NEHEMIA 8:12 - Buka Helaga (Hiri Motu) 1993

¹² Unai dainai taunimanima ibounai ta ta edia ruma, edia ruma dekenai idia lao, bona mai moale danu idia aniani bona inuinu, bona haida dekenai danu idia henia, badina be Esera ia gwauraia vadaeni hereva ena anina idia davaria vadaeni.

NEHEMIA 8:12 Iomraidhean Croise

1 SIVARAI 29:22

Unai dainai unai dina dekenai Lohiabada ena vairanai idia aniani bona idia inuinu, mai edia moale bada danu. Unai neganai, nega iharuana dekenai, idia ese Solomona, Davida ena natuna tau, be king idia halaoa. Lohiabada ena ladana dekenai, edia bese ena king idia abia hidi, bona Sadoka danu be edia hahelagaia tauna idia abia hidi.

NEHEMIA 8:10

Nehemia ia gwau, “Umui emui ruma dekenai do umui lao, aniani namona do umui ania, uaina do umui inua. Bona edia aniani bona uaina be lasi taudia dekenai aniani bona uaina do umui henia. Badina hari dina be helaga, iseda Lohiabada ena dina. Unai dainai do umui lalohisihisi lasi, badina be Lohiabada dainai ita moale neganai, goada do ita abia.”

NEHEMIA 8:11

Unai bamona dala dekenai Levi taudia ese taunimanima ibounai edia huanai idia lao, idia hamaoroa do idia lalohisihisi lasi, dina be ia helaga namo herea dainai.

NEHEMIA 8:13

Kerukeru, taunimanima ibounai edia iduhu gunalaia taudia, bona hahelagaia taudia, bona Levi taudia danu ese Esera dekenai idia haboua. Vadaeni Esera ese Taravatu ena hadibaia hereva idia dekenai ma ia gwauraia lou.

ESETA 9:22

Inai dinadia dekenai Iuda taudia ese idia ura hadikaia taudia dekena amo kwalimu idia abia. Bona unai hua lalonai edia lalohisihisi bona taitai be idia ore, bona edia gabu dekenai moale bona laga-ani idia davaria. Morodekai ese Iuda taudia ia hamaoroa, unai dina ruaosi lalonai aria bona moale do idia karaia, bona idia ta ta dekenai, bona ogogami taudia dekenai harihari gaudia do idia henia.

IOBU 23:12

Dirava ena oda be nega ta lau rakatania lasi. Iena ura lau karaia noho, egu ura be lau karaia lasi.

SALAMO 119:111

Oiemu oda hereva be nega ibounai lau dogoatao noho, badina inai hereva be egu kudouna ena moale gauna.

SALAMO 119:127

Oiemu oda hereva lau lalokau henia bada, to golo lau ura henia sisina. Io, oiemu oda edia namo ese golo namo herea ia hereaia.

SALAMO 119:130

Oiemu hereva hadibaia kara ese diari ia havaraia noho, bona oiemu hereva dekena amo, diba lasi taudia ese aonega idia davaria.

SALAMO 119:14

Oiemu hadibaia hereva edia dala lau moalelaia bada noho, to kohu bona moni dekenai lau moale bada lasi.

SALAMO 119:16

Oiemu taravatu lau moalelaia noho, bona oiemu oda hereva be do lau laloaboio lasi.

SALAMO 119:171

Lau ese oi do lau hanamoa noho hanaihanai, badina be oi ese oiemu taravatu lau dekenai oi hadibaia noho.

SALAMO 119:174

Lohiabada e, oiemu hamauria ena durua totona oi dekenai lau laloa noho, mai egu lalokau bada danu. Oiemu taravatu dekena amo moale lau davaria noho.

SALAMO 119:72

Oiemu uduna hereva ena taravatu be namo herea lau dekenai. Golo bona siliva momo herea, be oiemu taravatu ese ia hereaia momokani.

SALAMO 119:97

Lohiabada e, oiemu taravatu lau ura henia. Dina ena hora ibounai lalonai, oiemu taravatu lau laloa noho.

IEREMIA 15:16

Oi ese oiemu hereva lau dekenai oi henia, bona lau abia dae, aniani lau abia dae bamona. Bona inai oiemu hereva ese lau ia hamoalea momokani, badina be, Lohiabada, Siahu Ibounai Diravana, lau be oiemu.

LUKA 24:32

Vadaeni idia ruaosi sibona idia herevahereva, idia gwau, “Dala dekenai ia hereva ita dekenai, bona Buka Helaga ena anina ita dekenai ia hadibaia neganai, iseda lalona be idia siahu, ani?”

ROMA 7:18

Lau diba egu lalona dekenai bona egu kudouna dekenai be namo ta ia noho lasi. Badina be lau ura kara namo do lau karaia, to karaia totona be lau hegeregere lasi.

APOKALUPO 11:10

Bona tanobada taudia be idia ruaosi edia mase dainai do idia moale bada. Edia turana ta ta dekenai harihari gaudia do idia henia, edia moale hedinaraia ena toana. Badina korikori be unai peroveta taudia ruaosi ese tanobada taudia idia hisihisi henia bada herea dainai.