NEHEMIA 8:17 - Buka Helaga (Hiri Motu) 1993

¹⁷ Babulonia ena abia mauri dekena amo idia giroa mai lou taudia ibounai ese unai au raurau ruma maragidia idia haginia, bona inai ruma maragidia lalonai idia noho. Inai bamona kara be Israela taudia idia karaia lasi, Iosua Nunu ena nega ia mai bona Esera ena nega. Bona idia ibounai, mai moale bada danu unai au raurau ruma maragidia noholaia kara idia karaia.

NEHEMIA 8:17 Iomraidhean Croise

1 SIVARAI 29:22

Unai dainai unai dina dekenai Lohiabada ena vairanai idia aniani bona idia inuinu, mai edia moale bada danu. Unai neganai, nega iharuana dekenai, idia ese Solomona, Davida ena natuna tau, be king idia halaoa. Lohiabada ena ladana dekenai, edia bese ena king idia abia hidi, bona Sadoka danu be edia hahelagaia tauna idia abia hidi.

2 SIVARAI 30:26

Unai dainai Ierusalema hanua lalonai moale be bada herea, badina be king Solomona, Davida ena natuna, ena nega dekena amo ia mai, kara unai bamona be Ierusalema dekenai ia hedinaraia lasi.

2 SIVARAI 35:18

Peroveta tauna Samuela ena nega dekena amo, Pasova Aria inai bamona ta idia karaia lasi. Bona Israela ena king ta ese Pasova Aria ta ia karaia lasi, Iosaia ese ia karaia bamona. Ia ese hahelagaia taudia, Levi taudia, Iuda taudia, bona unuseni Ierusalema taudia danu idia noho Israela taudia danu, unai Aria idia karaia.

2 SIVARAI 8:13

Dina ta ta edia taravatu hegeregerena be Solomona ese unai bouboudia ia henia, Mose ena taravatu hegeregerena, Sabati Dinadia edia, hua matamatadia edia, bona Aria toiosi, lagani ta ta dekena amo idia karaia gaudia, Hatubua Lasi Paraoa Aria, Pura Aria, bona Au Raurau Ruma Maragidia Aria.

ESERA 3:4

Bona Buka ia torea hegeregerena, Au Raurau Ruma Maragidia Aria idia karaia, ma dina ta ta boubou gaudia idia gabua, Buka ena taravatu hegeregerena.

IOANE 1:14

Inai Hereva be taunimanima ena tauanina dekenai ia halaoa, bona iseda huanai ia noho. Iena hairai danu ita itaia. Inai hairai be Dirava ese ia henia, badina ia be Dirava ena Natuna tamona sibona. Bogahisihisi kara bona hereva momokani dekenai ia honu momokani.

DEUTERONOMI 16:15

“Dina 7 lalonai inai aria do umui karaia, Lohiabada, emui Dirava do umui hanamoa, ia ese ia abia hidi tomadiho gabuna dekenai. Mai moale bada danu do umui karaia, badina be Lohiabada, emui Dirava ese umui do ia hanamoa, emui uma ena anina bona emui gaukara ibounai lalonai.

HEBERU 11:13

Edia abidadama lalonai, inai tau gunadia ibounai idia mase. Dirava ena gwauhamata ena anina idia do davaria lasi. To daudau herea dekena amo, unai gwauhamata gaudia idia itaia, bona idia moale bada, idia gwau, “Ai be gabu idau taudia bamona inai tano dekenai ai noho. Ai be inai tanobada dekenai do ai noho daudau lasi.”

HEBERU 11:9

Aberahamo ese Dirava ia abidadama henia dainai, Dirava ese ia gwauhamata do ia henia tano dekenai, idau bese tauna bamona ia noho. Ia be palai ruma lalonai ia noho, Isako bona Iakobo danu. Idia ruaosi danu ese unai gwauhamata be Dirava dekena amo idia abia.

HEBERU 4:8

Bema Iosua ese unai taudia dekenai Dirava ia gwauhamatalaia laga-ani ia henidia, Dirava be dina ta ma do ia herevalaia lasi.

IOSUA 1:1

Lohiabada ena hesiai tauna Mose ia mase murinai, Lohiabada ese Iosua Nunu, Mose ia durua tauna, ia hereva henia, ia gwau,