NEHEMIA 6:13 - Buka Helaga (Hiri Motu) 1993

¹³ Idia ese moni dekenai Semaia idia hoia, iena hereva dekenai do lau gari, bona unai kara do lau karaia, vadaeni do lau kerere totona. Bona bema unai kerere lau karaia neganai, egu ladana do idia hadikaia, vadaeni hemarai do lau davaria.

NEHEMIA 6:13 Iomraidhean Croise

NEHEMIA 6:12

Unai neganai egu lalona ia kehoa, lau diba vadaeni, Dirava ese unai peroveta hereva ia siaia lasi, to unai peroveta tauna ese lau hadikaia totona unai hereva ia gwauraia, Tobaia bona Sanubalata ese moni idia henia dainai.

NEHEMIA 6:6

Revareva ena hereva anina be inai: “Bese idauidau edia huanai idia herevalaia noho, bona Geseme ese danu ia gwauraia noho, oi bona Iuda taudia ese do umui dagedage, bona unai dainai magu umui haginia noho, bona oi ura Iuda edia king dagi do oi abia.

AONEGA HEREVADIA 22:1

Ladana namona tauna ese, kohu momo tauna ia hereaia noho. Bema ladana namo bona kohu momo ruaosi, edia huanai ta oi abia hidi neganai, ladana namona do oi abia hidi.

AONEGA HEREVADIA 29:5

Bema oiemu turana oi hanamoa koikoi neganai, oi ese oi sibona oiemu tarapu oi karaia noho inai.

HADIBAIA TAUNA 7:1

Tau ta ena ladana namona ese davana bada muramura mai bonana namo ia hereaia noho. Bona tau ena mase dinana ese iena vara dinana ia hereaia noho.

ISAIA 51:7

“Kara maoromaoro umui diba taudia e, egu taravatu be emui kudouna lalonai ia noho taudia e! Egu hereva do umui kamonai! Taunimanima ese umui idia gwau henia neganai, bona umui dekenai idia hereva dika neganai, do umui gari lasi.

ISAIA 57:11

To Lohiabada ia gwau, “Inai dirava be daika, vadaeni idia dekenai umui gari? Idia be daika, vadaeni umui ese lau umui koia, bona lau dekenai umui laloa lasi? Nega daudau lau be lau hereva lasi, unai dainai lau dekenai umui gari lasi, a?

IEREMIA 1:17

“Ieremia e, do oi hegaegae! Do oi toreisi, bona lau ese oi dekenai lau oda herevadia ibounai, be idia dekenai do oi hamaoroa. Bona idia dekenai do oi gari lasi, gabeai idia edia vairanai oi noho neganai, lau ese oi do lau hagaria garina.

IEREMIA 18:18

Taunimanima be idia hereva hebou, idia gwau, “Umui mai, Ieremia hadikaia dalana do ita laloa. Badina be nega ibounai hahelagaia taudia be ita dekenai idia noho, aonega taudia danu ita danu idia noho, ita idia sisiba henia totona. Peroveta taudia danu be idia noho, Dirava ena hereva ita dekenai do idia mailaia. Namona be Ieremia do ita samania, bona iena hereva do ita kamonai henia lou lasi.”

IEREMIA 20:10

Taunimanima momo edia herevahereva, mai regena bada lasi gaudia lau kamonai noho, idia gwau, “Gari bada ese taunimanima ibounai ia abia noho. Ita toreisi harihari, Ieremia do ita samania, do ita samania!” Bona egu turana taudia danu idia ura lau be do lau moru. Idia hereva noho, idia gwau, “Sedira ita koia diba, vadaeni ita dogoatao diba, bona iena kerere davana do ita henia diba.”

ESEKIELA 2:6

“To oi, tanobada tauna e, idia dekenai do oi gari lasi, bona edia hereva dekenai do oi gari lasi. Idia ese oi do idia dagedage henia, bona oi do idia matauraia lasi. Oi be idia edia huanai do oi noho neganai idia edia kara oi dekenai be dika, doadoa edia kara bamona. To idia dekenai do oi gari lasi, bona edia hereva dekenai do oi gari lasi.

MATAIO 10:28

Tauanina be do idia alaia diba, to lauma be do idia alaia diba lasi taudia dekenai do umui gari lasi. To lauma bona tauanina ruaosi lahi ia araia gabuna dekenai do ia alaia mase diba Diravana dekenai be do umui gari, be namo.

MATAIO 22:15

Vadaeni Farisea taudia be idia sibona idia herevahereva, Iesu ena hereva dekena amo edena bamona do idia hakererea, vadaeni do idia guia.

MATAIO 26:59

Vadaeni dubu biagudia bona kaunsolo taudia ibounai ese Iesu dekenai samania koikoi idia gwauraia taudia idia tahua mai hekwarahi danu, alaia totona ena badina idia davaria gwauraia.

APOSETOLO EDIA KARA 6:13

Unuseni samania koikoi taudia idia haginia, idia gwau. “Inai tau be nega ibounai iena hereva dekenai inai Dubu Helaga bona Mose ena taravatu ia hadikaia.

2 KORINTO 11:12

To unai tau haida idia ura sibodia edia ladana idia abia isi, vadaeni taunimanima do idia laloa unai taudia edia kara be ai aposetolo emai kara hegeregerena. Inai taudia edia dala koua totona lau gaukara noho. Bona unai dainai egu gaukara be ma do lau karaia noho.

1 TIMOTEO 5:14

Unai dainai lau ura vabu hahine matamata taudia be do idia headava lou, natuna do idia havaraia, bona edia ruma taudia do idia naria. Bema unai bamona neganai, iseda orea idia dagedage henia taudia be dala lasi iseda latanai hereva dikadia do idia gwauraia.

2 TIMOTEO 1:7

Badina be Dirava ese gari laumana ita dekenai ia henia lasi, to siahu bona lalokau bona aonega Laumana ita dekenai ia henia vadaeni.

TITO 2:8

Vadaeni oiemu hereva be maoromaoro dainai, tau ta ese oi do ia gwauraia kerere diba lasi. Bona oi idia ura henia lasi taudia be do idia hemarai, badina be iseda dika ta do idia herevalaia diba lasi.

IAMESI 4:17

Unai dainai, inai do umui laloa namonamo: Bema kara namona karaia ena dala oi diba, to oi karaia lasi, unai be oi kara dika.

APOKALUPO 21:8

To lau badinaia totona idia gari taudia, abidadama lasi taudia, kara bodaga taudia, taunimanima idia alaia taudia, lebulebu taudia, meamea taudia, kaivakuku dekenai idia tomadiho henia taudia, bona koikoi taudia ibounai, idia ibounai edia davana be dika. Idia be unai gohu, lahi bona salipa idia araia noho gabuna lalonai do idia lao. Inai be mase iharuana.”