NEHEMIA 8:15 - Buka Helaga (Hiri Motu) 1993

¹⁵ Unai dainai unai gunalaia taudia ese edia hanua ta ta bona Ierusalema dekenai hereva idia siaia, idia gwau, “Do umui raka lao, ororo do umui daekau, olive audia, kasuarina audia, pama audia, bona au idauidau edia rigi do umui abia, au raurau ruma maragidia do umui karaia, Taravatu lalonai ia torea hegeregere.”

NEHEMIA 8:15 Iomraidhean Croise

GENESE 8:11

Adorahi kahanai, pune ia giroa lou Noa dekenai, bona iena uduna dekenai be olive ena rauna matamata ta. Vadaeni, Noa ia diba ranu be ia diho vadaeni.

LEVITIKO 23:4

“Ma lau Lohiabada egu dina badadia be inai, bona inai guriguri hebou helagadia be edia nega korikori do umui karaia:

LEVITIKO 23:40

Dina ginigunana dekenai emui huahua audia dekena amo huahua namodia do umui abia, bona pama raudia, bona au idauidau mai rau momo edia rigi do umui abia, bona Lohiabada emui Dirava hanamoa totona do umui moale hebou.

SEKARAIA 1:8

Hanuaboi lalonai, lau ese mata hanai dekenai Lohiabada ena aneru ta lau itaia, hosi kakakakana dekenai ia guia. Ia be koura lalonai ia gini, palauapalaua kurokuro audia edia huanai. Iena murinai be hosi haida, kakakakadia bona korema sisina, bona kurokurodia. Aneru be inai hosi dekenai idia guia.

MATAIO 21:1

Idia raka lao, Ierusalema idia kahirakahira, Betepage dekenai idia ginidae, Olive Ororo badibadinai. Vadaeni Iesu ese iena diba tahua taudia rua ia siaia guna,

IOANE 12:13

Vadaeni pama au rauraudia idia abia, Iesu ena vairana dekenai idia lao, idia boiboi, idia gwau, “Hosana! Lohiabada ena ladana dekenai ia mai tauna ita hanamoa! Ia be Israela ena King!”

DEUTERONOMI 16:16

“Lagani ta lalonai emui tatau ibounai be nega toi Lohiabada, emui Dirava ena vairanai do idia haboua, ia dekenai do idia tomadiho henia, ia ese ia abia hidi tomadiho gabuna dekenai. Hebou toiosi be inai: Pasova aria, Uma Anina Utua ena aria, bona Au Raurau Ruma Maragidia ena aria danu.

APOKALUPO 7:9

Inai murinai egu matana lau negea, taunimanima momo herea lau itaia, duahia diba lasi. Idia be bese idauidau, iduhu idauidau, kopina idauidau, bona gado idauidau. Idia ibounai be helai gabuna badana ena vairanai bona Mamoe ena Natuna ena vairanai idia gini. Edia dabua be kurokuro, bona edia imana dekenai pama au rauraudia idia dogoatao.