NEHEMIA 9:11 - Buka Helaga (Hiri Motu) 1993

¹¹ Oi ese idia edia vairanai davara oi hapararaia, vadaeni idia be davara ena huanai dekena amo, idia raka hanaia, tano kaukau dekenai. Bona idia luludia taudia be davara dobu lalonai, oi negedia, idia diho, nadi be ranu dobu lalonai ia diho bamona.

NEHEMIA 9:11 Iomraidhean Croise

SALAMO 66:6

Davara be tano kaukauna dekenai ia halaoa. Ma aiemai sene taudia ese aena dekena amo sinavai idia raka hanaia. Unai Dirava ese ia karaia gaudia dainai ita moale bada noho.

SALAMO 78:13

Dirava ese danu davara ia hapararaia, bona idia ese idia raka hanaia. Ia ese ranu ia haginia, magu ruaosi bamona.

ESODO 14:14

Lohiabada be umui totona do ia tuari karaia, umui be do umui noho kava sibona.”

ESODO 14:25

Edia kariota edia uili be idia diho miri dekenai, vadaeni kariota idia heau namonamo lasi. Unai dainai Aigupito taudia sibona dekenai idia hereva henia, idia gwau, “Israela taudia edia vairana dekena amo do ita heau, badina be Lohiabada ese durua ia henia idia dekenai, to ia tuari henia ita dekenai.”

ESODO 14:29

To Israela taudia be tano kaukau dekenai idia raka hanaia, davara ena huana dekenai, ranu be haba bamona, edia imana idiba kahana dekenai, bona edia imana lauri kahana dekenai.

IEREMIA 32:20

Oi ese toa bona hoa karadia Aigupito tano dekenai oi hedinaraia vadaeni, bona Israela lalonai, bona taunimanima ibounai edia huanai danu. Bona oi ese inai kara oi karadia noho, ia mai bona hari dina danu. Unai dainai hari oiemu ladana badana be gabu ibounai dekenai idia diba.

1 KORINTO 10:1

Lauegu varavara taudia e, iseda sene taudia dekenai dahaka kara idia vara mani umui laloa. Idia be Mose ena murinai idia raka noho neganai ori ta henunai idia noho. Bona idia ibounai Davara Kakakaka aena dekenai idia raka hanaia, mai mauri danu.

HEBERU 11:29

Israela taudia ese Dirava idia abidadama henia dainai, Davara Kakakaka idia raka hanaia, tano kaukau dekenai idia raka bamona. To Aigupito taudia ese unai bamona idia raka toho neganai, idia maloa, idia mase.

APOKALUPO 18:21

Inai hereva ia ore murinai aneru goadana ta ese nadi badana ta, iena toana be uiti ia moia nadina bamona, ia abia. Inai nadi ia abia isi, davara dekenai ia negea diho. Vadaeni aneru ia gwau, “Babulonia hanua badana, unai bamona, mai dagedage danu, oi do idia negea diho, vadaeni taunimanima ese oi do idia itaia lou lasi.