NEHEMIA 8:16 - Buka Helaga (Hiri Motu) 1993

¹⁶ Unai dainai taunimanima idia raka lao, rigi idia gogoa, au raurau ruma maragidia idia karaia totona. Vadaeni edia ruma guhi latanai, edia ruma ariara gabudia lalonai, Dirava ena Dubu Helaga ena magu lalonai ariara, bona Ranu ena Ikoukou ena ariara dekenai, bona Eparaima ena Ikoukou ena ariara dekenai danu unai au raurau ruma maragidia ibounai idia haginia.

NEHEMIA 8:16 Iomraidhean Croise

2 SAMUELA 11:2

Adorahi ta, Davida be iena mahuta patana dekena amo ia toreisi, iena ruma badana ena guhi dekenai ia raka. Vadaeni guhi dekena amo Davida ese hahine ta ia itaia, ia digu noho. Ia be hahine namona, mai ena hairaina.

2 KING TAUDIA 14:13

Unai neganai Iehoasa, Israela ena king ese Amasaia, Iuda ena king, ia abia mauri Bete Semese dekenai. Vadaeni Iehoasa be Ierusalema dekenai ia lao, Ierusalema ena magu ia hadikaia. Magu be Eparaima Iduara ela bona Daiguni Iduara kahana ibounai Iehoasa ese ia hamakohia, ena lata be 200 mita bamona.

2 SIVARAI 20:5

Vadaeni inai Iuda taudia bona Ierusalema taudia be Dubu Helaga dekenai idia haboua, ariara magu matamata ena vairanai, bona Iehosapata ese idia edia vairanai ia gini,

2 SIVARAI 33:5

Lohiabada ena Dubu Helaga ena ariara gabudia ruaosi edia lalonai Manase ese guba hisiu ibounai edia boubou patadia ia haginia.

NEHEMIA 12:37

Ranu Lohilohi ena Ikoukou dekenai idia ginidae, vadaeni maoromaoro vadavada dekenai idia daekau lao, Davida ena Hanua dekenai, bona Davida ena ruma idia hanaia. Bona magu ena latanai ma idia raka lao ela bona Ranu ena Ikoukou, dina ia daekau kahana dekenai idia ginidae.

NEHEMIA 12:39

Unai murinai Eparaima ena Iduara ataiai kahana, bona Iduara Gunana, bona Gwarume ena Iduara, bona Hananele ena Kohoro bona Tau 100 edia Kohoro dekena amo ai lao, ela bona Mamoe edia Iduara, bona Dubu Helaga ena badinai, Gimaia Taudia edia Iduara dekenai aiemai raka ia doko.

NEHEMIA 3:26

bona Opele ena ororo dekenai idia noho Dubu Helaga hesiai taudia ese magu ma idia hanamoa lao, ela bona Ranu ena Ikoukou ena dina daekau kahanai, bona unai ataiai kohoro ia vaira henia gabuna dekenai.

NEHEMIA 8:1

Hua namba 7 lalonai, Israela taudia be ibounai edia hanua ta ta dekenai idia noho lou. Unai hua ena dina ginigunana dekenai idia ibounai Ierusalema dekenai idia haboua, Ranu ena Ikoukou ena ariara lalonai. Vadaeni idia ese Taravatu hadibaia tauna Esera idia hamaoroa, Mose ena Taravatu Buka, Lohiabada ese Israela dekenai ia henia gauna, do ia mailaia.

NEHEMIA 8:3

Unai Ranu ena Ikoukou ena ariara lalonai Esera ese Taravatu ia duahia, daba rere negana ela bona dina tubu, bona idia ibounai ese unai hereva idia kamonai namonamo.

IEREMIA 19:13

Vadaeni Ierusalema taudia edia ruma, bona Iuda king taudia edia ruma, edia guhi dekenai idau dirava dekenai bonana namo muramura idia gabua rumadia, be do idia miro momokani, Topete hegeregerena. Ma ruma momo danu dekenai be uaina idia bubua, idau dirava dekenai, boubou idia henia totona. Unai ruma danu do idia miro, Topete hegeregerena.’ ”

IEREMIA 32:29

Babulonia taudia, hari Ierusalema idia tuari henia noho taudia be do idia mai, lahi dekenai inai hanua do idia gabua. Do idia gabua momokani, bona unai ruma, edia guhi dekenai muramura mai bonana be Bala dirava totona idia gabua, bona inua bouboudia be dirava idaudia totona idia bubua, idia henia, bona unai kara dekena amo lau idia habadua rumadia danu do idia gabua ore.

DEUTERONOMI 22:8

“Ruma matamata do umui haginia neganai, guhi ena isena dekenai magu maragina do umui haginia, emui ruma guhi dekena amo tau ta do ia moru garina, bona iena mase be emui kerere garina.