NEHEMIA 7:2 - Buka Helaga (Hiri Motu) 1993

² lau ese egu tadina Hanani bona kohoro ena biaguna Hananaia lau abia hidi, Ierusalema naria gaukara do idia karaia totona. Hananaia be abidadama tauna bona Dirava ia gari henia tauna, bona iena kara maoromaoro ese taunimanima momo edia kara maoromaoro ia hereaia.

NEHEMIA 7:2 Iomraidhean Croise

GENESE 42:18

Dina ihatoina dekenai Iosepa ese ia hereva henidia, ia gwau, “Inai bamona umui karaia, vadaeni dohore umui mauri, badina be lau danu Dirava dekenai lau gari.

2 SAMUELA 23:3

Israela ena Dirava be ia hereva vadaeni. Israela ia gimaia Diravana ese lau dekenai ia hereva, ia gwau: ‘Taunimanima ia biagua namonamo king tauna, bema ia ese taunimanima ia biagua mai maoromaoro danu, Dirava ena hereva hegeregere neganai,

1 KING TAUDIA 18:12

To lau diba lasi edena gabu dekenai Lohiabada ena Lauma ese oi do ia abia lao. Vadaeni bema lau ese Ahaba lau hamaoroa, ‘Elia be iniseni,’ to bema oi ia davaria lasi neganai, ia ese lau do ia alaia mase. Oi diba lau be Lohiabada lau tomadiho henia noho, lauegu mero neganai ia mai bona harihari.

1 KING TAUDIA 18:3

Unai dainai Ahaba ese Obadaia ia boiria. Obadaia ese king ena ruma hesiai taudia ia gunalaia. Obadaia danu be Lohiabada ia tomadiho henia tauna ta.

NEHEMIA 1:2

Vadaeni lauegu varavara tauna ta, ena ladana Hanani be tau haida danu Iuda dekena amo idia mai. Lau ese idia lau nanadaia, Iuda taudia, Babulonia dekena amo Iuda dekenai idia giroa lou, edia noho be edena bamona.

NEHEMIA 10:23

Hosea, Hananaia, Hasubu,

NEHEMIA 13:13

Lau ese inai kohu haboua daiutu edia naria taudia lau abia hidi, edia ladadia be inai: Selemaia, hahelagaia tauna, Sadoka, Taravatu tahua tauna, bona Pedaia, Levi tauna. Idia durua totona lau ese Hanana, Sakuru Matanaia ena natuna lau abia hidi. Badina lau diba inai taudia be kara momokani taudia, bona idia ese idia edia varavara Levi taudia edia gaukara davana do idia henia mai maoromaoro danu.

NEHEMIA 2:8

Bona revareva ta danu, Asapa, king ena uda naria tauna dekenai, vadaeni ia ese au do ia henia, Dubu Helaga ena kohoro ena ikoukou, bona hanua ena magu, bona lau do lau noholaia ruma haginia gaudia.” Vadaeni king ese lau noia gaudia ibounai lau dekenai ia henia, badina be Dirava ese iena durua namona lau dekenai ia henia dainai.

NEHEMIA 5:15

Gavana taudia gunadia, lau idia gunalaia taudia, ese takisi metauna taunimanima dekena amo idia abia, dina ta ta ibounai siliva moni 40, bona aniani bona uaina danu. Edia hesiai taudia ese danu taunimanima idia dagedage henidia. To lau ese Dirava lau gari henia dainai, unai bamona lau karaia lasi.

NEHEMIA 7:3

Lau ese idia lau hamaoroa, idia ese Ierusalema ena magu iduara bona ikoukou do idia kehoa lasi ela bona dina do ia siahu, bona idia ese edia gima gaukara do idia rakatania lasi neganai, dina diho neganai, iduara ibounai be auri dekena amo do idia koua bona lokaia. Bona Ierusalema noho taudia edia huanai dekena amo gima taudia lau abia hidi, ta ta ena gabu, ena gabu dekenai, bona ta ta ena ruma, ena ruma kahana ibounai, do idia gimaia.

IOBU 1:1

Usu tanona dekenai tau ta ena ladana Iobu ia noho. Ia be kerere ta lasi, bona kara maoromaoro tauna. Ia ese Dirava dekenai ia gari, bona kara dika dekena amo ia siri.

SALAMO 101:6

Dirava idia abidadama henia taudia, be be mai laloa namo danu do lau abia dae. Idia be lau dekenai do idia noho. Kerere lasi taudia sibona, be lauegu hesiai gaukara do idia karaia.

ESODO 18:21

Tau haida, mai edia aonega danu do oi abia hidi, Dirava dekenai idia gari taudia, bona moni abia hunia dala karana idia ura lasi taudia. Taunimanima gunalaia taudia do oi halaodia, 1000 ta ta edia gunalaia taudia, 100 ta ta edia gunalaia taudia, 50 ta ta edia gunalaia taudia, 10 ta ta edia gunalaia taudia.

DANIELA 6:4

Unai neganai unai lohia taudia edia biaguna rua bona lohia taudia ibounai ese Daniela ena gaukara dekenai kerere idia tahua, to idia davaria lasi, badina iena gaukara ibounai be ia maoro sibona. Daniela dekenai gageva karana ta o kerere karana ta be lasi.

NUMERA 12:7

To lauegu hesiai tauna Mose dekenai be inai bamona lau hedinarai lasi. Ia be lauegu bese Israela taudia edia naria tauna.

MATAIO 24:45

“Hesiai tauna mai ena kamonai, bona mai ena kara maoromaoro, iena biaguna ese ia abia hidi, iena ruma do ia naria, bona biaguna ena natuna edia aniani neganai edia aniani do ia henia, tauna be daika?

MATAIO 25:21

Iena biaguna ia haere, ia gwau, ‘Namo herea! Oi be hesiai tauna namona, kara maoromaoro tauna. Gau momo lasi oi naria namonamo dainai, gau momo edia biaguna do lau halaoa oi. Oi mai, oiemu biaguna danu do ita moale hebou.’

1 KORINTO 4:2

Hesiai tauna ena gaukara lalonai gau badana momokani be inai: Iena biaguna ena ura do ia karaia momokani.

2 TIMOTEO 2:2

Lauegu hadibaia hereva, be oi ese oi kamonai vadaeni, bona taunimanima momo edia vairanai lau gwauraia. Inai hadibaia hereva be abidadama goada taudia dekenai ma do oi gwauraia. Vadaeni idia ese ma taunimanima haida dekenai unai hereva do idia gwauraia lou.