NEHEMIA 9:19 - Buka Helaga (Hiri Motu) 1993

¹⁹ To oiemu bogahisihisi bada herea dainai, taunimanima idia noho lasi tano dekenai oi rakatanidia lasi. Oi ese ori bona lahi oi hadokoa lasi, to edia dala be dina dekenai bona hanuaboi dekenai, oi hedinaraia noho.

NEHEMIA 9:19 Iomraidhean Croise

NEHEMIA 9:12

Dina lalonai oiemu bese be ori ta, dekena amo oi hakaudia, bona hanuaboi lalonai oi ese lahi ta, dekena amo edia dala oi hadiaria.

NEHEMIA 9:27

Unai dainai idia dekenai idia dagedage taudia, be oi ese oi koua lasi, vadaeni tuari idia lusi, dagedage taudia edia siahu henunai idia noho. Edia hisihisi lalonai, oiemu bese taudia ese oi dekenai idia tai, vadaeni guba dekena amo edia tai oi kamonai. Bona oiemu bogahisihisi bada herea dainai, oi ese hamauria taudia oi siaia, vadaeni idia ese hisihisi idia henidia taudia, dekena amo edia bese idia hamauria.

NEHEMIA 9:31

To oiemu bogahisihisi be bada bona bada dainai, oi ese idia oi haorea lasi, bona idia oi rakatania lasi. Momokani, oi be harihari bada bona bogahisihisi Diravana.

SALAMO 106:45

bona idia dekenai ia karaia gwauhamata taravatuna ia laloatao. Iena bogahisihisi bada herea dainai edia dika ia gwauatao.

SALAMO 136:16

Lohiabada ese iena bese taudia, tano kaukau dekenai ia hakaudia hanaia. Iena lalokau bona bogahisihisi do idia noho hanaihanai.

ESODO 40:36

Edia laolao ibounai lalonai Israela taudia edia kara be inai bamona: Bema ori ese Dubu ia rakatania neganai be idia toreisi, edia laolao ma idia raka lao.

ESODO 40:38

Badina be Israela taudia edia laolao ibounai lalonai, Lohiabada ena ori be dina lalonai Dubu ena ataiai dekenai ia noho. Bona hanuaboi ibounai lalonai, unai ori be mai ena lahi, Dubu ena ataiai dekenai ia noho. Dina lalonai, ori idia itaia, bona hanuaboi lalonai, lahi be ori dekenai idia itaia, Dubu ena ataiai dekenai.

ISAIA 44:21

Lohiabada be inai bamona ia gwau, “Israela e, do oi laloaboio lasi, oi be lauegu hesiai tauna. Lau ese oi lau karaia, oi be lauegu hesiai tauna do oi lao totona, bona lau ese oi do lau laloaboio lasi momokani.

LALOHISIHISI 3:22

Lohiabada ena noho hanaihanai lalokauna, be do ia ore lasi. Iena bogahisihisi karadia be do idia doko lasi,

ESEKIELA 20:14

To unai bamona lau karaia lasi, unai kara ese egu ladana do ia hamiroa garina. Badina be bese idauidau momo ese egu kara idia itaia, Israela taudia Aigupito dekena amo lau hakaudia neganai.

ESEKIELA 20:17

“To ma lau ese idia lau itaia, bona idia dekenai lau bogahisihisi henia. Vadaeni idia lau hadikaia ore lasi, tano kaukau dekenai.

ESEKIELA 20:22

To unai bamona lau karaia lasi, unai kara ese egu ladana do ia hamiroa garina. Badina be bese idauidau momo ese egu kara idia itaia, Israela taudia Aigupito dekena amo lau hakaudia neganai.

DANIELA 9:18

“Dirava e, mani ai dekenai do oi kamonai henia. Oiemu matana mani oi kehoa, bona aiemai dika ena hisihisi bona hemarai, bona oiemu ladana ia noho Ierusalema hanua ena dika ia davaria gauna mani oi itaia. Ai be kara maoromaoro dainai oi dekenai ai noinoi, a? Lasi momokani. Oi dekenai ai noinoi, badina ai diba oi be mai oiemu bogahisihisi.

DANIELA 9:9

Lohiabada Dirava e, oi be mai emu bogahisihisi, bona kara dika oi gwauatao diba, to ai ese oi dekenai ai dagedage henia vadaeni.

MALAKI 3:6

“Lau be Lohiabada, bona lauegu kara lau haidaua lasi. Unai dainai umui Iakobo ena tubuna taudia be do umui mase ore lasi.

NUMERA 14:14

Bema ai oi hadikaia neganai, Aigupito taudia ese Kanana taudia do idia hamaorolaia. Kanana taudia be idia kamonai vadaeni oi Lohiabada ese, be ai dekenai oi noho. Bona idia diba vadaeni, ori be aiemai ataiai neganai, oi sibona oiemu toana oi hedinaraia momokani. Bona idia diba oi be aiemai vairana dekenai oi lao noho, dina dekenai oi be ori lalonai, bona hanuaboi dekenai oi be lahi dekenai.

DEUTERONOMI 8:2

Lohiabada, emui Dirava, ese lagani 40 lalonai taunimanima noho lasi tano dekenai umui ia hakaua, do umui laloa. Unai bamona ia karaia, be do umui manau totona, bona umui emui lalona ia tohoa, do ia diba, umui ese iena Taravatu do umui badinaia diba o lasi.

1 SAMUELA 12:22

“Lohiabada ese gwauhamata metauna ia karaia vadaeni, ia ese umui do ia rakatania lasi, badina ia ura umui be iena bese korikori umui do ia halaoa.