NEHEMIA 8:1 - Buka Helaga (Hiri Motu) 1993

¹ Hua namba 7 lalonai, Israela taudia be ibounai edia hanua ta ta dekenai idia noho lou. Unai hua ena dina ginigunana dekenai idia ibounai Ierusalema dekenai idia haboua, Ranu ena Ikoukou ena ariara lalonai. Vadaeni idia ese Taravatu hadibaia tauna Esera idia hamaoroa, Mose ena Taravatu Buka, Lohiabada ese Israela dekenai ia henia gauna, do ia mailaia.

NEHEMIA 8:1 Iomraidhean Croise

2 KING TAUDIA 23:2

Vadaeni king Iosaia ese idia ia hakaua lao Lohiabada ena Dubu Helaga dekenai. Peroveta taudia bona hahelagaia taudia danu ese king idia bamoa, Ierusalema dekenai idia noho taudia ibounai danu, kohu momo taudia bona ogogami. Vadaeni Iosaia ese Taravatu Buka, Lohiabada ena Dubu lalonai idia davaria gauna, ena hereva ibounai, be edia vairanai ia duahia hedinarai.

2 SIVARAI 34:15

Vadaeni Hilekaia ese toretore tauna Sapana ia hamaoroa, ia gwau, “Lau ese Taravatu Buka lau davaria, Lohiabada ena Dubu lalonai.” Bona Hilekaia ese Buka be Sapana dekenai ia henia.

2 SIVARAI 34:30

Vadaeni king Iosaia ese idia ia hakaua lao Lohiabada ena Dubu Helaga dekenai. Hahelagaia taudia bona Levi taudia ese king idia bamoa, Iuda taudia ibounai danu, kohu momo taudia bona ogogami taudia. Vadaeni Iosaia ese Taravatu Buka, Lohiabada ena Dubu Helaga lalonai idia davaria gauna, ena hereva ibounai idia dekenai ia duahia hedinarai.

ESERA 7:1

Lagani haida murinai, Aratasaseta be Parasa ena king neganai, tau ta ladana Esera ia noho. Esera ena sene tauna be hahelagaia tauna, Arona. Esera be Seraia ena natuna. Seraia be Asaraia ena natuna, Asaraia be Hilekaia ena natuna.

ESERA 7:10

Esera ese mai ena lalona ibounai, Lohiabada ena Taravatu ia tahua, bona ena kara ia karaia danu. Ia ese danu, unai taravatu bona oda herevadia ibounai be Israela taudia dekenai ia hadibaia.

ESERA 7:11

King Aratasaseta ese revareva ta Esera dekenai ia henia. Esera be Lohiabada ese Israela dekenai ia henia taravatu bona oda ibounai ia diba namonamo. Revareva be inai:

ESERA 7:6

Inai Esera be Babulonia dekena amo Ierusalema dekenai ia daekau mai. Ia be hadibaia tauna ta, bona ia be Mose dekenai Lohiabada, Israela ena Dirava ese ia henia Taravatu ia diba momokani. King Aratasaseta ese Esera ena ura ibounai ia karaia, badina be Lohiabada, iena Dirava be Esera dekenai ia noho.

NEHEMIA 12:26

Inai taudia be Ioiakimi ena nega lalonai idia noho. Ioiakimi be Iosua Iosadaka ena natuna. Unai neganai danu be gavana tauna Nehemia, bona hahelagaia tauna Esera, Taravatu ia tahua, bona ia hadibaia tauna, edia nega.

NEHEMIA 12:37

Ranu Lohilohi ena Ikoukou dekenai idia ginidae, vadaeni maoromaoro vadavada dekenai idia daekau lao, Davida ena Hanua dekenai, bona Davida ena ruma idia hanaia. Bona magu ena latanai ma idia raka lao ela bona Ranu ena Ikoukou, dina ia daekau kahana dekenai idia ginidae.

NEHEMIA 3:26

bona Opele ena ororo dekenai idia noho Dubu Helaga hesiai taudia ese magu ma idia hanamoa lao, ela bona Ranu ena Ikoukou ena dina daekau kahanai, bona unai ataiai kohoro ia vaira henia gabuna dekenai.

NEHEMIA 8:16

Unai dainai taunimanima idia raka lao, rigi idia gogoa, au raurau ruma maragidia idia karaia totona. Vadaeni edia ruma guhi latanai, edia ruma ariara gabudia lalonai, Dirava ena Dubu Helaga ena magu lalonai ariara, bona Ranu ena Ikoukou ena ariara dekenai, bona Eparaima ena Ikoukou ena ariara dekenai danu unai au raurau ruma maragidia ibounai idia haginia.

NEHEMIA 8:3

Unai Ranu ena Ikoukou ena ariara lalonai Esera ese Taravatu ia duahia, daba rere negana ela bona dina tubu, bona idia ibounai ese unai hereva idia kamonai namonamo.

ISAIA 8:20

To umui ese idia do umui haere henia, umui gwau, “Lohiabada ena hadibaia hereva umui dekenai do umui kamonai! Meamea bona lauma tahua taudia do umui kamonai henia lasi. Badina be umui dekenai idia hamaoroa gaudia ese umui do idia hanamoa diba lasi.”

LEVITIKO 9:5

Vadaeni Mose ese ia gwauraia gaudia idia ese Palai Dubu ena vairana dekenai idia mailaia, bona taunimanima ibounai idia raka mai kahirakahira, Lohiabada ena vairanai idia gini.

MALAKI 4:4

“Lauegu hesiai tauna Mose ena Taravatu do umui laloaboio lasi. Lau ese Sinai Ororo dekenai inai Taravatu bona oda Mose dekenai lau henia, Israela taudia ese do idia kamonai henia totona.

MATAIO 13:52

Vadaeni Iesu ia hamaorodia, ia gwau, “Unai dainai bema taravatu hadibaia tauna ta be Guba Basileia ena diba tahua tauna do ia halaoa neganai, ia be ruma badana ena biaguna ta bamona. Ia ese kohu matamata bona kohu gunana danu edia haboua gabuna dekena amo do ia kokia, vadaeni idia do ia hedinaraia.”

MATAIO 23:13

“Taravatu hadibaia taudia bona Farisea taudia, kara koikoi taudia, dika do umui davaria momokani! Badina Guba Basileia ena iduara be taunimanima edia vairana dekenai umui koua. Umui be do umui raka vareai diba lasi, bona do idia raka vareai gwauraia taudia be umui ese umui koua.

MATAIO 23:2

ia gwau, “Taravatu hadibaia taudia bona Farisea taudia be Mose ena taravatu anina idia gwauraia noho.

MATAIO 23:34

“Inai dainai lau ese peroveta taudia bona aonega taudia bona Buka Helaga hadibaia taudia do lau siaia umui dekenai. Vadaeni haida be do umui alaia mase, oibe, haida do umui hasatauroa. Ma haida be dubu lalonai do umui botaia, bona do umui lulua, hanua ta dekena amo ia lao ma hanua ta.

DEUTERONOMI 31:11

Israela taudia ese Lohiabada emui Dirava ena vairanai, bona iena abia hidi gabuna dekenai idia haboua mai neganai, inai Taravatu do umui duahia hedinarai, idia ibounai do idia kamonai.

GUNALAIA TAUDIA 20:1

Vadaeni Israela taudia ibounai ese inai hereva idia kamonai, bona idia ibounai be mai lalona tamona Lohiabada ena vairana dekenai idia haboua Misipa dekenai, Dano dekena amo, ela bona Bere Sieba, bona Gileada kahana dekena amo danu.

GUNALAIA TAUDIA 20:8

Vadaeni unai hebou taudia ibounai idia toreisi, tau tamona ia toreisi bamona, idia gwau, “Ita ta be iena palai ruma dekenai do ia lao lasi, bona ita ta ta be iseda ruma dekenai do ita giroa lou lasi.