NEHEMIA 6:10 - Buka Helaga (Hiri Motu) 1993

¹⁰ Semaia, Delaia Mehetabele ena natuna ese ia gwau iena ruma ia rakatania diba lasi. Vadaeni iena ruma dekenai lau daekau neganai Semaia ia gwau, “Dirava ena Dubu Helaga lalonai do ita raka vareai, unuseni iduara do ita lokaia, bona Dubu ena lalonai do ita hunia, badina be hanuaboi lalonai oi alaia mase totona tau haida do idia mai.”

NEHEMIA 6:10 Iomraidhean Croise

GENESE 36:39

Bala Hanana Akaboro ia mase, vadaeni Hadada ese iena gabu ia abia. Iena hanua ena ladana be Pau, bona iena adavana ena ladana be Mehetabela. Ia be Matareda ena natuna, bona iena tubuna be Mesahaba.

1 KING TAUDIA 6:5

Dubu ena murimuri habana dekenai, ohena ruaosi bona murina kahanai, be hagegea rumana ta, 3 sitori rumana ta, Solomona ese ia haginia. Sitori ta ta edia ataiai latana be 2.2 mita.

2 KING TAUDIA 11:3

Inai mero Ioasa be lagani 6 lalonai Iehoseba ese ia naria, bona mai ena naria hahine danu, Dubu Helaga ena daiutu ta lalonai, hunia dekenai idia noho. Unai be Atalaia ese Iuda tano ena kwini dagi ia dogoatao noho neganai.

2 KING TAUDIA 9:8

Ahaba ena bese taudia ibounai do oi alaia ore, badina be Ahaba ena bese tatau bona memero ibounai, guia taudia bona guia lasi taudia, do lau alaia mase.

2 SIVARAI 28:24

Vadaeni Ahasa ese Dubu Helaga ena kohu ibounai ia haboua, bona ia utua maragimaragi, bona Lohiabada ena Dubu Helaga ena iduara ibounai ia koua momokani. Ia ese danu Ierusalema ena kahana ibounai dekenai boubou patadia ia haginia.

2 SIVARAI 29:3

Iena king lagani ginigunana ena hua ginigunana lalonai, Hesekaia ese Lohiabada ena Dubu Helaga ena iduaradia ia kehoa lou, bona ia hanamodia lou.

2 SIVARAI 29:7

“Dubu ena dehe iduaradia danu idia koua, bona lamepa ibounai idia habodoa, muramura mai bonana idia gabua lasi, bona gabua bouboudia idia henia lasi, Israela ena Dirava ena Dubu Helaga lalonai.

ESERA 10:31

Harimi ena iduhu dekena amo: Eliesere, Isihaia, Malekaia, Semaia, Simeona,

ESERA 8:16

Vadaeni Eliesere, Ariele, Semaia, Elinatana, Iaribi, Elinatana, Natana, Sekaraia bona Mesulama, orea gunalaia taudia, bona Ioiaribi bona Elinatana, aonega taudia, lau boiria.

NEHEMIA 6:12

Unai neganai egu lalona ia kehoa, lau diba vadaeni, Dirava ese unai peroveta hereva ia siaia lasi, to unai peroveta tauna ese lau hadikaia totona unai hereva ia gwauraia, Tobaia bona Sanubalata ese moni idia henia dainai.

SALAMO 12:2

Taunimanima ibounai be, idia ta ta dekenai idia hereva koikoi noho. Idia ese hanamoa koikoi, bona laloa rua dekena amo, sibodia ta ta dekenai idia koia noho.

SALAMO 37:12

Kara dika taudia ese, kara maoromaoro taudia hadikaia daladia idia laloa noho, bona idia badu henidia dainai, edia isena idia koria auka masemase.

AONEGA HEREVADIA 11:9

Dirava ia gari henia lasi tauna ese, iena hereva dekena amo, iena badibadinai tauna ia hadikaia ore noho, to aonega kara dekena amo, kara maoromaoro taudia idia heau mauri noho.

IEREMIA 36:5

Vadaeni Ieremia ese Baruku ia oda henia, ia gwau, “Idia ese lau idia koua, Dubu Helaga lau vareai diba lasi.

ESEKIELA 3:24

To Dirava ena Lauma be lau dekenai ia vareai, bona ia ese lau ia abia isi, vadaeni lau gini. Lohiabada ese lau ia hamaoroa, ia gwau, “Tanobada tauna e, oiemu ruma dekenai do oi lao, oi raka vareai, bona iduara do oi koua.

MALAKI 1:10

Siahu Ibounai Lohiabada ia hereva inai: “Umui ta ese Dubu Helaga ena iduara do ia koua namo! Unai neganai lauegu boubou patana dekenai lahi do umui gabua kava lasi! Lau be umui emui kara dekenai lau moale lasi. Bona lau dekenai umui mailaia boubou gaudia be do lau abia dae lasi.

MATAIO 7:15

“Umui naria namonamo, peroveta koikoi taudia garina. Idia mai noho, edia toana be mamoe bamona, to edia lalona be uda sisia dagedage bamona.

IOANE 3:20

Badina be kara dika taudia ibounai ese diari idia ura lasi, diari gabuna dekenai idia lao lasi, edia kara do idia hedinaraia garina.

APOSETOLO EDIA KARA 21:30

Hanua ena kahana ibounai dekenai hoa mai badu danu ia vara, bona mai boiboi bada danu hanua taudia idia heau hebou, Paulo idia dogoatao, Dubu Helaga dekena amo idia veria lao murimuri. Vadaeni, nega tamona iduara ibounai be idia koua.