NEHEMIA 5:9 - Buka Helaga (Hiri Motu) 1993

⁹ Unai dainai lau gwau, “Emui kara be namo lasi. Umui ese iseda Dirava do umui gari henia ena dala dekenai umui raka noho be namo, idau bese taudia ese ita do idia kirikirilaia garina. Badina inai idau bese taudia ese ita hadikaia dalana idia tahua noho.

NEHEMIA 5:9 Iomraidhean Croise

GENESE 20:11

Vadaeni Aberahamo ia haere, ia gwau, “Badina be lau laloa inai gabu dekenai Dirava dekenai matauraia kara be lasi, vadaeni lau laloa be, lauegu adavana totona dohore idia alaia mase lau.

GENESE 42:18

Dina ihatoina dekenai Iosepa ese ia hereva henidia, ia gwau, “Inai bamona umui karaia, vadaeni dohore umui mauri, badina be lau danu Dirava dekenai lau gari.

2 SAMUELA 12:14

To, unai kara dekena amo oi ese Lohiabada oi negea momokani dainai, hari ia vara vadaeni merona be do ia mase.”

NEHEMIA 4:4

Lau Nehemia ese Dirava lau noia, lau gwau, “Dirava e, edia hereva dika mani oi kamonai. Edia hereva dika be edia kwarana dekenai do oi hamorua diho. “Idia do oi negea diho, vadaeni tuari taudia ese idia do idia abia mauri, mai guia danu, bona idia noho tanona taudia ese edia kohu do idia henaoa.

NEHEMIA 5:10

“Inai danu, lau bona egu tadikakana bona egu hesiai taudia ese moni, bona aniani unai taunimanima dekenai ai heniatorehai vadaeni. To namona be ita ese inai abiatorehai davana mai atoa kau moni abia kara do ita hadokoa.

NEHEMIA 5:15

Gavana taudia gunadia, lau idia gunalaia taudia, ese takisi metauna taunimanima dekena amo idia abia, dina ta ta ibounai siliva moni 40, bona aniani bona uaina danu. Edia hesiai taudia ese danu taunimanima idia dagedage henidia. To lau ese Dirava lau gari henia dainai, unai bamona lau karaia lasi.

SALAMO 90:11

Oiemu badu ena siahu momokani ena mamina be daika ia diba? Oiemu dagedage bada ena gari be daika ia diba namonamo?

AONEGA HEREVADIA 16:29

Dagedage tauna ese iena badibadinai tauna ia koia noho, bona dika ena dala dekenai ia hakaua noho.

AONEGA HEREVADIA 17:26

Kara maoromaoro tauna idia panisia kara be namo lasi. Bema tau namona idia dadabaia, kota maoromaorona idia hadikaia unai.

AONEGA HEREVADIA 18:5

Kara dika tauna do oi gwauraia namo be dika, bona kerere lasi tauna do oi gwauraia kerere, unai danu be dika.

AONEGA HEREVADIA 19:2

Tau ta mai ena ura bada, to mai ena aonega lasi, be namo lasi. Ia haheauka lasi, to ia kara haraga kava tauna, be do ia kerere.

AONEGA HEREVADIA 24:23

Aonega taudia edia hereva ma haida be inai: Kota maoromaorona lasi be dika.

ESEKIELA 36:20

Idia lao gabudia ibounai dekenai idia ese egu ladana helagana idia hamiroa, badina be taunimanima ese Israela taudia idia herevalaia, idia gwau, ‘Inai be Lohiabada ena orea taudia, to ia ese ia henidia tano dekena amo haida ese idia luludia lao.’

LEVITIKO 25:36

“Moni o kohu be ia dekena amo do oi abia lasi, to oiemu Dirava do oi gari henia, bona oiemu varavara Israela tauna do oi hamauria, emui huana dekenai.

APOSETOLO EDIA KARA 9:31

Unai neganai Iudea tano ibounai, bona Galilea bona Samaria dekenai danu, ekalesia orea ibounai ese maino idia abia vadaeni, bona idia goada daekau, bona Lohiabada dekenai idia gari noho, bona Lauma Helaga ese laloa goada idia dekenai ia henia. Vadaeni ekalesia ia bada daekau.

ROMA 2:24

Buka Helaga be inai bamona ia gwau, “Umui be Iuda taudia dainai, Iuda lasi taudia ese Dirava ena ladana idia hadikaia.”

1 TIMOTEO 5:14

Unai dainai lau ura vabu hahine matamata taudia be do idia headava lou, natuna do idia havaraia, bona edia ruma taudia do idia naria. Bema unai bamona neganai, iseda orea idia dagedage henia taudia be dala lasi iseda latanai hereva dikadia do idia gwauraia.

TITO 2:5

Bona do idia laloa maoromaoro, do idia noho namonamo, mai laloa goevagoeva danu, bona edia ruma lalonai do idia gaukara. Bogahisihisi karadia do idia karaia, bona edia adavana edia hereva do idia kamonai henia. Unai dekena amo, tau ta ese Dirava ena Sivarai Namona do ia hadikaia diba lasi.

1 PETERO 2:12

To Dirava idia diba lasi taudia edia vairanai, kara namodia do umui karaia. Momokani, hari idia ese umui idia gwauraia kerere noho. To bema emui kara namodia idia itaia neganai, idia ese Dirava do idia hanamoa, Keriso do ia giroa mai dinana dekenai.

1 SAMUELA 2:24

Inai kara do umui hadokoa! Lohiabada ena orea taudia idia herevalaia gaudia be dika momokani!