NEHEMIA 9:15 - Buka Helaga (Hiri Motu) 1993

¹⁵ “Oi ese aniani guba dekena amo oi siaia diho, oiemu bese idia hitolo neganai do idia ania totona. Bona idia ranu mase neganai, ranu be nadi dekena amo oi abia mai, ia heau diho. Bona unai oi gwauhamata henidia tano, do idia biagua dalana, be oi ese oiemu bese dekenai oi hamaoroa.

NEHEMIA 9:15 Iomraidhean Croise

DEUTERONOMI 1:8

Unai tano ibounai be umui dekenai lau henia vadaeni. Umui lao, unai tano do umui abia, badina lau Lohiabada ese emui sene taudia Aberahamo, Isako bona Iakobo dekenai lau gwauhamata henidia, unai tano do idia abia, edia tubudia danu.”

ESODO 17:6

Lau be oiemu vairana dekenai do lau gini Sinai Ororo ena nadi badana dekenai. Vadaeni nadi badana do oi botaia, bona ranu be nadi dekena amo do ia mai, taunimanima do idia inua totona.” Mose be inai bamona ia karaia Israela ena gunalaia taudia edia vairana dekenai.

ESODO 16:4

Vadaeni Lohiabada ese Mose ia hamaoroa, ia gwau, “Oi kamonai, lau ese emui aniani guba dekena amo do lau atoa diho, medu bamona, taunimanima be dina ta ta do idia raka lao, dina tamona ena aniani do idia haboua. Unai dekena amo do lau diba be, lauegu taravatu do idia badinaia o lasi.

ESEKIELA 20:15

To tano kaukau dekenai lau ese idia lau gwauhamata henia, idia do lau henia gwauraia tano, rata bona hani dekenai ia honu tano, tano namo herea momokani, tano ibounai ia hereaia gauna, ena lalonai do lau hakaudia vareai lasi.

SALAMO 114:8

Ia ese nadi badana be ranu gabuna ia halaoa, bona ia ese ororo ena nadi be ranu ia lohilohi gabuna ia halaoa.

DEUTERONOMI 8:3

Ia ese umui ia hamanaua, bona hitolo ia siaia, vadaeni mana aniani umui dekenai ia siaia. Unai be aniani matamata, umui bona emui sene taudia idia diba lasi gauna. Unai kara dekena amo, Lohiabada ese umui ia hadibaia, taunimanima be aniani sibona dekena amo do idia mauri lasi. Lasi momokani, to Dirava ena hereva ibounai do idia badinaia danu, vadaeni mauri idia abia.

NEHEMIA 9:20

Oiemu Lauma namona idia dekenai oi henia, ia ese dahaka do idia karaia, ia hadibadia. Bona oiemu mana aniani oi hadokoa lasi, to oi henidia noho, idia ania, bona edia ranu mase totona ranu oi henidia.

DEUTERONOMI 1:21

Umui itaia, Lohiabada, emui Dirava, ese umui ia henia tano be unai. Do umui toreisi, unai tano do umui abia, badina Lohiabada, emui sene taudia edia Dirava ese inai bamona umui ia oda henia vadaeni. Do umui gari lasi, do umui daradara lasi.’

NUMERA 14:30

Guna lau gwauhamata henia vadaeni, umui be unai tano dekenai do umui noho. To umui ta lasi do ia noho, Kaleba bona Iosua sibona be unai tano dekenai do idia noho.

GENESE 14:22

To Aberamo ese ia haere, ia gwau, “Lau ese Lohiabada, Ataiai Momokani Dirava, guba bona tanobada ia karaia Diravana ena vairanai hari lau gwauhamata metau henia,

ESODO 6:8

Aberahamo bona Isako bona Iakobo dekenai lau gwauhamata tanona ena lalonai dohore lau hakaua vareai umui, dohore lau henia umui dekenai, umui emui tano momokani. Lau inai Lohiabada.”

ESODO 17:3

To taunimanima be idia ranu mase, bona Mose dekenai idia maumau noho. Idia gwau, “Badina dahaka Aigupito dekena amo oi hakaua ai? Aiemai natuna alaia, bona aiemai ubua gaudia alaia totona oi karaia sedira, ranu mase dekena amo.”

ISAIA 48:21

Lohiabada ese tano kaukau dekenai ia hakaudia hanaia neganai, iena bese idia ranu mase lasi. Nadi badana dekena amo ranu ia henidia. Nadi ia botaia kehoa, vadaeni ranu ia heau diho.

IEREMIA 32:23

Vadaeni edia tano dekenai idia raka vareai, idia abia. To idia ese oiemu hereva idia kamonai lasi, bona oiemu taravatu dekenai idia raka lasi. Oi ese oi oda henidia do idia karaia karadia ta idia karaia lasi. Unai dainai, inai dika bada ibounai be idia edia latanai oi atoa vadaeni.