NEHEMIA 8:10 - Buka Helaga (Hiri Motu) 1993

¹⁰ Nehemia ia gwau, “Umui emui ruma dekenai do umui lao, aniani namona do umui ania, uaina do umui inua. Bona edia aniani bona uaina be lasi taudia dekenai aniani bona uaina do umui henia. Badina hari dina be helaga, iseda Lohiabada ena dina. Unai dainai do umui lalohisihisi lasi, badina be Lohiabada dainai ita moale neganai, goada do ita abia.”

NEHEMIA 8:10 Iomraidhean Croise

1 KING TAUDIA 8:66

Dina namba 8 dekenai Solomona ese taunimanima ia siaia lao. Idia ibounai ese Solomona idia hanamoa, bona edia ruma dekenai idia lao, mai edia moale bona mai edia lalona namo danu, Lohiabada ese iena hanamoa ibounai, be iena hesiai tauna Davida, bona iena bese Israela dekenai ia hedinaraia dainai.

1 SIVARAI 16:27

Lohiabada be mai ena hairaina, bona ia be mai King Badana ena siahu danu. Iena Dubu Helaga lalonai, iena goada bona iena moale idia noho momokani.

NEHEMIA 8:11

Unai bamona dala dekenai Levi taudia ese taunimanima ibounai edia huanai idia lao, idia hamaoroa do idia lalohisihisi lasi, dina be ia helaga namo herea dainai.

NEHEMIA 8:12

Unai dainai taunimanima ibounai ta ta edia ruma, edia ruma dekenai idia lao, bona mai moale danu idia aniani bona inuinu, bona haida dekenai danu idia henia, badina be Esera ia gwauraia vadaeni hereva ena anina idia davaria vadaeni.

ESETA 9:19

Unai dainai Iuda taudia, hanua maragidia, mai edia magu lasi hanuadia lalonai idia noho, ese lagani ta ta hua ladana Adara ena dina namba 14 be edia laga-ani bona moale dina badana idia halaoa. Inai dina dekenai aniani bada idia ania hebou, bona harihari gaudia be idia ta ta dekenai idia henia.

ESETA 9:22

Inai dinadia dekenai Iuda taudia ese idia ura hadikaia taudia dekena amo kwalimu idia abia. Bona unai hua lalonai edia lalohisihisi bona taitai be idia ore, bona edia gabu dekenai moale bona laga-ani idia davaria. Morodekai ese Iuda taudia ia hamaoroa, unai dina ruaosi lalonai aria bona moale do idia karaia, bona idia ta ta dekenai, bona ogogami taudia dekenai harihari gaudia do idia henia.

SALAMO 149:2

Israela taudia ese, idia ia karaia Diravana do idia moalelaia. Siona taudia ese edia King do idia moalelaia be namo.

SALAMO 89:17

Oi ese ai dekenai kwalimu bada oi henia noho. Oiemu lalokau bona bogahisihisi dainai, tuari lalonai kwalimu ai dekenai oi henia noho.

AONEGA HEREVADIA 17:22

Iena kudouna ia moale tauna ese namo ia havaraia noho, muramura namona bamona, to laloa metau tauna ese turia dika gorere ia havaraia noho.

HADIBAIA TAUNA 11:2

Oiemu harihari gaudia be taunimanima momo dekenai do oi henia, badina be oi diba lasi edena negai dika oi dekenai do ia ginidae.

HADIBAIA TAUNA 2:24

Tau ta ena dala namo herea be inai: Do ia aniani, do ia inuinu, bona iena hekwarahi dekena amo ia abia gaudia do ia moalelaia. Ma egu lalona ia kehoa, inai bamona moale be Dirava ese ia henia noho.

HADIBAIA TAUNA 3:13

Ita ibounai ese iseda gaukara ena anina do ita moalelaia, do ita aniani bona inuinu. Inai be Dirava ena harihari gauna.

HADIBAIA TAUNA 5:18

To inai dala tamona lau itaia, ia be namo bona hegeregere: Dirava ese mauri dina momo lasi taunimanima dekenai ia henia. To tau ta be do ia aniani, do ia inuinu, bona iena gaukara dekena amo ia abia gaudia do ia moalelaia, badina iena ahuna korikori be unai.

HADIBAIA TAUNA 9:7

Do oi lao, oiemu aniani do oi ania mai moale danu, bona uaina do oi inua, mai lalona namo danu. Badina be Dirava ese oiemu kara dekenai ia laloa namo vadaeni.

SOLOMONA ENA ANE 5:1

Egu lalokau, egu adavana e, egu uma lalonai lau raka vareai vadaeni. Egu muro, bona egu bonana namo muramura lau haboua noho. Egu hani, bona bi ena hani haboua ruma lau ania noho, egu uaina bona rata lau inua noho. Aiemai turadia e, do umui aniani, bona inuinu. Umui lalokau tauna bona hahine e, do umui inua momo.

ISAIA 49:5

Lau be do lau vara lasi neganai, Lohiabada ese lau ia abia hidi. Ia ese iena Hesiai Tauna lau ia halaoa, lau ese iena taudia do lau hakaua lou totona. Ia ura Israela taudia, idia boio taudia, be do lau hakaua lou. Lohiabada ese iena mataurai lau dekenai ia henia noho. Lohiabada be egu goada ena badina.

ISAIA 61:10

Ierusalema be ia moale bada noho, Lohiabada ese ia karaia vadaeni gaudia dainai. Ierusalema be headava matamata hahine bamona, iena headava totona dabua namona ia karaia noho. Dirava ese hamauria ena dabua, be Ierusalema dekenai ia atoa vadaeni. Kwalimu danu Lohiabada ese Ierusalema dekenai ia henia vadaeni.

IOELA 2:23

“Siona taudia e, do umui moale. Lau Lohiabada, emui Dirava ese, umui totona lau karaia gaudia dainai do umui moale. Lau ese umui dekenai, medu hegeregerena lau henia vadaeni, uhe do umui hadoa totona. Bona lau ese medu momo umui dekenai lau siaia vadaeni, guna lau siaia hegeregerena.

SEKARAIA 14:21

Uro ibounai Ierusalema dekenai bona Iuda dekenai be do idia helaga, edia biagudia ese unai uro do idia makaia, Siahu Ibounai Lohiabada tomadiho henia karadia totona. Unai dainai taunimanima ese boubou totona idia mailaia vamu, be inai uro edia lalonai vamu do idia nadua. Bona unai neganai danu, hoihoi tauna ta be Siahu Ibounai Lohiabada ena Dubu Helaga lalonai do ia noho lou lasi, lasi momokani.

LUKA 11:41

To emui kapusi bona mereki lalonai gaudia be ogogami taudia dekenai do umui harihari henia, vadaeni gau ibounai umui dekenai be do idia goeva.

2 KORINTO 8:2

Hisihisi bada idia davaria gaudia ese edia haheauka idia tohoa, to edia moale be ia bada herea noho. Momokani edia ogogami be ia bada, to edia durua idia henia bada herea.

FILIPI 3:4

Lau ese tauanina ena toana gaudia lau abidadama henia diba. Sedira tau haida ese tauanina ena toana idia abidadama henia, to lau ese idia lau hereaia diba.

APOKALUPO 11:10

Bona tanobada taudia be idia ruaosi edia mase dainai do idia moale bada. Edia turana ta ta dekenai harihari gaudia do idia henia, edia moale hedinaraia ena toana. Badina korikori be unai peroveta taudia ruaosi ese tanobada taudia idia hisihisi henia bada herea dainai.

1 SAMUELA 25:8

Bema inai taudia oi nanadaia neganai, idia edia haere be unai bamona sibona oi dekenai. Hari oi be aria badana do oi karaia, bona Davida ia ura inai eregabe taudia dekenai do oi bogahisihisi henia. Mani emu kara, oi dekenai ia noho gauna be ai, oiemu hesiai taudia dekenai, bona oiemu natuna Davida dekenai do oi henia.’ ”