NEHEMIA 9:2 - Buka Helaga (Hiri Motu) 1993

² Israela taudia be idau bese taudia ibounai dekena amo idia raka siri vadaeni. Edia kwarana dekenai kahu idia negea, edia lalohisihisi hedinaraia totona. Unai neganai danu idia gini, edia kara dika, bona edia sene taudia edia kara dika idia gwauraia hedinarai.

NEHEMIA 9:2 Iomraidhean Croise

1 KING TAUDIA 8:47

To unuseni, bema oiemu bese taudia ese mai edia lalona giroa danu oi dekenai do idia noinoi neganai, Lohiabada e, edia guriguri mani do oi kamonai.

ESERA 10:11

Unai dainai, emui kerere be Lohiabada, emui sene taudia edia Dirava, ena vairanai do umui gwauraia hedinarai, bona iena ura do umui karaia. Inai tano idia noho idau bese taudia dekena amo do umui raka siri, bona bema idau bese hahine umui adavaia vadaeni, umui ese idia do umui atoa siri.”

ESERA 6:21

Israela taudia, Babulonia ena abia mauri dekena amo, Iuda dekenai idia giroa mai taudia ese Pasova idia ania. Ma idau bese taudia haida, Iuda dekenai idia noho, danu ese Pasova idia ania, badina idia ese edia tano ena kara mirodia idia rakatania vadaeni, Lohiabada, Israela ena Dirava do idia tomadiho henia totona.

ESERA 9:1

Unai kara ibounai murinai, lohia taudia be lau, Esera, dekenai idia mai, idia gwau, “Israela taudia bona hahelagaia taudia, bona Levi taudia be inai tano taudia, kara dika herea taudia, Kanana, Hiti, Perisi, Iebusu, Amono, Moaba, Aigupito, bona Amoro taudia dekena amo idia siri lasi.

ESERA 9:15

“Lohiabada e, Israela ena Dirava, oi be maoromaoro, bona ai do mauri noho taudia be oi ese oi hamauria noho. Ai ese oiemu vairana dekenai aiemai kerere bada ai gwauraia hedinarai inai. Ai be maoro lasi, bona ai ta be oiemu vairana dekenai ai gini diba lasi, aiemai dika dainai.”

ESERA 9:2

Iuda taudia ese idau bese hahine idia adavaia noho, bona unai dainai Dirava ena bese helagana be inai tano taudia danu idia mikisi hebou. Bona inai kara dika idia karaia guna taudia be lohia taudia bona taunimanima gunalaia taudia.”

NEHEMIA 1:6

Mani emu kara lau do oi itaia, bona lauegu guriguri do oi kamonai, lau be dina bona hanuaboi, oiemu hesiai taudia, Israela taudia totona oi dekenai lau noinoi. Lau ese lau gwauraia hedinarai, ai Israela taudia ese ai kara dika vadaeni. Lauegu sene taudia bona lau, ai kara dika vadaeni.

NEHEMIA 10:28

“Ita, Israela bese taudia hahelagaia taudia, Levi taudia, Dubu Helaga gimaia taudia, Dubu Helaga ane abia taudia, Dubu Helaga ena hesiai taudia, bona Dirava ena Taravatu hegeregerena, inai tano dekenai noho idau bese taudia dekena amo ita raka siri noho taudia, bona iseda adavadia bona iseda natudia, mai edia aonega hegeregerena ibounai ese,

NEHEMIA 10:29

iseda lohia taudia danu gwauhamata metauna bona helagana ita karaia inai, Dirava ena Taravatu, iena hesiai tauna Mose dekenai ia henia gauna, do ita badinaia, bona Lohiabada, iseda Dirava ena oda ibounai, bona iena hadibaia hereva danu do ita badinaia, bona kara be do ita karaia.

NEHEMIA 13:3

Israela taudia ese inai taravatu buka ena hereva idia kamonai neganai, idia ese idau bese taudia dekena amo idia vara taudia be Israela ena hebou dekena amo idia atoa siri.

NEHEMIA 13:30

Unai dainai lau ese idau bese gaudia ibounai dekena amo taunimanima lau hagoevaia, bona hahelagaia taudia bona Levi taudia be lau haginia, edia gaukara ta ta do idia karaia namonamo totona.

SALAMO 144:11

Tuari ena dagedage dekena amo lau do oi hamauria, bona idau bese taudia edia siahu dekena amo, lau do oi veria mauri. Edia ududia ese hereva momokani idia gwauraia lasi. Idia ese Dirava dekenai idia gwauhamata henia noho, idia gwau edia hereva be momokani, to gauna be koikoi sibona.

SALAMO 144:7

Lau hamauria totona, oiemu imana be ataiai dekena amo do oi atoa diho, bona ranu dobu dekena amo lau do oi veria mauri. Idau bese taudia edia siahu dekena amo danu, lau do oi hamauria.

AONEGA HEREVADIA 28:13

Bema oiemu kara dika oi hunia noho neganai, namo ta do oi davaria lasi. Oiemu kara dika do oi gwauraia hedinarai, bona dika do oi rakatania, unai neganai Dirava ese oi do ia bogahisihisi henia.

ISAIA 2:6

Dirava e, oi ese oiemu orea taudia oi negea vadaeni. Iakobo ena bese taudia oi rakatania vadaeni, badina meamea taudia, be dina daekau kahana dekena amo idia mai, bona puripuri taudia, be Pilistia tano dekena amo idia mai, inai aiemai tano idia hahonua noho. Idau bese taudia edia kara dikadia ai karaia noho.

IEREMIA 14:20

Lohiabada e, ai ese oi dekenai ai kara dika vadaeni. Ai ese aiemai dika ai gwauraia hedinarai inai, aiemai sene taudia edia dika danu.

IEREMIA 3:13

Lohiabada ma ia gwau: Emui kerere do umui gwauraia hedinarai sibona. Lohiabada, emui Dirava umui dagedage henia vadaeni, bona idau taudia danu umui siharisihari, au namodia ibounai edia henunai, bona egu oda hereva umui kamonai henia lasi kara, be do umui gwauraia hedinarai.”

DANIELA 9:20

Inai guriguri lau karaia noho, bona lauegu kara dika bona lauegu bese Israela edia kara dika lau gwauraia hedinarai noho, bona Lohiabada egu Dirava iena Dubu Helaga do ia haginia lou totona lau noinoi noho danu.

HOSEA 5:7

Idia ese Lohiabada dekenai koikoi karadia idia karaia vadaeni, heudahanai hahine ese iena tau ia koia bamona. Unai dainai edia natudia be Lohiabada ena natuna lasi. Bona unai dainai tuari taudia ese idia, bona edia uma gabudia be do idia hadikaia ore.