NEHEMIA 9:12 - Buka Helaga (Hiri Motu) 1993

¹² Dina lalonai oiemu bese be ori ta, dekena amo oi hakaudia, bona hanuaboi lalonai oi ese lahi ta, dekena amo edia dala oi hadiaria.

NEHEMIA 9:12 Iomraidhean Croise

NEHEMIA 9:19

To oiemu bogahisihisi bada herea dainai, taunimanima idia noho lasi tano dekenai oi rakatanidia lasi. Oi ese ori bona lahi oi hadokoa lasi, to edia dala be dina dekenai bona hanuaboi dekenai, oi hedinaraia noho.

SALAMO 105:39

Dirava ese iena bese taudia, be ori dekena amo ia koudia, bona hanuaboi lalonai ia ese lahi badana ia atoa, diari do idia abia totona.

SALAMO 107:7

Lohiabada ese dala maoromaoro dekena amo idia ia hakaua, vadaeni idia noholaia diba hanua ta dekenai ia hakaudia.

SALAMO 143:8

Lohiabada e, lau ese oi lau abidadama henia noho. Unai dainai daba ibounai lau do oi durua, vadaeni oiemu noho hanaihanai lalokauna do lau laloa noho. Guriguri dekena amo egu lauma oi dekenai lau abia isi noho. Unai dainai egu lao dala namona, mani lau dekenai do oi hedinaraia.

SALAMO 78:14

Dina dekenai ia ese ori korema dekena amo ia hakaudia, bona hanuaboi ena nega ibounai, be lahi ena diari dekena amo ia hakaudia.

ESODO 15:13

Oi hamauria vadaeni besena oi ese oi gunalaia, oiemu gwauhamata hegeregerena. Oiemu goada dekenai oi hakaudia vadaeni, ia mai bona oiemu gabu helagana.

ESEKIELA 20:6

Unai neganai danu idia dekenai lau gwauhamata, Aigupito dekena amo idia do lau hakaua lao, bona idia totona lau abia hidi tano, rata bona hani dekenai ia honu tano dekenai idia do lau hakaua vareai. Inai tano be namo herea momokani, tano ibounai ia hereaia tanona.

NUMERA 9:16

Nega ibounai iena toana be unai bamona, dina neganai ori ese Dubu ia koua, hanuaboi neganai be lahi ena toana ese ia koua.

NUMERA 9:21

Nega haida ori be adorahi neganai ia diho, hanuaboi neganai ia noho. To dabai be ma ia daekau lou, vadaeni Israela taudia be idia toreisi. Dina o hanuaboi, bema ori ia daekau negana ibounai, idia be kamepa dekena amo idia toreisi.

DEUTERONOMI 1:33

Lohiabada ese nega ibounai umui ia gunalaia, emui kamepa gabudia ia tahua, emui dala danu ia hedinaraia, lahi dekena amo hanuaboi neganai, bona ori dekena amo dina dekenai, to umui abidadama henia lasi.