NEHEMIA 6:6 - Buka Helaga (Hiri Motu) 1993

⁶ Revareva ena hereva anina be inai: “Bese idauidau edia huanai idia herevalaia noho, bona Geseme ese danu ia gwauraia noho, oi bona Iuda taudia ese do umui dagedage, bona unai dainai magu umui haginia noho, bona oi ura Iuda edia king dagi do oi abia.

NEHEMIA 6:6 Iomraidhean Croise

ESERA 4:12

“King e, ai ura oi diba, oiemu tano dekena amo iniseni idia mai Iuda taudia be Ierusalema dekenai idia lao vadaeni. Idia ese unai dagedage bona kara dika hanua be ma idia haginia lou noho. Hanua ena magu idia haginia noho, bona nega sisina lalonai do idia haorea.

ESERA 4:15

vadaeni oiemu sene taudia edia sivarai buka lalonai do idia tahua. Unai sivarai buka lalonai do idia davaria, inai hanua Ierusalema be dagedage hanua, king bona basileia lohia taudia hadikaia gabuna. Nega gunadia dekena amo taravatu utua karadia be inai hanua lalonai idia tubu, unai dainai inai hanua idia hadikaia ore.

NEHEMIA 2:19

To Sanubalata, Horono tauna, bona Tobaia, Amono tau badana ta, bona Geseme, Arabia tauna, be idia kamonai, vadaeni ai dekenai idia kirikiri bona idia hereva dika, idia gwau, “Umui be dahaka umui karaia noho? Umui ese king Aratasaseta do umui dagedage henia, a?”

NEHEMIA 6:13

Idia ese moni dekenai Semaia idia hoia, iena hereva dekenai do lau gari, bona unai kara do lau karaia, vadaeni do lau kerere totona. Bona bema unai kerere lau karaia neganai, egu ladana do idia hadikaia, vadaeni hemarai do lau davaria.

NEHEMIA 6:5

Vadaeni Sanubalata ese iena hesiai tauna ta lau dekenai ia siaia, iena imana dekenai be revareva ta, koua lasi gauna.

NEHEMIA 6:7

Bona idia gwau danu oi ese peroveta taudia haida danu be Ierusalema dekenai oi haginia vadaeni, idia ese oi do idia gwauraia hedinarai, oi be Iuda ena king totona. Harihari inai hereva be king Aratasaseta ese do ia kamonai. Unai dainai inai kara be oi bona lau do ita herevalaia hebou be namo.”

IEREMIA 20:10

Taunimanima momo edia herevahereva, mai regena bada lasi gaudia lau kamonai noho, idia gwau, “Gari bada ese taunimanima ibounai ia abia noho. Ita toreisi harihari, Ieremia do ita samania, do ita samania!” Bona egu turana taudia danu idia ura lau be do lau moru. Idia hereva noho, idia gwau, “Sedira ita koia diba, vadaeni ita dogoatao diba, bona iena kerere davana do ita henia diba.”

MATAIO 5:11

“Bema egu murinai umui raka dainai idia hadikaia umui, bona idia hisihisi henia umui, bona hereva dika mai koikoi danu idia gwauraia loaloa umui totona lau dainai, umui danu namo.

LUKA 23:2

Ia dekenai idia samania hamatamaia, idia gwau, “Inai tau ai davaria, aiemai bese taudia dekenai ia hereva henia mai goada danu, Kaisara ena takisi moni henia totona ia gwauatao, bona sibona ia gwauraia ia be Keriso, king ta.”

IOANE 19:13

Pilato ese unai hereva ia kamonai, vadaeni ia ese Iesu ma ia hakaua murimuri dekenai. Vadaeni ia ese kota henia gabuna dekenai ia helai diho, unai gabu ena ladana be Nadi Dehena. Heberu gado dekenai ena ladana be Gabata.

ROMA 3:8

Haida be idia laloa kerere, idia gwau, “Dirava ese hairai do ia abia totona, namona be kara dika ita karaia.” Bona haida ese lau idia hadikaia, idia gwau, “Paulo be inai bamona laloa ia hadibaia noho.” Inai bamona lau idia samania koikoi taudia be Dirava ese edia kerere davana do ia henia.

2 KORINTO 6:8

Haida ese ai idia hanamoa, haida ese ai idia hahemaraia. Haida idia gwau aiemai kara be dika, haida idia gwau ai be kara namo taudia. Haida idia gwau ai be koikoi taudia, to hereva momokani ai gwauraia.

1 PETERO 3:16

Mai emui laloa maoromaoro do umui noho. Vadaeni umui dekenai idia hereva dika henia, Keriso umui badinaia dainai, unai taudia ese do idia hemarai. Edia hemarai ena badina be, emui kara namodia idia itaia dainai.