NEHEMIA 9:22 - Buka Helaga (Hiri Motu) 1993

²² “Oi ese idia oi hagoadaia, idia ese basileia idauidau idia halusia. Edia tano ena murimurinai tanodia danu, be idia ese idia halusia. King Sihona ena tano Hesebona idia ese idia halusia, bona king Oga ena tano, Basana, danu idia ese idia halusia.

NEHEMIA 9:22 Iomraidhean Croise

SALAMO 105:44

Bese idauidau edia tano be Dirava ese ia henidia, vadaeni idia ese unai bese taudia edia tano ena anina, be idia abia.

SALAMO 78:65

Vadaeni Lohiabada be mahuta dekena amo ia noga, goada tauna uaina ia inua dainai ia boiboi bamona.

IEREMIA 27:5

“ ‘Egu siahu badana bona goada dekena amo tanobada lau karaia, taunimanima bona tanobada ena boroma idauidau danu, bona lau ura henidia taudia dekenai tanobada lau henia.

IEREMIA 32:23

Vadaeni edia tano dekenai idia raka vareai, idia abia. To idia ese oiemu hereva idia kamonai lasi, bona oiemu taravatu dekenai idia raka lasi. Oi ese oi oda henidia do idia karaia karadia ta idia karaia lasi. Unai dainai, inai dika bada ibounai be idia edia latanai oi atoa vadaeni.

ESEKIELA 20:28

Lau gwauhamata do lau henidia tano lalonai lau hakaudia vareai neganai, idia ese ororo latana ta o au namona ta idia itaia neganai idia ese boubou gaudia unai ororo o au ibounai dekenai idia henia. Bona inai bamona bouboudia idia gabua, bona uaina bouboudia idia bubua dekena amo idia ese lau idia habadua.’

DEUTERONOMI 1:4

Unai be Sihona, Amoro ena king, Hesebona dekenai ia noho tauna, bona Oga, Basana ena king, Asataroto dekenai bona Ederei dekenai ia noho tauna Lohiabada ese ia halusia murinai.

DEUTERONOMI 32:26

Lau gwau, ‘Idia do lau hadikaia ore momokani, taunimanima ibounai ese idia do idia laloaboio totona.’

DEUTERONOMI 4:46

Inai hereva ia gwauraia gabuna be Ioridane Sinavai ena dina daekau kahanai Bete Peoro hanua kahirakahira, Sihona, Amoro edia king, Hesebona dekenai noho tauna, ena tano dekenai. Inai Sihona be Mose bona Israela taudia ese idia halusia, Aigupito idia rakatania murinai.

DEUTERONOMI 4:47

Bona Sihona ena tano idia abia, Oga, Basana ena king ena tano danu idia abia. Unai king ruaosi be Amoro taudia edia king, bona edia gabu be Ioridane Sinavai ena dina daekau kahanai.

IOSUA 10:11

Bete Horono ela bona Aseka dala dekenai Israela taudia dekena amo idia heau lao neganai, Lohiabada ese medu ena aisi, nadi bamona gaudia, guba dekena amo ia hamorudia, vadaeni Amoro taudia momo herea idia mase. Medu ena aisi dekena amo idia mase taudia edia momo ese Israela taudia edia tuari kaia dekena amo idia mase taudia edia momo be idia hanaia momokani.

IOSUA 11:23

Unai dainai Iosua ese tano ibounai ia abia, Lohiabada ese Mose ia oda henia hereva ibounai hegeregerena. Inai tano be Iosua ese Israela taudia dekenai ia henia, edia tano. Idia dekenai tano ia haria lao, edia iduhu ta ta dekenai tano kahana ta ia henia. Vadaeni taunimanima be tuari dekena amo idia laga-ani.