NEHEMIA 6:11 - Buka Helaga (Hiri Motu) 1993

¹¹ To lau gwau, “Lau hegeregerena tauna ta do ia heau bona hunia, a? Oi laloa tau ta, lau hegeregerena, bema Dubu Helaga ena lalonai ia hunia neganai mauri do ia davaria diba, a? Lau be do lau raka vareai lasi momokani.”

NEHEMIA 6:11 Iomraidhean Croise

NEHEMIA 6:12

Unai neganai egu lalona ia kehoa, lau diba vadaeni, Dirava ese unai peroveta hereva ia siaia lasi, to unai peroveta tauna ese lau hadikaia totona unai hereva ia gwauraia, Tobaia bona Sanubalata ese moni idia henia dainai.

NEHEMIA 6:3

Unai neganai lau ese hereva idia dekenai lau siaia, lau gwau, “Lau ese gaukara badana ta lau karaia noho, bona lau rakatania diba lasi. Inai gaukara do lau hadokoa, bona oi dekenai do lau lao, a?”

NEHEMIA 6:9

Idia ibounai idia ura ai idia hagaria momokani, ai ese magu gaukara dekenai do ai manoka bona gaukara do ai hadokoa totona. Unai lau diba dainai lau ese lau gaukara goada momokani.

SALAMO 112:6

Tau namona be nega ta do idia hamorua lasi. Taunimanima ese ia do idia laloatao hanaihanai.

SALAMO 112:8

Ia be ia laloa hekwarahi lasi, bona ia gari lasi, badina ia diba momokani, ia idia hadikaia gwauraia taudia be, ia ese mai kwalimu danu edia moru do ia itaia.

AONEGA HEREVADIA 28:1

Kara dika taudia be ta ese, ia luludia lasi neganai idia heau kava noho, to kara maoromaoro taudia be idia gari lasi noho, laiona bamona.

HADIBAIA TAUNA 10:1

Bema muramura mai ena bonana namo lalonai, lao idia mase neganai, unai muramura ena bonana do ia dika. Unai bamona danu, kavakava sisina ese aonega, bona taunimanima matauraia kara ia hadikaia noho.

ISAIA 10:18

Asuria ena uda namodia momokani, bona iena uma namodia, be lau, Lohiabada ese do lau hadikaia ore, mase gorere ia abia tauna ena tauanina ia maragi lao bamona.

NUMERA 3:10

Oi ese Arona bona iena natuna tau do oi abia hidi, hahelagaia taudia dagi do idia karaia totona. Bona bema idau tauna ese inai gaukara helagana do ia karaia toho neganai, unai tau do umui alaia mase.”

APOSETOLO EDIA KARA 20:24

“To lauegu mauri lau laloa lasi, badina be lau ura lauegu heau lau haorea, bona egu gaukara, Lohiabada Iesu ese lau dekenai ia henia gaukara do lau haorea. Inai gaukara be, Dirava ena hariharibada Sivarai Namona do lau gwauraia hedinarai.

APOSETOLO EDIA KARA 21:13

To Paulo ia haere, ia gwau, “Dahaka dainai umui tai noho, bona egu lalona umui hamanokaia? Lau hegaegae vadaeni, Ierusalema dekenai lau do idia kwatua, to inai sibona lasi, to Lohiabada Iesu ena ladana dainai lau mase danu namo.”

APOSETOLO EDIA KARA 8:1

Saulo ese Stefano ena mase ia ura henia. Unai Stefano idia alaia dina dekenai dagedage bada ia vara hamatamaia, Ierusalema noho ekalesia taudia idia dagedage henidia, bona Keriso ena taudia idia lulua, vadaeni ibounai idia heau lao Iudea bona Samaria tano ibounai, aposetolo sibodia idia noho Ierusalema dekenai.

FILIPI 2:17

Emui abidadama be boubou gauna hegeregerena, umui ese Dirava dekenai umui henia. Bona bema egu mauri rarana be do idia habubua, unai emui boubou gauna do lau hahelagaia totona, lau be do lau moale, bona lauegu moale dainai, umui ibounai danu do umui moale.

FILIPI 2:30

Badina be Keriso ena gaukara totona Epafrodito kahirakahira ia mase. Iena mauri ia negea gwauraia, lau dekenai durua totona, bona umui karaia diba lasi durua gauna, be ia ese do ia karaia totona.

HEBERU 11:27

Mose ese Dirava ia abidadama henia. Unai dainai ia toreisi, Aigupito ia rakatania, king ena badu dekenai ia gari lasi. Mose ena lalona ia goada noho, ita itaia diba lasi Diravana, be Mose ese matana dekenai ia itaia bamona.

1 SAMUELA 19:5

Badina be ia ese iena mauri ia laloa lasi, to Pilistia tauna Goliata ia alaia mase. Unai dainai Lohiabada ese kwalimu badana Israela ibounai dekenai ia henia. Oi ese oi itaia, bona oi moalelaia. Unai dainai, dahaka dainai Davida do oi alaia kava gwauraia? Ia ese kerere ta ia karaia lasi.”