NEHEMIA 8:8 - Buka Helaga (Hiri Motu) 1993

⁸ Idia ese taunimanima idia durua, bona Taravatu ena hereva ibounai ena anina idia hedinaraia namonamo.

NEHEMIA 8:8 Iomraidhean Croise

2 KING TAUDIA 23:2

Vadaeni king Iosaia ese idia ia hakaua lao Lohiabada ena Dubu Helaga dekenai. Peroveta taudia bona hahelagaia taudia danu ese king idia bamoa, Ierusalema dekenai idia noho taudia ibounai danu, kohu momo taudia bona ogogami. Vadaeni Iosaia ese Taravatu Buka, Lohiabada ena Dubu lalonai idia davaria gauna, ena hereva ibounai, be edia vairanai ia duahia hedinarai.

ESERA 4:18

“Umui ese umui siaia revareva, be egu vairana dekenai idia duahia hedinarai vadaeni.

NEHEMIA 8:12

Unai dainai taunimanima ibounai ta ta edia ruma, edia ruma dekenai idia lao, bona mai moale danu idia aniani bona inuinu, bona haida dekenai danu idia henia, badina be Esera ia gwauraia vadaeni hereva ena anina idia davaria vadaeni.

NEHEMIA 8:7

Vadaeni idia toreisi, edia gabu dekenai idia gini, bona Levi taudia ese Taravatu ena anina be idia dekenai idia hadibaia namonamo. Levi taudia be inai: Iesua, Bani, Serebaia, Iamini, Akubu, Sebetai, Hodaia, Maseaia, Kelita, Asaraia, Iosabada, Hanana, Pelaia.

NEHEMIA 8:9

Taunimanima ese Taravatu idia kamonai momokani neganai, idia laloa momo, bona idia tai hamatamaia. Unai neganai Nehemia, gavana tauna, bona Esera, hahelagaia tauna bona Taravatu diba tauna, bona Levi taudia, taunimanima idia durua taudia ese taunimanima idia hamaoroa, idia gwau, “Inai dina be helaga, Lohiabada, umui emui Dirava ena dina. Do umui lalohisihisi lasi, do umui tai lasi.”

NEHEMIA 9:3

Bona edia gabu dekenai idia gini neganai, hora toi lalonai, Lohiabada ena Taravatu be Esera ese ia duahia. Ma hora toi lalonai idia edia kara dika idia gwauraia hedinarai, bona Lohiabada, edia Dirava dekenai idia tomadiho.

ESEKIELA 46:10

Taunimanima do idia raka vareai neganai, king danu be idia danu do ia raka vareai, bona do idia raka murimuri neganai king danu do ia raka murimuri lao.

HABAKUKU 2:2

Bona Lohiabada ese lau dekenai ia haere, ia gwau, “Lau ese oi dekenai lau hedinaraia gauna be nadi palaka dekenai do oi torea, vadaeni duahia taudia ese do idia duahia haraga diba.

LUKA 24:27

Vadaeni Mose bona peroveta taudia edia buka dekenai, iena sivarai herevadia ibounai edia anina, be Iesu ese idia dekenai ia hadibaia.

LUKA 24:32

Vadaeni idia ruaosi sibona idia herevahereva, idia gwau, “Dala dekenai ia hereva ita dekenai, bona Buka Helaga ena anina ita dekenai ia hadibaia neganai, iseda lalona be idia siahu, ani?”

LUKA 24:45

Vadaeni ia ese Buka Helaga ena anina ia hadibaia idia dekenai, ela bona edia lalona idia kehoa.

APOSETOLO EDIA KARA 28:23

Unai dainai, idia ese dina ta idia gwauraia, vadaeni unai dina dekenai Iuda taudia momo Paulo ena ruma lalonai idia hebou. Daba dekenai ia lao bona hanuaboi neganai, Paulo ese Dirava ena Basileia ia hadibaia bona ia harorolaia. Mose ena taravatu bona peroveta taudia edia buka dekena amo ia ese Iesu ia gwauraia hedinarai, idia edia lalona idia giroa totona.