NEHEMIA 6:9 - Buka Helaga (Hiri Motu) 1993

⁹ Idia ibounai idia ura ai idia hagaria momokani, ai ese magu gaukara dekenai do ai manoka bona gaukara do ai hadokoa totona. Unai lau diba dainai lau ese lau gaukara goada momokani.

NEHEMIA 6:9 Iomraidhean Croise

2 SIVARAI 15:7

To umui Iuda taudia ese gaukara namona do umui karaia noho. Do umui gini goada, bona do umui laloa manoka lasi, badina davana namona do umui davaria Dirava dekena amo.”

2 SIVARAI 32:18

Unai hereva be Senakeriba ena hereva gwauraia taudia ese mai boiboi bada danu Heberu gado dekenai idia gwauraia, Ierusalema taudia, magu dekenai idia gini taudia, do idia kamonai diba totona. Idia ura do idia hagaridia, bona edia lalodia do idia hamanokaia, hanua do idia abia haraga totona.

ESERA 1:6

Edia badibadinai taudia ibounai ese idia durua. Kohu momo idia henia, hegeregere siliva gaudia, golo, kohu bona aniani, hosi bona doniki, kohu namodia idauidau, bona Dubu Helaga dekenai henia totona ubua gaudia, harihari gaudia.

NEHEMIA 6:14

Lau guriguri, lau gwau, “Egu Dirava e, Tobaia bona Sanubalata edia kara unai bamona mani do oi laloatao, bona peroveta hahine Noadaia bona peroveta taudia haida danu, lau idia hagaria gwauraia taudia edia kara danu do oi laloatao.”

SALAMO 138:3

Lau ese oi dekenai lau boiboi neganai, egu noinoi oi kamonai henia, bona oiemu goada dekena amo lau oi hagoadaia momokani vadaeni.

SALAMO 56:3

Siahu Ibounai Lohiabada, lau be lau gari neganai oi dekenai do lau abidadama henia.

SALAMO 68:35

Dirava be iena helaga gabuna lalonai. Ita ese ia dekenai ita gari bona matauraia be namo. Ia be Israela ena Dirava. Ia ese siahu bona goada, iena bese taudia dekenai ia henia noho. Dirava do ita hanamoa!

SALAMO 71:1

Lohiabada e, oi sibona lau abidadama henia noho. Lau do oi durua, vadaeni nega ta hemarai ese lau do ia abia lasi.

ISAIA 40:29

Manoka bona hesiku taudia be Lohiabada ese ia hagoadaia noho, bona goada lasi taudia edia goada ia habadaia noho.

ISAIA 41:10

Do umui gari lasi, lau be umui dekenai lau noho! Lau be umui emui Dirava, gau ta ese umui do ia hagaria lasi. Lau ese umui do lau hagoadaia, bona umui do lau durua. Lau ese umui do lau naria, bona umui do lau hamauria.

IEREMIA 38:4

Vadaeni hanua ena tau badadia be king dekenai idia lao, idia gwau, “Inai tau be do ia mase namo. Badina be inai bamona ia hereva noho dainai, inai hanua ena tuari taudia edia lalona idia manoka lao noho. Bona taunimanima ibounai danu, hanua lalonai do noho taudia, edia lalona idia manoka lao noho, inai tau ena hereva dainai. Ieremia ese taunimanima ia durua lasi, ia ese ia hadikadia noho sibona.”

ESEKIELA 30:24

Lau ese Babulonia ena king ena imana do lau hagoadaia, bona egu tuari kaia be iena imana dekenai do lau atoa. To Aigupito ena king ena imana do lau hamakohia. Ia be do ia tai mai boiboi danu, bona do ia mase Babulonia ena king ena vairana dekenai.

SEKARAIA 10:12

Lau ese egu bese taudia do lau hagoadaia. Idia ese lau do idia tomadiho henia, bona lau do idia kamonai henia. Lau Lohiabada, lau hereva inai.”

2 KORINTO 12:9

To ia ese lau ia hamaoroa, ia gwau, “Lauegu hariharibada be oi dekenai ia hegeregere momokani vadaeni. Badina be lauegu siahu be manokamanoka tauna lalonai ia hedinarai momokani.” Unai dainai, lauegu manoka do lau heagilaia mai moale danu, vadaeni Keriso ena siahu lau dekenai do ia noho.

EFESO 3:16

Dirava lau noia, iena hairaina bona kohu momo dekena amo, umui dekenai Lauma Helaga ena siahu do ia henia. Vadaeni umui emui lalona bona kudouna do idia goada.

EFESO 6:10

Lauegu hereva dokona be inai: Lohiabada ena siahu dekena amo do umui siahu, bona Lohiabada ena goada dekena amo do umui goada.

FILIPI 4:13

Keriso ese lau ia hasiahua, vadaeni gau ibounai lau goadalaia diba.

HEBERU 12:12

Vadaeni, umui emui imana idia manoka neganai, do umui abia isi, do umui ha-aukaia. Bema emui tuina idia heudeheude neganai, do umui gini goada noho.

1 PETERO 5:10

Umui be nega sisina do umui hisihisi, vadaeni gabeai, hariharibada ibounai Diravana ese umui do ia hanamoa lou momokani, umui do ia haginia goada, bona emui abidadama do ia hagoadaia. Oibe, inai Dirava ese umui ia boiria vadaeni, iena noho hanaihanai hairaina Keriso Iesu danu do umui abia hebou totona.

1 SAMUELA 30:6

Davida ena lalona be ia hisihisi bada, badina be iena tuari taudia ese nadi dekenai ia do idia hodoa mase totona idia herevalaia. Badina idia ibounai edia lalona be dika, edia natudia memero bona kekeni dainai. To Davida ese Lohiabada dekena amo goada ia davaria, iena Dirava dekenai ia abidadama henia dainai.