NEHEMIA 9:16 - Buka Helaga (Hiri Motu) 1993

¹⁶ To aiemai sene taudia be hekokoroku, bona laloa auka taudia idia lao. Oiemu oda idia kamonai henia lasi.

NEHEMIA 9:16 Iomraidhean Croise

2 KING TAUDIA 17:14

To idia be idia kamonai lasi, bona edia lalona idia ha-aukaia, edia sene taudia edia kara hegeregerena. Idia danu ese Lohiabada, edia Dirava idia abidadama henia lasi.

2 SIVARAI 29:6

Badina be iseda tamadia ese Lohiabada kamonai henia kara idia negea. Idia ese Lohiabada, iseda Dirava, ena vairanai idia kara dika, idia ese Lohiabada idia rakatania, bona edia vairadia be Lohiabada ena noho gabuna dekena amo idia giroa siri, Dubu Helaga matauraia kara idia rakatania unai.

2 SIVARAI 30:8

Emui lalona do umui ha-aukaia lasi, emui tamadia bamona, to Lohiabada do umui kamonai henia. Iena Dubu Helaga Ierusalema dekenai do umui mai. Inai gabu be Lohiabada emui Dirava ia hahelagaia hanaihanai vadaeni. Inai gabu dekenai Lohiabada do umui tomadiho henia, iena badu siahu bada be umui dekena amo do ia abia siri totona.

2 SIVARAI 36:13

King Nebukanesa ese ia oda henia dainai, Sedekaia ese Dirava ena ladanai ia gwauhamata Nebukanesa ena henunai do ia noho momokani. To Sedekaia ese unai gwauhamata ia negea, bona ia ese Nebukanesa ia dagedage henia. Sedekaia ese danu mai ena lalona auka danu Lohiabada, Israela ena Dirava dekenai iena lalona ia giroa lasi.

NEHEMIA 9:10

Toa bona hoa karadia oi karaia. Farao bona iena hesiai taudia ibounai, bona iena tano taudia danu oi hadikaia, badina be oi diba vadaeni, idia ese aiemai sene taudia idia dagedage henia, bona oiemu ladana oi habadaia, ia mai bona hari.

NEHEMIA 9:29

Oi ese idia oi sisiba henia, oiemu Taravatu do idia kamonai henia totona, to idia be hekokoroku, oiemu oda idia badinaia lasi. Oiemu Taravatu badinaia dalana be mauri dalana, to idia ese mai laloa auka danu, oiemu ura idia karaia lasi, oiemu Taravatu idia kamonai henia lasi.

SALAMO 106:6

Ai ese ai kara dika, aiemai tamadia idia kara dika bamona. Ai ese ai kara kerere, bona dika ai karaia vadaeni.

SALAMO 81:8

“Egu bese taudia e, umui kamonai: Lau ura umui do lau sisiba henia. Israela taudia e, lau ura bada egu hereva do umui kamonai.

ESODO 15:26

Ia gwau, “Bema umui ese Lohiabada emui Dirava ena gadona umui kamonai henia, bona bema lauegu vairana dekenai emui kara ia maoromaoro, bona bema lauegu hagoadaia hereva umui badinaia, bona bema lauegu taravatu umui naria namonamo, lau ese gorere idauidau do lau henia lasi umui dekenai, Aigupito taudia dekenai gorere lau henia hegeregerena, badina lau be Lohiabada, umui lau hamauria Diravana.”

ESODO 32:9

Ma Lohiabada ese Mose ia hereva henia, ia gwau, “Lau diba inai orea be kudouna auka bona kamonai lasi taudia.

AONEGA HEREVADIA 29:1

Bema nega momo oi do idia sisiba henia, to oi ese sisiba oi abia dae lasi momokani, unai neganai dika do oi davaria haraga, bona unai dika dekena amo, hanamoa lou dala be lasi momokani.

ISAIA 48:18

Egu oda hereva bema umui kamonai henia neganai, emui noho be do ia namo, mai maino danu, sinavai hegeregerena, bona emui kara maoromaoro be goada, davara ena hurehure bamona.

ISAIA 48:4

Lau diba umui Israela taudia, emui lalona be auka. Emui aiona be auri, bona emui baguna be auri laboralabora bamona.

ISAIA 63:10

To idia ese ia dekenai idia dagedage dainai iena lalona ia hisihisi. Unai dainai Lohiabada ese idia ia dagedage henia, bona ia ese idia ia tuari henia.

IEREMIA 19:15

“Siahu Ibounai Lohiabada, Israela ena Dirava, be inai bamona ia gwau, ‘Kamonai! Lau ese inai hanua badana Ierusalema, bona ia kahirakahira idia noho hanua danu be do lau hadikaia ore momokani! Oibe, emui kerere davana, lau gwauraia guna gauna, be do lau henia, badina be umui hekokoroku noho, bona lauegu hereva umui kamonai henia lasi noho dainai.’ ”

IEREMIA 2:31

Israela taudia e, lauegu hereva do umui kamonai. Umui laloa lau be tano kaukau bamona umui dekenai, a? Lau be hegeregere dibura masemase gabuna umui dekenai, a? Bema lasi neganai, badina dahaka umui, lauegu bese taudia, umui gwau, ‘Ai be ai sibona aiemai ura do ai karaia, ai be Lohiabada dekenai do ai giroa lou lasi.’

IEREMIA 7:26

To umui ese egu hereva umui kamonai lasi, bona umui laloa lasi. Lasi momokani. Umui ese emui laloa dikadia bona emui laloa kerere hegeregere umui karaia, bona emui kara ena dika ese emui sene taudia edia dika ia hanaia.

ESEKIELA 5:6

To Ierusalema ese egu taravatu bona egu oda ia utua bona negea momokani, bona inai kara dika dekena amo ia ese tano idauidau edia kara dika ia hanaia. Badina Ierusalema taudia ese egu taravatu bona oda idia negea bona utua momokani vadaeni.

APOSETOLO EDIA KARA 7:51

“Umui ura dika taudia e, umui emui kudouna bona taiana be Dirava ura henia lasi taudia edia bamona! Umui ese nega ibounai Lauma Helaga umui koua noho! Umui emui tamadia edia kara be umui danu umui karaia noho.

ROMA 2:5

Oiemu kudouna ia auka, bona oiemu lalona oi giroa lasi dainai, oiemu kerere davana oi habadaia noho. Vadaeni Dirava ena badu ia hedinaraia Kota Dinana neganai, be inai kerere davana badana do oi abia.

DEUTERONOMI 31:27

Badina be umui emui kamonai lasi bona dagedage be lau diba. Lau mauri noho dinadia lalonai umui ese Lohiabada umui kamonai henia lasi. Be, lau mase murinai edena bamona do umui karaia?

DEUTERONOMI 32:15

To Lohiabada ena bese edia tauanina idia bada lao, vadaeni idia dagedage. Aniani dekenai idia honu, vadaeni idia metau. Vadaeni idia ese ia karadia Diravana idia rakatania. Idia ia hamauria Nadi Badana, be idia ese idia negea momokani.

DEUTERONOMI 5:29

Nega ibounai unai bamona bema idia laloa be namo, bona bema lau dekenai idia matauraia, bona egu Taravatu bema idia kamonai henia, edia noho be do ia namo, bona edia natudia bona tubudia danu edia noho be do namo ela bona hanaihanai.

DEUTERONOMI 9:13

“Bona Lohiabada ese lau ia hamaoroa, ia gwau, ‘Inai bese taudia lau itaia, idia be kamonai ura lasi taudia.

DEUTERONOMI 9:27

Oiemu hesiai taudia Aberahamo, Isako bona Iakobo do oi laloa, bona inai bese edia kamonai lasi, edia kara dika, bona edia kerere bada, mani do oi laloa lasi.

DEUTERONOMI 9:6

“Unai dainai, umui diba namonamo, Lohiabada emui Dirava ese inai tano namona umui dekenai ia henia, be emui kara maoromaoro dainai lasi, badina umui be hereva dagedage taudia.

HEBERU 3:13

Hari inai negai be Dirava ese ia herevalaia, “hari dina.” Inai “hari dina” ia do noho dainai, umui ta ta dekenai durua hereva do umui henia, emui lalona hagoadaia totona. Dina ibounai inai bamona do umui karaia, umui ta be kara dika ese ia koia garina, bona unai tau ese iena lalona be Dirava dekena amo do ia koua garina.

HEBERU 3:15

Buka Helaga inai bamona ia gwau: “Hari dina bema iena gadona umui kamonai, umui emui lalona do umui koua lasi, gunaguna umui emui sene taudia idia karaia bamona, Dirava ena hereva idia negea neganai.”