiu bamona, to umui tamona tamona sibona do umui mauri, badina be Lohiabada, emui Dirava umui kamonai henia lasi.